Yozhanq It 4:12 - Gij Baujcingq Moq Caeuq Geij Bonj Gij Baujcingq Daeuzdaeuz

¹² Mij'z vunz raen goq Cangqdiq, hoeng hauhnaeuz gyoengqraeuz doxaiq, Cangqdiq couh caeuq gyoengqraeuz youq; gyoengqraeuz doxaiq couh dwg naeuz gij aiq de dunghgoq gyoengqraeuz ma fazveih okdaeuj liuxliux lo.

Yozhanq It 4:12 ပူးပေါင်းရင်းမြစ်များ

Yozhanq Saw 1:18

Coengzlaiz mij'z vunz ndaej raen goq Cangqdiq, ndaej rox Cangqdiq; caenhgag daeglwg dog de youq henz ndang de ndaej raen de goq. De hawj vunz ndaej rox Cangqdiq.

Yozhanq It 2:5

Yiengq, hauhnaeuz miz vunz dingq gij vah Cangqdiq hih, couh dwg naeuz boux de caensim caen'eiq aiq Cangqdiq, caemh ndaej cingqmingz boux de dwg haeuj buek vunz Cangqdiq.

Dizmohdaiq It 6:16

Caenhgag de mbouj rox rai hih, Youq mwnq vunz dep mbouj ndaej hih ndaw rongh ndaw de hih, Mij'z vunz ndaej raen goq hih, Caemh mij'z vunz ndaej yawjraen hih Cangqdiq. Muengh najrongh caeuq seiqseiz gienz akak rengzrengz cungj gvi hawj de! Ahmaenz.

Yozhanq It 4:20

Hauhnaeuz miz vunz naeuz: “Gou aiq Cangqdiq,” hoeng de dauq haenq gij beixnuengx de, yiengq couh naeuz de gangj gyajvah; de cungj mij aiq de soj yawjraen hih beixnuengx, yiengq de ij baenzlaw bae aiq boux yawj mbouj ndaej raen dih Cangqdiq nej?

Yozhanq It 3:24

Byawz dingq gij vah Cangqdiq hih, byawz couh ndaej gaep haeuj buek Cangqdiq; Cangqdiq caemh caeuq de youq. Aenvih Cangqdiq soengq Hoenzsaenz de hawj gyoengqraeuz, sojhij gyoengqraeuz couh rox Cangqdiq caeuq gyoengqraeuz youq.

Ok Ngaihgiz 33:20

Yehhozvaz youhcaiq naeuz: “Gou mbouj hawj mwngz raen baj naj gou law, aenvih raen gou hih vunz cungj ij ngaiz rai.”

Yozhanq It 4:6

Hoeng gyoengqraeuz dwg haeuj buek vunz Cangqdiq. Rox Cangqdiq hih vunz cungj dingq gyoengqraeuz; mbouj haeuj buek vunz Cangqdiq hih couh mbouj dingq gyoengqraeuz. Yiengq, ciuq yienghneix ma yawj, gyoengqraeuz couh rox baenzlaw nginh ok miz saedsaeh dih Hoenzsaenz caeuq mbouj miz saedsaeh dih hoenzsaenz lo.

Dizmohdaiq It 1:17

Muengh soenhgingq najrongh cungj gvi hawj Cangqdiq; Cangqdiq dwg seiqseiz lix mbouj rox rai, aeu ra ma yawj mbouj raen, caenhgag de cij dwg vuengz cij dwg Cangqdiq he! Ahmaenz.

Lizsij dih Gaihcij 32:30

Gajlaeng Yajgoz couh heuh mwnq dieg mwnq heuh Biznujihlwz. (‘Biznujihlwz’ couh dwg ‘naj Cangqdiq’ dih iqswh.) De naeuz: “Gou ndaej naj doiq naj raen Cangqdiq, hoeng diuz mingh gou vanzlij ndaej baux!”

Hihbwzlaiz Saw 11:27

Caemh aenvih sinq, Mohsih vih sinq Cangqdiq hwj mbouj lau goengjvuengz Ngaihgiz, daj Ngaihgiz deuz okma; de gyenhciz sinq mbouj doeknaiq, sinq boux aeu ra ma yawj mbouj raen dih Cangqdiq.

Gohlimzdoh It 13:13

Hoeng, mboujguenj guxmaz, sinq, muengh, aiq, sam cungj neix dwg yungjyenj miz hih; sam cungj neix, aiq ceiq dwg veijdaq hih.

Yozhanq It 4:16

Sojhij, gyoengqraeuz caemh rox, caemh sinq Cangqdiq aiq gyoengqraeuz. Cangqdiq couh dwg aiq; ndaw sim bouxlawz miz aiq, bouxlawz couh youq ndaw rumq Cangqdiq youq, Cangqdiq couh caeuq boux de youq.