Wenía 12:2 - Yové Koĩni Vana

² Minõsho yora shoko wetsa ẽ revomakatsai. Roapa ivo mia ẽ ashõkatsa. Yora kakataiyakĩ mia ẽ shovimakatsai. Roapa ivo mia ẽ ashõatõsho yora wetsarasĩ askásevi netãnákatsa.

Wenía 12:2 ပူးပေါင်းရင်းမြစ်များ

Wenía 13:16

Aská akĩ atovoro mai pototíi, tanátĩpa ikatsai.

Wenía 15:5

Aská avaikĩ Abrão ikotĩ ewevaĩsho tanamaóki. “Ramaro naí shavári patáinásho ichi awetii naĩ masoraki tanáta, mĩ keyoki tanátiraki oĩ. Waa ichi masoatii ikatsai ato mĩ revomarasĩ”, akĩ.

Wenía 17:20

Askámaĩnõ, Ismaelro, roapa ivo ẽ ashõókatsa, ea mĩ yokáa keská akĩ. Aamẽsho, ãwẽ revomaa westíma ikatsai, yora shoko wetsa shoviókatsa aká. Askávaíse ãwẽ vakerasĩro 12 kakáyavo ikatsai.

Wenía 18:18

Ãwẽ yora shoko wetsa mestẽkatõ papa ikatsai. Anõsho, maitioi shokoa yora wetsarasĩ vana roapa netãnákatsa.

Wenía 18:19

Aaro kavẽnáya ivo yora. Ãwẽ vakerasĩ, ãwẽ revomarasĩ aká aská akĩ ato ave yononõ, ‘Yavé anõ atsoma chinã mekiyai shokotsoma’, iinã. Askái Abraão ẽ tanamayãtá ivo vana katsése ẽ ashõkatsa”, ikĩ chinãki.

Wenía 19:29

Askáti, aaivo cidaderasĩ Yové Koĩni ato keyosho, Abraãomẽsho, ãwẽ epashko ivoro ewesho pashamati.

Wenía 24:1

Abraão ãwẽ sheniwetsa mashtéanamãsho Yavepa roaparasĩ katsése ashõkõvarãki.

Wenía 24:35

Yavepa ẽ ivo Abraão roapa ashõkõvarãki, yora kakataiya shovimashõ nitxĩsho, prata, ouro, ãwẽ mee ima vene aĩvorasĩ, ãwẽ yoini inárasĩ txivorasĩ, txasho anikarasĩ, camelorasĩ, jumentorasĩ aatii inãmtá.

Wenía 25:11

Askái Abraão vopimaĩnõ, txipo Isaque Yové Koĩni ãwẽ vana roapa ivo netãóki. Askái aaro vaná waka kesó nii kati, ãwẽ anero “Beer-Laai-Roi.”

Wenía 26:3

Askái neno nii niitso. Mia vesokésho, roapa ivorasĩ mia ẽ ashõkatsa. Ato mĩ revomarasĩ naaivo mai keyoki ato ẽ inãkatsa, mĩ papa Abraão tavámatima ivo vana ẽ ashõmta ivo ẽ mashtéshokatsai.

Wenía 26:4

Mĩ revomarasĩ atõ revovaĩa westíma, naí shavapa masoa ichitíi. Mai ato keyoki ẽ ivomakatsai. Askái revoa wetsamẽsho, maitioi yora shoko wetsarasĩ vana roapa ivo netãnákatsa.

Wenía 27:29

Yora shoko wetsarasĩ minõ eséyai maĩ vetsek ipái shokonõvo. Mĩ takevo mĩ ato yonoa shokosho mia veyó vetsek ipaónõvo. Yora mia veí vana netãya ivoro aaivo vanasevi netãnaókatsa. Askámaĩnõ, yora vana roapa mia netãya ivoro, aaivo vanasevi netãnaókatsa”, akĩ.

Wenía 28:14

Minõsho revovaĩkatsayavorasĩ mai pototii ikatsai. Atovose peás ii itãi vari oátõ, vari kaatõ, naí paróri, naí paró wetsã, shokoi aa atãkatsavo. Askái yora shoko wetsarasĩro mia, mĩ revomarasĩ akámẽsho ashkã vana roapa netãnásho shokokatsavo.

Wenía 35:11

Aská avaikĩ tanamaóki. “earo Yové Weeya ivo. Ãtsa akĩ ato revomatso. Askái minõsho yora shoko wetsa, arí wetsai shokopakéa aká shovivaĩkatsa, atomẽsho kakáya mestẽka ivorasĩ merákatsavo.

Wenía 46:3

“Earo Yové Koĩvere, mĩ papã Yové ea. Egito maĩ kaí rakéroa, anosho minõsho yora ãtsa ẽ revomakatsai.