Wenía 12:7 - Yové Koĩni Vana

⁷ Askái txipo Yavepa Abrão meramatachísho tanamakĩ. “Mĩ revomaa yorarasĩ, naaivo mai ato ẽ inãkatsavere”, akĩ. Aská akĩ meramatachiatõsho, anosho anõ maki ati tapo akĩ.

Wenía 12:7 ပူးပေါင်းရင်းမြစ်များ

Wenía 17:8

Askávaíse rama mĩ anõ niá mai, Canaã, miapámavorasĩ nakosho mĩ niá ivo mairo mia, mĩ revomaa yorarasĩ aká mato ẽ inãkatsa. Atonase ikatsai, askámaĩnõ, earo atõ Yové ikatsaivere.

Wenía 17:1

Askái Abrão, 99 varinamãsho, Yavepa meramatachiósho aská akĩ tanamakĩ. “Earo Yové Weeya Ivo. Ẽ vana anõ ashõ, chinã mekiyai nitso.

Wenía 18:1

Askávai txipo Yavepa Abraão meramatachíki, iwi carvalho Manrena ivonamã orakama ãwẽ nimaĩnõ. Askái vari isĩinámaĩnõ shanaka tanainã ãwẽ peshé ikoti veyó tsaókaĩi.

Wenía 13:15

Mai naa rakáa mĩ oĩa ivo, mia, mĩ revomarasĩ aká keyoki mato ẽ inãkatsa, matonase ikatsai.

Wenía 13:4

Ano nokókaĩsho anõ maki ati tapo ãwẽ achĩanamãshósevi Yavé ravióki.

Wenía 13:18

Aská nĩkãinã ãwẽ peshé txoyo avaí, Hebrom shavá orakama, iwi “carvalho” atõ aká ivorasĩ shokoanamã niakéi kaí. Aaivo iwiro Manre yoraná. Askái anosho anõ maki ati tapo Yavéravĩki ashõóki.

Wenía 32:30

Ãwẽ aská akatõsho, Jacó vanai. “Yové Koĩ kayakavi ẽ oĩmẽkĩ, ea vopima”, iinã aaivo shavá aneki “Peniel”, akĩ aneki.

Wenía 26:25

Askámaĩnõ Isaquẽ anõ maki ati tapo avaikĩ Yavé ravimaĩnõ, ãwẽ shokõkenavõro peshé akãi, vaná wakapasha pokĩi akávo.

Wenía 12:8

Askávai anosho vari oátõ iokaĩi kashõ, mai matóyãwanamã peshé akĩ. Ano ãwẽ peshé akáro Betel, Ai aká tõovakĩ rakáa. Betel ivoro vari kaatõ, Airo vari oátõ aká. Anosho anõ maki ati tapo Yavéravĩki avaikĩ, ravióki.

Wenía 22:9

Askákõvaĩi voí Yové Koĩni ato yoivai ivo mató nokovaĩsho, ãwẽ papã anõ maki ati tapo avaikĩ, matxi karo potanivaíki ãwẽ vake neshavaíki tapo matxi rakãníki.

Wenía 17:3

Anosho, Abrão maĩ vetsek ipámaĩnõ, Yové Koĩ askái vanai.

Wenía 15:18

Askái anosho Yavepa vana tekísma ivo Abrão eneshokĩ. “Naa mai, Egito mainamãsho kesowani kaí Eufrates wakanamã kesoketaná masoa ivo,

Wenía 33:20

Askái anõ maki ati tapo tsaõnivaíki “El Elohe Israel”, akĩ aneki.

Wenía 28:13

Yavé aa tavásho vanainái. “Earo Yavé, Abraão, Isaque aatiisho ravipaóa ivo Yové ea. Naa, mĩ anõ rakáa ivo mai, mia, mĩ revomarasĩ aatii mato ẽ inãkatsa.

Wenía 26:3

Askái neno nii niitso. Mia vesokésho, roapa ivorasĩ mia ẽ ashõkatsa. Ato mĩ revomarasĩ naaivo mai keyoki ato ẽ inãkatsa, mĩ papa Abraão tavámatima ivo vana ẽ ashõmta ivo ẽ mashtéshokatsai.

Wenía 8:20

Askávai txipo anõ maki ati tapo akĩ. Aská avaikĩ yoini anõ eséyatima, chai anõ eséyatima ivo aká ato atxivaíki, Yavé maki ashõki.

Wenía 24:7

Yavé naĩ niá ivo Yovepa, ẽ papa, ẽ wetsamavorasĩni mai aatii ea enemavarãki, tavámatima ivõ ea vana ati, ‘mĩ revomaa yorarasĩ naaivo mai ato ẽ inãkatsa’, iinã ea tanamati. Ãatõ yonoa yovepa mia yoivaĩatõsho, kakĩ mĩ merakatsa ẽ vakẽ aĩ.

Wenía 13:17

Askái ramaro weníinavai kashõ, naaivo mai ãwẽ kesoketanatióki oĩkéta, vari oátõ, vari kaatõ, naí paróri, naí paró wetsã, akánamã oĩketátso”, akĩ.

Wenía 28:4

Abraão vana roapa ã netãtõsevi mia ashõotikĩra, mĩ revomarasĩ aká. Anosho miapámavorasĩ ato nakosho nishõ, mai mĩ ivoketikĩra, Yové Koĩni Abraão inãti ivo mai”, akĩ.

Wenía 35:7

Anosho, anõ maki ati tapo avaikĩ “El-Betel”, akĩ aneki. Awesáma, anosho Yové Koĩni oĩmayãtá, ãwẽ take kayashovainii ãwẽ kamaĩnõ.

Wenía 35:12

Abraãonĩ Isaque mai ato ẽ inãti ivo mia ẽ inãókatsa, ato mĩ revomaivorasĩ askásevi akĩ ato inãi ẽ akatsai”, akĩ tanamakĩ.

Wenía 50:24

Askávai txipo Josepa vopikatsikawãki, ãwẽ takevo kenasho ato vana akĩ. “Mato ẽ enekatsa, askámẽkĩ Yové Koĩni mato take akí okatsai. ‘Mai mato ẽ inãkatsa’, iinã tavámatima ivo vanã, Abraão, Isaque, Jacó aatii, ato tanamati. Askásho nenosho mato kawivaĩsho aaivo maĩ mato shokõkatsa”, ato akĩ.