Yozhanq It 5:18 - Gij Baujcingq Moq Caeuq Geij Bonj Gij Baujcingq Daeuzdaeuz

¹⁸ Gyoengqraeuz rox gij lwg Cangqdiq mbouj dwg caenhrox famh coih hih, aenvih daeglwg Cangqdiq hen gyoengqde hwj, mbouj hawj Sajdanq, boux guh doeg guh sieb neix, haih gyoengqde.

Yozhanq It 5:18 ပူးပေါင်းရင်းမြစ်များ

Yozhanq It 3:9

Lwg Cangqdiq dwg mbouj famh coih hih, aenvih gyoengqde miz gij singqciz Cangqdiq; giqyienz Cangqdiq dwg daxboh gyoengqde, gyoengqde couh mbouj famh coih.

Yozhanq It 5:4

aenvih lwg Cangqdiq cungj ndaej giengz goq lajmbwn sojmiz hih. Hawj gyoengqraeuz ndaej giengz goq lajmbwn hih couh dwg gyoengqraeuz hih sinq Gihduz dih sim.

Youzdaq Saw 1:21

caemh ij baux ndei Cangqdiq dih aiq, daengj bouxcawj raeuz Yehsuh Gihduz dauq daeuj hojsik gyoengqraeuz, nyok hawj gyoengqraeuz seiqseiz lix.

Yozhanq It 5:1

Famz sinq Yehsuh dwg Gihduz, Cangqdiq baij daeuj dih vuengz hih, cungj dwg lwg Cangqdiq. Aiq boh hih vunz caemh aiq lwg boh de.

Youzdaq Saw 1:24

Cangqdiq cij dwg gouq gyoengqraeuz hih bouxcawj. [24]De ndaej baujhuq faenhsou, mbouj hawj faenhsou ngaiz famh coih, hawj faenhsou ndaej guh boux mij gijmaz ndaej diudik he, ndaej angq vaujvauq hwj ndwn youq dangqnaj de. [25]Muengh dunghgoq bouxcawj raeuz Yehsuh Gihduz, najrongh miz vi miz rengz miz gienz daj gaihcij daengz seizneix daengz yungjyenj cungj dwg gvi hawj caenhgag de cij dwg Cangqdiq he! Ahmaenz.

Yozhanq It 3:3

Famz muengh ijsiengj luj de hih vunz cungj dwg gag gaij ndei, gaij luj de yienghmwnq ndei.

Yajgoz Saw 1:27

Dauq dwg doenghheij vunz yawjraen lwggyax, raen mehmaiq miz nanh le couh bae bang hih, caemh mbouj bae gaen aen seiqgyaiq neix hih doenghheij yalw he hih, gyoengq vunz neix soj guh hih youq ndaw lwgra Cangqdiq, Bohmbwn raeuz, dwg ndei hih, mbouj miz maz ndaej diudik hih.

Bijdwz It 1:23

Faenhsou wnggai yienghneix guh, aenvih Cangqdiq hawj faenhsou ndaej doiqyungz seng, ndaej doiqyungz miz mingh. Faenhsou ndaej doiqyungz seng, ndaej miz saen dih mingh, mbouj dwg daj rox rai hih, miz lwed miz noh hih vunz seng hih, dauq dwg daj gij vah Cangqdiq miz mingh hih yungjyenj mbouj rox cied hih ndaej miz saen dih mingh lah.

Yozhanq It 2:29

Giqyienz faenhsou rox de ndwn ndaej cingq he, yiengq faenhsou couh ij wnggai rox, ndwn ndaej cingq hih vunz cungj dwg lwg Cangqdiq.

Yozhanq Saw 15:9

“Gou aiq faenhsou, caemh luj boh aiq gou yienghmwnq; faenhsou ij siengzseiz souj ndei gou doiq faenhsou dih aiq.

Gihduz Hawj Vunz Rox 2:13

Gou rox, gannaeuz mwngz youq mwnq Sajdanq fangzvuengz soj guenjciq hih deixfueng lah, hoeng mwngz vanzlij dwg gyenhciz mbouj yiem gou, mbouj vwt gou, simqciq mwh Anhdizbaq boux sinq ndaej goq neix dih boux cingqyinz gou youq faenhsou mwnq, couh dwg youq Sajdanq soj youq hih deixfueng, ngaiz gaj hih mwhde, mwngz vanzlij gyenhciz sinq gou, mbouj doeknaiq.

Yozhanq It 5:21

Lwg hax, faenhsou mbouj ndaej dep duz you!

Yozhanq It 4:6

Hoeng gyoengqraeuz dwg haeuj buek vunz Cangqdiq. Rox Cangqdiq hih vunz cungj dingq gyoengqraeuz; mbouj haeuj buek vunz Cangqdiq hih couh mbouj dingq gyoengqraeuz. Yiengq, ciuq yienghneix ma yawj, gyoengqraeuz couh rox baenzlaw nginh ok miz saedsaeh dih Hoenzsaenz caeuq mbouj miz saedsaeh dih hoenzsaenz lo.

Yozhanq Saw 15:7

Yiengq, hauhnaeuz faenhsou siengzseiz caeuq gou youq, caemh ndaejgeiq gij vah gou, ciuq gij vah gou bae guh hih, mboujguenj faenhsou ij aeu gijmaz, gouz couh ndaej lo.

Yozhanq Saw 1:13

Guh lwg Cangqdiq hih vunz mbouj dwg ciuq swqyienz yienghmwnq seng daeuj hih, cixnaeuz dwg vunz caeuq vunz yienghmwnq miz lwed miz noh miz muengh hih yienghmwnq seng, dauq dwg baengh Cangqdiq ndaej seng daeuj hih lah.

Yozhanq It 3:12

Gyoengqraeuz mbouj ndaej luj Gaihyinj yienghmwnq. De dwg haeuj buek fangzvuengz he; de gajrai daegnuengx bonjfaenh. De vihmaz gaj daegnuengx de nej? Aenvih de guh doeg guh sieb, daegnuengx de dauq dwg guh soh guh ndei he.

Geiq Dwzbaijyienz 11:23

Bahnazbah bae daengz Anhdizah le, yawjraen Cangqdiq soengq fuk hawj gyoengq vunz mwnq, de couh angq hwj ij rai, couh gujliq gyoengq vunz, naeuz gyoengq vunz, hawj gyoengq vunz sinq Yehsuh ij gyenhdingq, mbouj ndaej bienq sim, ij yungjyenj gaen Yehsuh Bouxcawj.

Yozhanq Saw 15:4

Faenhsou ij siengzseiz caeuq gou youq; gou caemh siengzseiz ij caeuq faenhsou youq. Cingq luj gij nge buzdauz, hauhnaeuz mbouj nem youq gwnz go de, nge de couh mbouj ndaej dawz mak; yiengq, hauhnaeuz faenhsou mbouj caeuq gou youq, faenhsou caemh ciuqyiengh mbouj ndaej dawz mak.

Yozhanq Saw 14:30

“Gou mbouj miz geijlwh cizgyenh ndaej caeuq faenhsou gangj haem lo, aenvih aen seiqgyaiq neix hih vuengz couh ij daeuj lo, hoeng, de mij'z gienz guenj gou law.

Yajgoz Saw 1:18

De ciuq gij cawjeiq bonjfaenh de yungh gij saedsaeh ndei siuhsiz de ma hawj raeuz ndaej dauqlix, hawj gyoengqraeuz ndaej guh daixit buek de doiqyungz cauh he hwj guh gij vunz de.

Majdaiq Saw 5:37

Couh dwg naeuz, faenhsou gangj vah, ‘dwg’ couh naeuz ‘dwg,’ ‘mbouj dwg’ couh naeuz ‘mbouj dwg;’ mbouj ndaej fazsiq. Hauhnaeuz fazsiq, couh dwg Sajdanq iuyinx hih.

Majdaiq Saw 6:13

Caemh muengh raeuz mbouj ngaiz yungx bae guh vaihsaeh; Gouq gyoengqraeuz duet ok boux simdoeg simsieb mwnq. [Aenvih caenhgag mwngz cij dwg vuengz, cij miz gienz, cij boiqndaej vunz haenh, yungjyenj haenh roengzbae. Ahmaenz.]

Yozhanq It 5:15

Giqyienz gyoengqraeuz rox de dingq gyoengqraeuz soj gouz hih, yiengq gyoengqraeuz caemh rox gyoengqraeuz gouz de hih, de gaengjdingq soengq hawj raeuz.

Yozhanq It 5:19

Gyoengqraeuz rox, gannaeuz aen seiqgyaiq neix hih vunz cungj dwg ngaiz boux guh doeg guh sieb neix guenjciq lah, hoeng gyoengqraeuz mbouj ngaiz de guenjciq; gyoengqraeuz vanzlij dwg gij vunz Cangqdiq.

Yozhanq It 5:20

Gyoengqraeuz rox daeglwg Cangqdiq gaenq daeuj lo. De vanzlij soengq coengjmingz hawj gyoengqraeuz, hawj gyoengqraeuz rox caen dih Cangqdiq. Gyoengqraeuz caemh dwg haeuj buek vunz caen dih Cangqdiq, caemh dwg haeuj buek vunz daeglwg de, Yehsuh Gihduz—de couh dwg caen dih cwnz, caemh dwg gij mingh mbouj rox rai he.