Yozhanq It 4:6 - Gij Baujcingq Moq Caeuq Geij Bonj Gij Baujcingq Daeuzdaeuz

⁶ Hoeng gyoengqraeuz dwg haeuj buek vunz Cangqdiq. Rox Cangqdiq hih vunz cungj dingq gyoengqraeuz; mbouj haeuj buek vunz Cangqdiq hih couh mbouj dingq gyoengqraeuz. Yiengq, ciuq yienghneix ma yawj, gyoengqraeuz couh rox baenzlaw nginh ok miz saedsaeh dih Hoenzsaenz caeuq mbouj miz saedsaeh dih hoenzsaenz lo.

Yozhanq It 4:6 ပူးပေါင်းရင်းမြစ်များ

Yozhanq Saw 14:17

Boux neix couh dwg heuh miz saedsaeh dih Hoenzsaenz. Aen seiqgyaiq neix hih vunz mbouj ndaej couh de, aenvih gyoengqde yawj mbouj raen de, caemh mbouj rox de. Hoeng, faenhsou rox de hah, aenvih de siengzseiz caeuq faenhsou youq, caemh ij doz youq gwnz ndang faenhsou.

Yozhanq Saw 10:27

Gij yiengz gou dingq rox gij sing gou, gou caemh rox gyoengqde, gyoengqde caemh gaen gou.

Yozhanq Saw 15:26

“Gou ij daj daxboh mwnq baij boux ndaej bang faenhsou he daeuj, couh dwg daj daxboh mwnq daeuj hih miz saedsaeh dih Hoenzsaenz. De daeuj mwhde, de ndaej cingqmingz gou.

Yozhanq It 4:1

Cinhngaiq dih baengzyoux hax, faenhsou gaejyungh baex dingq bouxlawz naeuz Hoenzsaenz Cangqdiq naeuz yienghneix yienghneix couh sinq; faenhsou dauq ij ngeixngeix yawj dwg mbouj dwg cingqcaen Hoenzsaenz Cangqdiq naeuz cij ndaej, aenvih lajmbwn gaenq miz haujlai boux gyaj hih boux cenz gij vah Cangqdiq he daeuj lo.

Yozhanq It 4:4

Lwg hax, faenhsou dwg haeuj buek vunz Cangqdiq hih, faenhsou caemh gaenq giengz goq doengh boux gyaj hih boux cenz gij vah Cangqdiq he lo, aenvih youq laeng faenhsou dih gij Hoenzsaenz mwnq ak goq lajmbwn dih gij hoenzsaenz mwnq.

Yozhanq Saw 18:37

Bijlahdoh dingq le, couh doq naeuz: “Yiengq mwngz couh dwg vuengz lo?” Bijlahdoh yienghneix naeuz le, Yehsuh couh doq han naeuz: “Dwg hah, gou couh dwg; mwngz naeuz ndaej deng lo. Gou cingq dwg vih yienghneix hwj seng he, caemh dwg vih ij cingqmingz saedsaeh hwj daeuj daengz lajmbwn he. Famz dwg haeuj saedsaeh hih vunz gaengjdingq dingq gij vah gou.”

Gohlimzdoh It 14:37

Hauhnaeuz miz vunz gag naemqnaeuz bonjfaenh dwg boux boux cenz gij vah Cangqdiq he cixnaeuz gag naemqnaeuz bonjfaenh gaen Hoenzsaenz Cangqdiq nex, couh wnggai rox gou soj sij hawj faenhsou hih dwg bouxcawj raeuz dih mingqlingq lo.

Dezsajloznizgyah Ngeih 1:8

de caemh ij fad doenghheij mbouj rox de caeuq mbouj dingq gij ndei siuhsiz bouxcawj raeuz Yehsuh Gihduz caeuq mbouj ciuq gij vah de bae guh hih vunz.

Yozhanq Saw 16:13

Daengj daengz miz saedsaeh dih Hoenzsaenz daeuj, de gaengjdingq daiq faenhsou, hawj faenhsou rox sojmiz hih saedsaeh. De caemh ij gangj naeuz faenhsou ni baezneix ij fatseng hih. De soj gangj hih mbouj dwg ciuq gij cawjeiq bonjfaenh de ma gangj law, dauq dwg gangj gij saeh bonjfaenh de daj Cangqdiq mwnq soj dingqri hih lah.

Yozhanq It 4:8

Doenghheij mbouj miz aiq hih couh mbouj rox Cangqdiq, aenvih Cangqdiq couh dwg aiq.

Dizmohdaiq It 4:1

Hoenzsaenz Cangqdiq mingzmingz naeuz cingsuj, gij vunz sinq Yehsuh Gihduz he, baezneix gaengjdingq miz hih vunz mbouj sinq de, yiem gij saedsaeh de, dauq bae gaen doenghheij hoenzsaenz yaeuh vunz he caeuq dingq doenghheij fangz yak luenh gangj luenh son he,

Yozhanq Saw 13:20

Gou caiq saedsaeh naeuz faenhsou ni, famz daih boux gou baij daeuj hih, caemhdangq daih gou lo; famz daih gou hih, caemhdangq daih boux baij gou daeuj hih lo.”

Yozhanq Saw 8:19

Gyoengqde dingq daengz neij le, couh cam naeuz: “Daxboh mwngz youq mwnqlaw?” Yehsuh han naeuz: “Faenhsou mbouj rox gou, caemh mbouj rox daxboh gou; hauhnaeuz faenhsou rox gou, yiengq faenhsou caemh ndaej rox daxboh gou lo.”

Luqgyah Saw 10:22

De haenh daengz dineix le, caiq doiq gyoengqde naeuz: “Sojmiz hih cungj dwg boh gou hawj gou he. Cawzok daxboh, mij'z vunz rox daeglwg dwg byawz; caemh cawzok lwg caeuq lwg nyienh naeuz vunz ni hih, mijn'x caemh mij'z vunz rox daxboh dwg byawz.”

Youzdaq Saw 1:17

Hoeng, gou naeuz faenhsou gak boux beixnuengx hax, faenhsou ijaeu ndaejgeiq gij dwzbaijyienz bouxcawj raeuz Yehsuh Gihduz soj gangj goq hih vah.

Bijdwz Ngeih 3:2

hawj faenhsou ndaejgeiq boux cenz gij vah Cangqdiq sien rox sien gangj goq hih vah caeuq gij mingqlingq bouxcawj gouq vunz hawj dwzbaijyienz cenz hawj faenhsou he.

Gohlimzdoh Ngeih 10:7

Yiengq gangj daengz doenghheij yawj vunz guh saeh he, hauhnaeuz miz vunz naemqnaeuz caenhgag bonjfaenh de cij suenq dwg haeuj Gihduz hih, de couh wnggai caiq ngeixngeix yawj: gyoengqraeuz caemh caeuq de doxdoengz suenq dwg haeuj Gihduz hih hah.

Lozmaj Saw 11:8

Cingq luj ndaw Singqgingh ndaw de sij naeuz: Cangqdiq hawj aen sim gyoengqde mazmwnh, ra yawj mbouj raen, rwz mbouj dingqri, itcig daengz seizneix.

Lozmaj Saw 1:1

Gou dwg Baujloz, dwg bouxhoiq Yehsuh Gihduz, caemh dwg Cangqdiq senj daeuj guh boux dwzbaijyienz cenzgangj Cangqdiq dih ndei siuhsiz he.

Yozhanq Saw 20:21

Gajlaeng Yehsuh youhcaiq doiq gyoengqde naeuz: “Muengh faenhsou bingzan! Boh baenzlaw baij gou daeuj, gou caemh baenzlaw baij faenhsou bae.”

Yozhanq Saw 10:16

Gou vanzlij miz yiengz mbouj youq ndaw lanz yiengz neix. Gou bietdingh ij daiq gyoengqde ma; gyoengqde caemh gaengjdingq ij dingq gij vah gou. Gou sojmiz hih yiengz cungj ij gyonj guh buek he, gvi hawj boux ciengx yiengz he.

Yozhanq Saw 8:23

Yehsuh dingq gyoengqde yienghneix lwnh le, couh naeuz: “Faenhsou dwg daj lajmbwn daeuj hih, dwg haeuj lajmbwn hih. Hoeng, gou dwg daj gwnz he daeuj hih; gou mbouj haeuj lajmbwn.

Yozhanq Saw 10:3

Souj bakdou hih hoi dou hawj de, yiengz caemh dingq rox gij sing de. De ciuq coh heuh gyoengq yiengz de, daiq gyoengqde okbae.

Yozhanq It 5:19

Gyoengqraeuz rox, gannaeuz aen seiqgyaiq neix hih vunz cungj dwg ngaiz boux guh doeg guh sieb neix guenjciq lah, hoeng gyoengqraeuz mbouj ngaiz de guenjciq; gyoengqraeuz vanzlij dwg gij vunz Cangqdiq.