Yozhanq Sam 1:10 - Gij Baujcingq Moq Caeuq Geij Bonj Gij Baujcingq Daeuzdaeuz

¹⁰ Sojhij, hauhnaeuz gou bae mwnq nex, gou couh ij byoengq gij haexnyangj de okdaeuj hawj vunz rox, couh dwg naeuz de gangj doenghgij vah doegdoeg siebsieb he ma ngig gyoengqraeuz hih, luenh bangjlaih gyoengqraeuz hih. De mbouj danhcij yienghneix, vanzlij mbouj vuenhringz gyoengq beixnuengx mwnq; bonjfaenh de mbouj vuenhringz cixbah lo, hoeng vanzlij lanz hwj mbouj hawj doengh boux siengj vuenhringz he, simqciq boenq doengh boux de ok gyauqveiq bae.

Yozhanq Sam 1:10 ပူးပေါင်းရင်းမြစ်များ

Gohlimzdoh Ngeih 13:2

Gou mbat gaxgonq, couh dwg mbat daixngeih bae faenhsou mwnq, gaenq naeuz goq doenghheij famh coih mbouj gaij hih mwnq lo; seizneix gou caiq ij doiq gyoengqde caeuq gizdah vunz naeuz daixsam mbat. Hauhnaeuz gou caiq bae faenhsou mwnq nex, gaengjdingq mbouj nyiuz gyoengqde.

Luqgyah Saw 6:22

“Vih gou, Vunz dih Daiqbiuj hwj ngaiz vunz haenq faenhsou, mbouj caeuq faenhsou doxndei, yiem faenhsou, riu faenhsou, naeuz faenhsou dwg vunz vaih hih, faenhsou miz fuk lo,

Yozhanq Sam 1:5

Cinhngaiq dih baengzyoux hax, mwngz baenxlai caensim bae bang gyoengq beixnuengx; mboujguenj doengh boux mwngz mijyaengz raen naj goq, najseng he, mwngz cungj ciuqyiengh caensim bae bang.

Yozhanq Saw 9:22

Bohmeh de yienghneix naeuz dwg aenvih gij vunz Youzdaiq dang lingjdauj he gaenq senqsi cix cimciek ndei naeuz hauhnaeuz miz byawz nginh naeuz Yehsuh dwg Gihduz nex, couh boenq byawz ok veiqdangz bae.

Geiq Dwzbaijyienz 1:15

Miz ngoenz he, daihgaiq miz bakngeih vunz yienghneix doxcomz. Bijdwz ndwn hwnjdaeuj naeuz:

Gyahlahdaiq Saw 6:10

Sojhij, cijaeu gyoengqraeuz miz gihveiq, couh wnggai guh ndeisaeh, bang vunz, dwzbez dwg bang doenghheij caeuq gyoengqraeuz doxdoengz dwg sinq Gihduz he.

Dizmohdaiq It 5:13

Caiq gyacangq hauhnaeuz hawj gyoengqde daengh haeuj bae nex, cungj lau gyoengqde gajlaeng bienq gyik hwj haenj nyangz hoh ndonj hoh. Mbouj danhcij bienq gyik, vanzlij haenj guenj henzsaeh, doeng gangj sae gangj, bak lai, gangj doenghgij mbouj wnggai gangj he.

Yozhanq Ngeih 1:10

Yiengq, hauhnaeuz miz vunz bae daengz laeng faenhsou mwnq, hoeng mbouj cenzgangj gij saedsaeh neix hih, couh mbouj ciep boux de haeuj ranz faenhsou bae, mbouj daih de, mbouj leixlangh boux de,

Yozhanq Ngeih 1:12

Gou vanzlij miz haujlai vah ijsiengj caeuq faenhsou gangj, hoeng, mbouj siengj aeu ceij aeu maeg ma caeuq faenhsou gangj; siengj bae daengz faenhsou mwnq bae, caenndang naj doiq naj caeuq faenhsou gangj lah, yienghmwnq ndaej hawj gyoengqraeuz lai raen sim'angq.

Yozhanq Sam 1:3

Gou angq ij rai, miz beixnuengx daeuj gou dineix naeuz gou ni mwngz lauxlaux saedsaed mbouj doeknaiq hih ciuq gij saedsaeh Cangqdiq bae goq saedceij.