Yozhanq It 4:9 - Gij Baujcingq Moq Caeuq Geij Bonj Gij Baujcingq Daeuzdaeuz

⁹ Cangqdiq baij daeglwg dog de daeuj lajmbwn, hawj gyoengqraeuz baengh de ndaej miz mingh; Cangqdiq yienghneix guh dwg hawj gyoengqraeuz rox de baenxlai aiq gyoengqraeuz.

Yozhanq It 4:9 ပူးပေါင်းရင်းမြစ်များ

Yozhanq Saw 3:16

Cangqdiq gig ndiep vunz lajmbwn, simqciq daiqlienz daeglwg dog de cungj nyok hawj vunz, hawj gij vunz sinq de he mbouj ngaiz raicied, dauq ndaej seiqseiz lix,

Yozhanq It 5:11

Gij cingqmingz neix couh dwg: Cangqdiq nyok hawj gyoengqraeuz ndaej seiqseiz lix hih mingh; seiqseiz lix hih mingh dwg youz daeglwg de hawj he.

Lozmaj Saw 8:32

Cangqdiq daiqlienz daeglwg dog de cungj sijndaej, sijndaej hawj de vih gyoengqraeuz hwj rai; yiengq de mbouj engqgya dawz sojmiz hih cungj nyok hawj gyoengqraeuz maz?

Yozhanq Saw 6:57

Hawj miz mingh dih daxboh baij gou daeuj; gou dwg baengh de cij ndaej lix he. Caemh doxdoengz, gw gou hih vunz couh dwg baengh gou cij ndaej lix he.

Yozhanq It 4:10

Mbouj dwg gyoengqraeuz aiq Cangqdiq, dauq dwg Cangqdiq aiq gyoengqraeuz lah. De baij daeglwg de daeuj vih ij cueg gij coih gyoengqraeuz hwj vwt mingh. Gij neix couh dwg aiq.

Yozhanq It 3:16

Yehsuh Gihduz vih gyoengqraeuz rai. Aeu gij neix ma yawj, gyoengqraeuz couh rox gijmaz dwg aiq. Yiengq gyoengqraeuz caemh wnggai vih beixnuengx hwj sijndaej diuz mingh bonjfaenh.

Yozhanq Saw 10:10

Caeggeq haeuj daeuj, dwg ij caeg, ij gaj, ij boqvaiq. Gou daeuj, dwg ij hawj vunz ndaej miz mingh; mbouj danhcij yienghneix, vanzlij hawj vunz saenghhoz ndaej ndei.

Yozhanq Saw 6:51

Gou couh dwg daj gwnzmbwn roengz daeuj hih gij gw miz mingh; vunz gw gij gw neix couh ndaej seiqseiz lix. Gou hawj hih gij gw couh dwg gij noh gou, muzdiz dwg ij hawj vunz ndaej miz mingh hih.”

Yozhanq Saw 3:18

“Famz sinq de hih vunz cungj mbouj ngaiz dingh miz coih; mbouj sinq de hih vunz gaenq dingh hawj miz coih lo, aenvih gyoengqde mbouj sinq daeglwg dog Cangqdiq.

Hihbwzlaiz Saw 1:5

aenvih Cangqdiq coengzlaiz mij doiq bouxcailaw naeuz goq naeuz: Mwngz dwg daeglwg gou; gou ngoenzneix miz mwngz. De caemh coengzlaiz cungj mij doiq bouxcailaw naeuz goq naeuz: Gou ij guh daxboh mwngz; mwngz ij guh daeglwg gou.

Yozhanq Saw 8:42

Yehsuh caiq naeuz: “Yiengq, hauhnaeuz Cangqdiq dwg daxboh faenhsou, faenhsou gaengjdingq aiq gou, aenvih gou dwg dajlaeng de daeuj hih, dwg de baij gou daeuj hih, mbouj dwg gou gag daeuj hih, caemh dwg gou gaenq youq dineix lo.

Luqgyah Saw 4:18

Gij Hoenzsaenz Cangqdiq daiq gou, aenvih de senj gou, hawj gou cenz gij ndei siuhsiz de hawj gij vunz gungz. De baij gou daeuj bauqgauq naeuz: “Ngaiz gaemh dawz hih ndaej coengq, rafangz hih yawj ndaej raen, souh yazbwz hih ndaej swqyouz,”

Majgoj Saw 12:6

Gajlaeng bouxcawj suen mwnq caenh lij boux dog ndaej baij ma haem lo, couh dwg daeglwg de; daeglwg neix caemh dwg de gig aiq he. De mij banqfaz le, couh baij daeg de ma, ndaw sim de caemh gag naemj: ‘Gou baij daeglwg gou maj, saekseiz gyoengqde lij soenhcungq de haem.’

Yozhanq It 4:16

Sojhij, gyoengqraeuz caemh rox, caemh sinq Cangqdiq aiq gyoengqraeuz. Cangqdiq couh dwg aiq; ndaw sim bouxlawz miz aiq, bouxlawz couh youq ndaw rumq Cangqdiq youq, Cangqdiq couh caeuq boux de youq.

Yozhanq Saw 14:6

Yehsuh dingq le, han naeuz: “Gou couh dwg roen, dwg saedsaeh, dwg mingh; hauhnaeuz mbouj dunghgoq gou, mij'z vunz ndaej bae daengz daxboh mwnq.

Yozhanq Saw 6:29

Yehsuh han naeuz: “Sinq Cangqdiq baij daeuj hih boux mwnq, couh dwg guh gij hong Cangqdiq lo.”

Yozhanq Saw 8:29

Baij gou daeuj hih boux mwnq, de mbouj vwt gou, caeuq gou youq, aenvih gou siengzseiz guh gij hab'eiq habhoz de he.”

Yozhanq Saw 5:23

hawj vunz soenhgingq daeglwg de caemh luj soenhgingq boh ityiengh. Mbouj soenhgingq lwg hih, caemh mbouj soenhgingq baij daeglwg de daeuj hih boh lo.”

Lizsij dih Gaihcij 22:2

Cangqdiq couh naeuz: “Mwngz daiq daeglwg mwngz, couh dwg daeglwg dog mwngz, caemh dwg mwngz ceiq ndiep ceiq aiq hih Hijsaj, daiq de bae dieg Mohliqyaq. Bae daengz mwnq le, gou yinx aen bya he naeuz mwngz ni, hawj mwngz daiq de bae mwnq, aeu de ma coemh hwj bwiz gou.”

Yozhanq Saw 9:3

Yehsuh dingq le, han naeuz: “Bouxlawz cungj mbouj dwg. De mbouj dwg, bohmeh de caemh mbouj dwg; dwg Cangqdiq ij youq gwnz ndang de yienh ok gij geizmiuj he lah.

Yozhanq It 5:13

Gou sij doenghgij saeh neix naeuz faenhsou sinq daeglwg Cangqdiq hih vunz ni, hawj faenhsou rox faenhsou ndaej seiqseiz lix.