Yozhanq It 5:7 - Gij Baujcingq Moq Caeuq Geij Bonj Gij Baujcingq Daeuzdaeuz

⁷ Ndaej cingqmingz gij neix hih miz sam cungj,

Yozhanq It 5:7 ပူးပေါင်းရင်းမြစ်များ

Majdaiq Saw 28:19

Sojhij faenhsou couh ij bae cenz naeuz lajmbwn sojmiz hih minzcuz ni, hawj lajmbwn sojmiz hih vunz cungj daeuj guh gij lwgsae gou, caemh hawj gyoengqde sijlij hwj ndaej cingqmingz gyoengqde dwg gij vunz Bohmbwn caeuq gij vunz daeglwg Bohmbwn caeuq gij vunz Hoenzsaenz Bohmbwn.

Gohlimzdoh Ngeih 13:14

Muengh bouxcawj raeuz Yehsuh Gihduz doiq faenhsou haijliengh, Cangqdiq aiq faenhsou, caemh muengh Hoenzsaenz Cangqdiq doz youq gwnz ndang faenhsou, caeuq faenhsou youq!

Geiq Dwzbaijyienz 5:32

Gyoengqraeuz cungj dwg gij saeh neix dih cingqyinz; Cangqdiq soengq Hoenzsaenz de hawj doengh boux dingq de hih gij Hoenzsaenz neix caemh ndaej cingqmingz gij saeh neix.”

Yozhanq Saw 1:1

Daj gaihcij mijyaengz cauh mbwn cauh deih haem, cix miz gij vah Cangqdiq lo. Miz Cangqdiq caemh miz gij vah de; gij vah de couh dangq dwg Cangqdiq lo.

Geiq Dwzbaijyienz 2:33

Seizneix Yehsuh gaenq naengh youq Cangqdiq dih mbiengj baixgvaz de lo, naengh mwnq ceiq ndei ceiq miz naj he. De ciep aeu gij Cangqdiq daxboh de, soj baujcingq he, couh dwg ciep aeu Hoenzsaenz Cangqdiq coengq roengzdaeuj hawj vunz, couh dwg faenhsou seizneix soj yawjraen hih soj dingqri hih.”

Yozhanq It 5:6

Boux Yehsuh Gihduz daeuj lajmbwn guh vunz neix, de dwg dunghgoq sijlij dih raemx caeuq rai dih lwed; de mbouj danhcij naeuz dunghgoq raemx, vanzlij dwg dunghgoq raemx caeuq lwed. Hoenzsaenz Cangqdiq caemh ndaej cingqmingz gij neix dwg saedsaeh he, aenvih Hoenzsaenz Cangqdiq couh dwg saedsaeh.

Yozhanq Saw 8:54

Yiengq de han naeuz: “Hauhnaeuz gou gag haenh bonjfaenh gou nex, mij'z yungh. Hoeng, boux haenh gou hih dwg boh gou, couh dwg faenhsou naeuz hih faenhsou dih Cangqdiq lo.

Majdaiq Saw 17:5

Bijdwz gangj doenghgij vah neix hih mwhde, miz ndaek vangq fwj rongh sagsag he daeuj guem gyoengqde. Ndaw fwj ndaw de caemh miz sing gangj naeuz: “Boux neix dwg daeglwg gou, dwg gou aiq dih lwg; de hawj gou roxnginh hab'eiq habhoz he. Faenhsou ijaeu dingq gij vah de.”

Yozhanq Saw 10:30

Gou caeuq boh caemhdangq dwg boux he.”

Yozhanq Saw 5:26

Aenvih boh bonjfaenh de couh dwg doenj mingh, de caemh ciuqyiengh hawj daeglwg de ndaej guh doenj mingh.

Gihduz Hawj Vunz Rox 19:13

De daenj miz diuz buh cimq roengz lwed bae hwj hoengz liux he. Gij coh de heuh ‘Gij Vah Cangqdiq.’

Yozhanq Saw 12:28

De yienghneix naeuz le, couh hemq naeuz: “Boh hax! Muengh mwngz najrongh miz mingz!” De hemq sat le, couh miz sing daj gwnzmbwn cenz roengzdaeuj naeuz: “Gou gaenq najrongh lo, gaenq ok mingz lo; gou vanzlij ij najrongh haem, ij miz mingz haem.”

Yozhanq Saw 8:18

Seizneix gou mbouj danhcij naeuz gag cingqmingz bonjfaenh gou, vanzlij miz baij gou daeuj hih daxboh cingqmingz gou.”

Majdaiq Saw 18:16

Yiengq, hauhnaeuz de mbouj dingq nex, mwngz couh daiq boux daengz song boux caeuq mwngz itheij bae cimh de; yienghmwnq mwngz soj naeuz de hih vah caemh ndaej miz song daengz sam boux cingqyinz lo.

Yozhanq It 1:1

Gyoengqraeuz seizneix sij saenq naeuz faenhsou ni gvanhhih gij vah Cangqdiq daiq miz mingh he. Gij vah daiq miz mingh neix couh dwg daj gaihcij cix senqsi miz hih, caemh dwg gyoengqraeuz soj dingqri, soj yawjraen hih, caeuq gyoengqraeuz soj mo goq hih.

Yozhanq Saw 14:17

Boux neix couh dwg heuh miz saedsaeh dih Hoenzsaenz. Aen seiqgyaiq neix hih vunz mbouj ndaej couh de, aenvih gyoengqde yawj mbouj raen de, caemh mbouj rox de. Hoeng, faenhsou rox de hah, aenvih de siengzseiz caeuq faenhsou youq, caemh ij doz youq gwnz ndang faenhsou.

Yozhanq Saw 15:26

“Gou ij daj daxboh mwnq baij boux ndaej bang faenhsou he daeuj, couh dwg daj daxboh mwnq daeuj hih miz saedsaeh dih Hoenzsaenz. De daeuj mwhde, de ndaej cingqmingz gou.

Yozhanq It 5:8

couh dwg Hoenzsaenz Cangqdiq, raemx caeuq lwed; sam cungj neix cungj dwg cingqmingz doxdoengz he.