Yozhanq It 5:6 - Gij Baujcingq Moq Caeuq Geij Bonj Gij Baujcingq Daeuzdaeuz

⁶ Boux Yehsuh Gihduz daeuj lajmbwn guh vunz neix, de dwg dunghgoq sijlij dih raemx caeuq rai dih lwed; de mbouj danhcij naeuz dunghgoq raemx, vanzlij dwg dunghgoq raemx caeuq lwed. Hoenzsaenz Cangqdiq caemh ndaej cingqmingz gij neix dwg saedsaeh he, aenvih Hoenzsaenz Cangqdiq couh dwg saedsaeh.

Yozhanq It 5:6 ပူးပေါင်းရင်းမြစ်များ

Hihbwzlaiz Saw 9:14

yiengq, ciuq luj yienghneix ma gangj, gij lwed Gihduz mbouj engqgya haz? De dunghgoq seiqseiz lix dih Hoenzsaenz Cangqdiq, dawz bonjfaenh de ma dangq guh gij dajbwiz mij maz ndaej diudik he hwj bwiz hawj Cangqdiq. Gij lwed de ndaej hawj raeuz mbouj caiq guh gij mij'z yungh he, hawj raeuz mbouj caiq saetnaj saetnyaenq hwj ndaej swqhaeuh seiqseiz lix dih Cangqdiq.

Yozhanq Saw 15:26

“Gou ij daj daxboh mwnq baij boux ndaej bang faenhsou he daeuj, couh dwg daj daxboh mwnq daeuj hih miz saedsaeh dih Hoenzsaenz. De daeuj mwhde, de ndaej cingqmingz gou.

Yozhanq Saw 16:13

Daengj daengz miz saedsaeh dih Hoenzsaenz daeuj, de gaengjdingq daiq faenhsou, hawj faenhsou rox sojmiz hih saedsaeh. De caemh ij gangj naeuz faenhsou ni baezneix ij fatseng hih. De soj gangj hih mbouj dwg ciuq gij cawjeiq bonjfaenh de ma gangj law, dauq dwg gangj gij saeh bonjfaenh de daj Cangqdiq mwnq soj dingqri hih lah.

Hihbwzlaiz Saw 12:24

bae daengz dangqnaj Yehsuh, boux guh Cangqdiq caeuq vunz laeb hih gij baujcingq lienz diuzgyenq moq hih boux cungqgyan neix, bae daengz mwnq saj lwed mwnq; gij lwed neix beij gij lwed Yaqbwz gouz Cangqdiq vanzlij miz ik.

Majgoj Saw 14:24

Gyoengqde gw le, Yehsuh couh naeuz: “Gij neix couh dwg daiqbiuj gij lwed gou, dwg daiqbiuj Cangqdiq yiengq vunz dinghlaeb dih baujcingq lienz diuzgyenq, dwg yungh gij lwed gou ma dingh hih. Gij lwed gou dwg vih vunz lai hwj ngaiz riuz hih.

Yozhanq Saw 14:17

Boux neix couh dwg heuh miz saedsaeh dih Hoenzsaenz. Aen seiqgyaiq neix hih vunz mbouj ndaej couh de, aenvih gyoengqde yawj mbouj raen de, caemh mbouj rox de. Hoeng, faenhsou rox de hah, aenvih de siengzseiz caeuq faenhsou youq, caemh ij doz youq gwnz ndang faenhsou.

Gihduz Hawj Vunz Rox 7:14

Gajlaeng gou han boux de naeuz: “Goengjau, mwngz rox hih.” Gajlaeng boux de couh naeuz: “Doenghheij vunz neix dwg dunghgoq daixnanh, dwg daj ndaw nanh gouq okdaeuj hih, dwg yungh gij lwed duz yiengzlwg ma swiq gij buh gyoengqde hwj bieg hih.

Gihduz Hawj Vunz Rox 5:9

Gyoengqde ciengq diuz go moq he, ciengq naeuz: Mwngz boiqndaej dawz gienj saw, Boiqndaej mbek gij lab fung, Aenvih mwngz ngaiz vunz gaj goq. Mwngz yungh gij lwed mwngz Daj gak cuz, gak minzcuz, gak guek, gak mwnq vunz gangj mbouj doengz hih vah, Cueg gij vunz ma gvi hawj Cangqdiq,

Bijdwz It 1:2

Faenhsou dwg Cangqdiq Bohmbwn senqsi cix rox cix senjdingh okdaeuj hih lo; Hoenzsaenz de hawj faenhsou bienqbaenz boux hab'eiq habhoz Cangqdiq hwj dingq Yehsuh Gihduz, caiq baengh gij lwed Yehsuh Gihduz hwj hawj faenhsou guh gij vunz de. Muengh Cangqdiq doiq faenhsou haijliengh raixcaix, hawj faenhsou bingzan!

Hihbwzlaiz Saw 13:20

Muengh nyok bingzan dih Cangqdiq, couh dwg boux dunghgoq gij lwed laeb gij baujcingq yungjyenj mbouj bienq hih ma hawj veijdaq dih bouxcawj raeuz Yehsuh boux ciengx yiengz neix daj rai ndaej dauqlix dih Cangqdiq,

Yozhanq Saw 4:14

hoeng, famz gw goq gij raemx gou hawj he hih vunz couh ndaej yungjyenj mbouj rox hozhawq, aenvih gou hih gij raemx neix ij youq gwnz ndang de bienqbaenz aen cingjraemx riuz mbouj rox sat, hawj de ndaej seiqseiz lix.”

Luqgyah Saw 22:20

Gw haeuxcaeuz sat le, Yehsuh caiq dawz cenj laeuj hwnjdaeuj naeuz: “Cenj neix couh dwg daiqbiuj Cangqdiq yiengq vunz dinghlaeb dih saen dih baujcingq lienz diuzgyenq, dwg yungh gij lwed gou ma dingh he. Gij lwed gou dwg vih faenhsou hwj riuz he.”

Majdaiq Saw 26:28

Gij neix dwg daiqbiuj gij lwed gou, dwg daiqbiuj Cangqdiq yiengq vunz dinghlaeb dih baujcingq lienz diuzgyenq. Gij lwed gou dwg vih mienx coih vunz lai hwj ngaiz riuz hih.

Yozhanq It 1:7

Yiengq, caiq hauhnaeuz gyoengqraeuz goq dih saedceij cungj dwg rongh sagsag he, luj Cangqdiq youq ndaw rongh yienghmwnq, gyoengqraeuz couh ndaej doxgaep guh buek vunz he lo, gij lwed daeglwg de Yehsuh caemh dawz gij coih raeuz swiq cengh lo.

Dizdoh Saw 3:5

de caemh dunghgoq Hoenzsaenz de ma dauqyungz cauh gyoengqraeuz, caemhdangq naeuz swiq cengh gyoengqraeuz, hawj gyoengqraeuz ndaej gouq, hawj gyoengqraeuz ndaej miz saen dih gaihdaeuz. De yienghneix gouq gyoengqraeuz, mbouj dwg naeuz gyoengqraeuz guh gijmaz ndeisaeh hih, dauq dwg vih de hojsik raeuz lah.

Hijfuzsoj Saw 1:7

De baenxlai aiq baenxlai haijliengh, simqciq sijndaej daeglwg dog de vih cueg gij coih gyoengqraeuz hwj riuz lwed.

Yozhanq Saw 6:55

Gij noh gij lwed gou cingqcaen dwg ndaej gw hih.

Yozhanq Saw 4:10

Gajlaeng Yehsuh han naeuz: “Hauhnaeuz mwngz rox Cangqdiq siengj hawj mwngz gijmaz caeuq rox seizneix cam mwngz aeu raemx ma gw hih dwg byawz nex, mwngz cungj senqsi cix gouz de lo; de caemh senqsi cix hawj gij raemx hawj vunz ndaej seiqseiz lix he lo.”

Yozhanq Saw 3:5

Yehsuh caiq han de naeuz: “Gou saedsaeh naeuz mwngz ni, vunz hauhnaeuz mbouj dwg dajlaeng raemx caeuq dajlaeng Hoenzsaenz Cangqdiq seng hih, couh mbouj ndaej haeuj aen guek Cangqdiq.

Gihduz Hawj Vunz Rox 1:5

caeuq boux lauxsaed sinq ndaej goq dih cingqyinz, daixit boux daj rai ndaej dauqlix, guh lajmbwn sojmiz vuengz hih vuengz dih Yehsuh Gihduz doiq faenhsou haijliengh, hawj faenhsou bingzan. De aiq gyoengqraeuz, vih ij hawj gyoengqraeuz ndaej duet ok coih hwj ngaiz riuz lwed vwt mingh;

Bijdwz It 3:21

Ciengz raemxdumh neix, dwg beijgangj gyoengqraeuz sijlij lo, hoeng, sijlij mbouj dwg naeuz swiq aen ndang faenhsou cengh hwj ndaej gouq nej, dauq dwg daiqbiuj faenhsou gouz Cangqdiq hawj faenhsou bienqbaenz mij gijmaz doiq mbouj hwnj liengzsim he, dwg baengh Yehsuh Gihduz dauqlix hwj ndaej gouq hih lah.

Hihbwzlaiz Saw 10:29

Yiengq, ciuq luj yienghneix ma yawj, doenghheij dawz daeglwg Cangqdiq ma caij youq laj din, yawj mbouj hwnj gij lwed Cangqdiq aeu ma dinghlaeb saen dih baujcingq lienz diuzgyenq hwj hawj vunz ndaej mienx coih hih, caiq yawj doiq vunz haijliengh dih Hoenzsaenz Cangqdiq ngawz hih doenghheij vunz mwnq, mbouj engqgya haz?

Hihbwzlaiz Saw 9:7

Caenhgag goengjsae dajbwiz daeuzdaeuz cij ndaej haeuj fungh baixndaw bae, caemh dwg it bi cij ndaej haeuj bae ngoenz he. Ngoenz mwnq cungj ij daiq lwed haeuj bae vih bonjfaenh caeuq vih gij beksingq mbouj rox hwj ngaiz famh coih hih bwiz Cangqdiq.

Gohlozsih Saw 1:4

aenvih gyoengqraeuz dingq naeuz faenhsou sinq Yehsuh Gihduz, caemh aiq sojmiz hih haeuj gij vunz Cangqdiq he.

Lozmaj Saw 3:25

Cangqdiq begbeg nyok Yehsuh Gihduz daeuj guh gij dajbwiz he hwj bang vunz rap coih, mbouj hawj vunz ngaiz fad; de yienghneix guh couh ndaej hawj vunz baengh gij lwed de hwj ndaej mienx coih. De yienghneix guh caemh dwg ij yienh ok de dwg ndwn ndaej cingq; gannaeuz gaxgonq Yehsuh mijyaengz daeuj cihsenz de nyiuz gij coih vunz lah, hoeng, cungj mbouj ndaej naeuz Cangqdiq dwg guh mbouj cingq ndwn mbouj cingq, dauq ij naeuz de dwg naenxsim hih.

Geiq Dwzbaijyienz 8:36

Couh yienghneix, Feihliq doq bae doq gangj naeuz de ni. Gajlaeng ngamqluj bae daengz mwnq he miz raemx, boux de couh naeuz: “Aeq, yawj veiq! Mwnq miz raemx hwj; gou ndaej mbouj ndaej youq mwnq sijlij hax?”

Yozhanq Saw 14:6

Yehsuh dingq le, han naeuz: “Gou couh dwg roen, dwg saedsaeh, dwg mingh; hauhnaeuz mbouj dunghgoq gou, mij'z vunz ndaej bae daengz daxboh mwnq.

Yozhanq It 4:10

Mbouj dwg gyoengqraeuz aiq Cangqdiq, dauq dwg Cangqdiq aiq gyoengqraeuz lah. De baij daeglwg de daeuj vih ij cueg gij coih gyoengqraeuz hwj vwt mingh. Gij neix couh dwg aiq.

Dizmohdaiq It 3:16

Bak faenh cih bak, mij maz ndaej ngeiz, Cangqdiq hawj raeuz rox hih gij saedsaeh neix cingqcaen dwg geizmiuj raixcaix, couh dwg: De bienq boux vunz yienghmwnq yienh hawj vunz raen, Hoenzsaenz Cangqdiq cingqmingz de dwg Gihduz. Bouxcai Cangqdiq ndaej raen de, Gij ndei siuhsiz de caemh cenz bae daengz gak guek gak dieg. Gij vunz lajmbwn cungj sinq de, De najrongh sagsag hwj ndaej ciep hwnj mbwn bae.

Majdaiq Saw 3:16

Couh yienghneix, Yozhanq couh bang Yehsuh sijlij lo. Couh youq mwh Yehsuh sijlij ndaej le, daj ndaw raemx hwnj ma hih mwhde, sawqmwh aen mbwn luj aen dou yienghmwnq hoi; de yawjraen Hoenzsaenz Cangqdiq luj duz roegguqgap yienghmwnq mbin roengz gwnz ndang de daeuj.