Yozhanq It 4:10 - Gij Baujcingq Moq Caeuq Geij Bonj Gij Baujcingq Daeuzdaeuz

¹⁰ Mbouj dwg gyoengqraeuz aiq Cangqdiq, dauq dwg Cangqdiq aiq gyoengqraeuz lah. De baij daeglwg de daeuj vih ij cueg gij coih gyoengqraeuz hwj vwt mingh. Gij neix couh dwg aiq.

Yozhanq It 4:10 ပူးပေါင်းရင်းမြစ်များ

Yozhanq It 2:2

Yehsuh aeu rai ma cueg gij coih gyoengqraeuz. De mboujdanh caenhgag vih gyoengqraeuz cueg coih, vanzlij caemh vih baenx cenz lajmbwn hih vunz cueg coih.

Yozhanq It 4:19

Gyoengqraeuz aiq vunz, dwg aenvih Cangqdiq sien aiq gyoengqraeuz.

Yozhanq Saw 15:16

“Mbouj dwg faenhsou senj gou, dwg gou senj faenhsou hawj faenhsou bae dawz gij mak mbouj rox naeuh hih lah. Yienghmwnq faenhsou couh ndaej hij gij coh gou ma gouz, mboujguenj faenhsou gouz daxboh aeu gijmaz, de cungj nyok hawj faenhsou gijmaz.

Yozhanq Saw 3:16

Cangqdiq gig ndiep vunz lajmbwn, simqciq daiqlienz daeglwg dog de cungj nyok hawj vunz, hawj gij vunz sinq de he mbouj ngaiz raicied, dauq ndaej seiqseiz lix,

Yozhanq It 3:1

Faenhsou yawj hux, Bohmbwn baenxlai aiq gyoengqraeuz, aiq daengz naeuz gyoengqraeuz suenq dwg lwg de bae—gizsaed gyoengqraeuz caemh dwg lwg de raix! Yiengq aen seiqgyaiq neix hih vunz vihmaz mbouj rox gyoengqraeuz nej? Dwg aenvih gyoengqde mbouj rox boh gyoengqraeuz, Cangqdiq.

Bijdwz It 3:18

Gihduz de caemh dwg yienghneix; de vih ij mbat dog couh ndaej bang gyoengqraeuz daixgya rap coih hwj ngaiz rai lo, hoeng, de coengzlaiz cungj mij famh coih goq, dauq vih gij vunz miz coih hih hwj ngaiz rai lah, vih dwg ij daiq gyoengqraeuz bae daengz Cangqdiq mwnq. De yienghneix ngaiz rai, ciuq ndangnoh ma gangj, de rai lo, hoeng, ciuq hoenzsaenz ma gangj, de dauqlix lo.

Bijdwz It 2:24

De ngaiz ding hwnj gwnz gyaq cixcib bae rai, caenndang rap gij coih gyoengqraeuz, hawj gyoengqraeuz ndaej duet ok coih mbouj caiq ngaiz coih gaemhanh, hawj gyoengqraeuz ndaej goq cungj saenghhoz Cangqdiq haenjheiq he. Aenvih de soj souh hih sieng, faenhsou ndaej yw ndei lo.

Yozhanq Saw 6:51

Gou couh dwg daj gwnzmbwn roengz daeuj hih gij gw miz mingh; vunz gw gij gw neix couh ndaej seiqseiz lix. Gou hawj hih gij gw couh dwg gij noh gou, muzdiz dwg ij hawj vunz ndaej miz mingh hih.”

Yozhanq Saw 13:34

“Gou caemh miz gij mingqlingq moq he hawj faenhsou, couh dwg naeuz faenhsou ij doxaiq; gou baenzlawz aiq faenhsou, faenhsou caemh ij baenzlawz doxaiq.

Hihbwzlaiz Saw 2:17

Sojhij de bietdingh yienghyiengh cungj ij luj gij beixnuengx de, yienghmwnq cij ndaej guh boux goengjsae dajbwiz daeuzdaeuz sinq ndaej goq rox hojsik vunz he hwj swqhaeuh Cangqdiq he, ndaej bang vunz cueg coih he.

Yozhanq It 5:11

Gij cingqmingz neix couh dwg: Cangqdiq nyok hawj gyoengqraeuz ndaej seiqseiz lix hih mingh; seiqseiz lix hih mingh dwg youz daeglwg de hawj he.