Yozhanq It 5:13 - Gij Baujcingq Moq Caeuq Geij Bonj Gij Baujcingq Daeuzdaeuz

¹³ Gou sij doenghgij saeh neix naeuz faenhsou sinq daeglwg Cangqdiq hih vunz ni, hawj faenhsou rox faenhsou ndaej seiqseiz lix.

Yozhanq It 5:13 ပူးပေါင်းရင်းမြစ်များ

Yozhanq Saw 20:31

Sij youq ndaw bonj saw neix hih saeh dwg vih ij hawj faenhsou sinq Yehsuh dwg Gihduz, Cangqdiq baij daeuj dih vuengz, dwg lwg Cangqdiq, caemh dwg vih hawj faenhsou sinq de hwj ndaej seiqseiz lix lah.

Yozhanq Saw 1:12

Yiengq, hauhnaeuz miz vunz ciep de hih, couh dwg doengh boux sinq de he, doengh boux sinq de he de couh nyok gienz hawj doengh boux de, hawj gyoengqde miz gienz ndaej guh lwg Cangqdiq.

Yozhanq It 3:23

Gij vah de couh dwg hawj gyoengqraeuz sinq daeglwg de Yehsuh Gihduz, ciuq de raengq hih yienghmwnq bae doxaiq.

Yozhanq Saw 3:18

“Famz sinq de hih vunz cungj mbouj ngaiz dingh miz coih; mbouj sinq de hih vunz gaenq dingh hawj miz coih lo, aenvih gyoengqde mbouj sinq daeglwg dog Cangqdiq.

Yozhanq It 2:21

Gou sij saenq hawj faenhsou, mbouj dwg naeuz vih faenhsou mbouj rox gij saedsaeh Cangqdiq, dauq dwg vih faenhsou cungj rox gij saedsaeh de, caemh rox sojmiz gyaj hih mbouj dwg daj ndaw saedsaeh de ok daeuj.

Gyahlahdaiq Saw 4:6

Yiengq, giqyienz gyoengqraeuz ndaej guh gij lwg Cangqdiq lo, Cangqdiq couh baij gij Hoenzsaenz daeglwg de, hawj de doz youq gwnz ndang gyoengqraeuz, hawj gyoengqraeuz ndaej heuh Cangqdiq ‘ahbah, daxboh gou!’

Yozhanq It 5:10

Sojhij, byawz sinq daeglwg Cangqdiq, ndaw sim byawz couh sinq gij cingqmingz neix; byawz mbouj sinq Cangqdiq, couh dwg dangq naeuz Cangqdiq gangj gyajvah, aenvih de mbouj sinq gij cingqmingz Cangqdiq.

Yozhanq It 2:1

Cinhngaiq dih lwg gou hax, gou sij doenghgij saeh neix naeuz faenhsou ni dwg vihliux mbouj hawj faenhsou caiq famh coih. Hoeng, hauhnaeuz miz vunz famh coih nex, gyoengqraeuz miz Yehsuh Gihduz, boux mij'z coih neix, daeuj bang gyoengqraeuz, bang gyoengqraeuz youq dangqnaj Bohmbwn gangj vah.

Yozhanq It 1:4

Gyoengqraeuz sij saenq naeuz faenhsou ni dwg hawj gyoengqraeuz bouxboux ndaw sim cungj angq.

Bijdwz It 5:12

Gou youq dineix gyenjdanh sij fung saenq dinj neix hawj Sihlah dawz bae hawj faenhsou. Sihlah boux beixnuengx neix gou yawj de dwg boux lauxsaed sinq ndaej goq he. Gou sij fung saenq neix dwg ij gienq faenhsou, caemh dwg ij cingqmingz Cangqdiq saedsaeh dwg aiq vunz doiq vunz haijliengh raixcaix he, sojhij, faenhsou bietdingh ij baengh de dih aiq hwj gyenhciz roengzbae mbouj doeknaiq mbouj bienq sim.

Gohlimzdoh Ngeih 5:1

Gyoengqraeuz cungj rox, aen ndang gyoengqraeuz seizneix caemhdangq luj aen cangqbungz; hauhnaeuz aen de ngaiz cek le, Cangqdiq couh youq gwnzmbwn bang gyoengqraeuz cwnjbiq aen ranz yungjyenj mbouj rox vaih he mbouj dwg aeu vunz ma hwnq baenz he.

Geiq Dwzbaijyienz 4:12

Miz de, vunz cij ndaej gouq. Cawz de ok, mij saek boux ndaej gouq vunz, aenvih Cangqdiq mij hawj saek boux youq lajmbwn hawj raeuz ndaej baengh de ma hwj ndaej gouq.”

Yozhanq Saw 2:23

Yehsuh youq Yehluqsajlaengj goq aen ciet Bienqgoqbae hih duenh mwnq, miz haujlai vunz ndaej raen de soj guh hih geizmiuj hih saeh; gyoengqde caemh sinq de dwg Cangqdiq baij daeuj dih vuengz.

Yozhanq It 2:26

Gou sij doenghgij saeh neix naeuz faenhsou ni dwg ceij doenghheij vunz ij coemx faenhsou hih lah.

Geiq Dwzbaijyienz 3:16

Gangj daengz boux vunz gyad neix, faenhsou caemh rox boux vunz neix, de yienzlaiz dwg boux vunz gyad he; gajlaeng de ndaej ndei hih gij saeh neix, faenhsou caemh caenra raen lo. Yiengq gangj daengz gienh saeh ngoenzneix, caemh dwg vih sinq Yehsuh baengh Yehsuh hwj cij ndaej yw ndei he lah.”

Yozhanq Saw 21:24

Boux lwgsae mwnq couh dwg ndaej cingqmingz gwnz neix sojmiz hih saeh, caemh dawz doenghgij saeh neix geiq roengzma hih boux mwnq lo. Gyoengqraeuz caemh rox de soj cingqmingz hih cungj dwg saedsaeh hih.

Yozhanq Saw 5:24

Yehsuh vanzlij caiq naeuz: “Gou saedsaeh naeuz sou ni, mboujguenj byawz dingq gij vah gou caiq sinq boux baij gou daeuj hih, couh ndaej seiqseiz lix, mbouj ngaiz dingh miz coih, caemh ndaej daj rai ndaej dauqlix.

Yozhanq It 2:25

Gij neix couh dwg de baujcingq hawj raeuz dih seiqseiz lix hih lo.

Yozhanq It 4:9

Cangqdiq baij daeglwg dog de daeuj lajmbwn, hawj gyoengqraeuz baengh de ndaej miz mingh; Cangqdiq yienghneix guh dwg hawj gyoengqraeuz rox de baenxlai aiq gyoengqraeuz.

Yozhanq It 5:11

Gij cingqmingz neix couh dwg: Cangqdiq nyok hawj gyoengqraeuz ndaej seiqseiz lix hih mingh; seiqseiz lix hih mingh dwg youz daeglwg de hawj he.

Yozhanq It 5:20

Gyoengqraeuz rox daeglwg Cangqdiq gaenq daeuj lo. De vanzlij soengq coengjmingz hawj gyoengqraeuz, hawj gyoengqraeuz rox caen dih Cangqdiq. Gyoengqraeuz caemh dwg haeuj buek vunz caen dih Cangqdiq, caemh dwg haeuj buek vunz daeglwg de, Yehsuh Gihduz—de couh dwg caen dih cwnz, caemh dwg gij mingh mbouj rox rai he.