Yozhanq It 4:1 - Gij Baujcingq Moq Caeuq Geij Bonj Gij Baujcingq Daeuzdaeuz

¹ Cinhngaiq dih baengzyoux hax, faenhsou gaejyungh baex dingq bouxlawz naeuz Hoenzsaenz Cangqdiq naeuz yienghneix yienghneix couh sinq; faenhsou dauq ij ngeixngeix yawj dwg mbouj dwg cingqcaen Hoenzsaenz Cangqdiq naeuz cij ndaej, aenvih lajmbwn gaenq miz haujlai boux gyaj hih boux cenz gij vah Cangqdiq he daeuj lo.

Yozhanq It 4:1 ပူးပေါင်းရင်းမြစ်များ

Dezsajloznizgyah It 5:21

Mboujguenj guxmaz, cungj ij faenbied ndei: ndei hih ij hah ndei, ij baujciz,

Bijdwz Ngeih 2:1

Doenghbaez youq Hijswzlez miz boux gyaj hih boux cenz gij vah Cangqdiq; caemh doxdoengz, baezneix faenhsou ndaw de caemh ij miz boux gyaj hih gyauqveiq lauxsae he ok daeuj, gangj gij vah coemx vunz he, daeuj gangj gij caeuq gij saedsaeh Cangqdiq doxngig he, hawj vunz satsoq he. Gyoengqde mbouj nginh gouq gyoengqde dih bouxcawj mwnq; couh vih yienghneix, sawjhawj gyoengqde satsoq engqgya vaiq.

Dizmohdaiq It 4:1

Hoenzsaenz Cangqdiq mingzmingz naeuz cingsuj, gij vunz sinq Yehsuh Gihduz he, baezneix gaengjdingq miz hih vunz mbouj sinq de, yiem gij saedsaeh de, dauq bae gaen doenghheij hoenzsaenz yaeuh vunz he caeuq dingq doenghheij fangz yak luenh gangj luenh son he,

Yozhanq Ngeih 1:7

Seizneix lajmbwn miz haujlai yaeuh vunz hih vunz. Gyoengqde mbouj nginh Yehsuh Gihduz daj gwnzmbwn roengz lajdeih daeuj guh vunz dih gij saedsaeh neix. Cungj vunz neix yaeuh vunz, dwg Yehsuh Gihduz dih dizyinz.

Gohlimzdoh It 14:29

Yiengq gangj daengz boux cenz gij vah Cangqdiq he, moix it mbat youq gyauqveiq doxcomz, ndaej song daengz sam boux gangj vah; lij lw hih vunz wngdang cuqhiq dingq, ngeixngeix gyoengqde soj gangj hih.

Yozhanq It 2:18

Lwg hax, lajmbwn couh ij daengz ngoenz gatsat hih lo. Faenhsou gaenq dingqri naeuz goq boux caeuq Yehsuh Gihduz doxngig hih boux mwnq ij daeuj, hoeng seizneix gaenq miz haujlai boux caeuq de doxngig hih daeuj lo, sojhij gyoengqraeuz rox lajmbwn dih ngoenz gatsat couh ij daengz lo.

Luqgyah Saw 12:57

“Faenhsou vihmaz mbouj gag rox buenqduenq yawj gijmaz dwg deng, gijmaz dwg mbouj deng he nex?

Luqgyah Saw 21:8

Yiengq Yehsuh han gyoengqde naeuz: “Faenhsou ij siujsim, gaejyungh ngaiz vunz yaeuh, aenvih baezneix ij miz vunz yungh gij coh gou ma gyajcang naeuz: ‘Gou dwg Gihduz, Cangqdiq baij daeuj dih vuengz,’ vanzlij caiq naeuz: ‘Ijvanh daengz mwh he lo!’ Faenhsou dingq daengz doenghgij vah neix, cungj mbouj ndaej dingq, caemh mbouj ndaej gaen gyoengqde.

Dizmohdaiq Ngeih 3:13

Hoeng, doenghheij guh doeg guh sieb, coemx vunz hih vunz yied ngoenz yied doeg; gyoengqde yaeuh vunz, caemh ij ngaiz vunz yaeuh gyoengqde.

Gihduz Hawj Vunz Rox 2:2

Gou rox mwngz soj guh hih dwgrengz caeuq gyenhciz roengzbae, caemh rox mwngz dwgcaengz vunz rwix vunz vaih. Mwngz caemh caz goq doenghheij gag naeuz bonjfaenh dwg dwzbaijyienz he, caz ndaej ok gyoengqde dwg gyaj hih, doenghheij vunz mwnq.

Gohlimzdoh It 12:10

miz hih ndaej rox guh doenghgij geizmiuj hih saeh he, miz hih ndaej rox cenz gij vah Cangqdiq, miz hih ndaej rox faenbied ndei caeuq yak hih hoenzsaenz, miz hih ndaej rox gangj cungj vah Hoenzsaenz Cangqdiq nyok hawj vunz gangj he, miz hih ndaej rox fanhyiz cungj vah Hoenzsaenz Cangqdiq nyok hawj vunz gangj he.

Geiq Dwzbaijyienz 20:29

Gou gaenq rox, daengj gou bae le, gaengjdingq miz vunz vaih ndonj haeuj gyauqveiq bae haih vunz, caemh luj miz langz ndonj haeuj ndaw gyoengq yiengz bae haih gyoengq yiengz.

Majgoj Saw 13:21

“Daengz mwhmwnq, hauhnaeuz miz vunz doiq faenhsou naeuz: ‘Neq, yawj veiq, Gihduz youq dineix!’ cixnaeuz naeuz: ‘Neq, yawj veiq, Gihduz youq mwnq!’ yienghneix nex, faenhsou cungj mbouj ndaej sinq,

Geiq Dwzbaijyienz 17:11

Mwnq hih vunz beij youq Dezsajloznizgyah hih vunz ndeigangj; gyoengqde cungj nyienh'eiq yaek rwz hwj dingq song boux de gangj, caemh vanzlij ngoenzngoenz caz Singqgingh, caz yawj Baujloz song boux de gangj hih dwg mbouj dwg caen.

Dezsajloznizgyah It 5:20

mbouj ndaej yawj mbouj hwnj boux cenz gij vah Cangqdiq soj cenz hih.

Dezsajloznizgyah Ngeih 2:2

Gienq faenhsou: hauhnaeuz dingqri vunz naeuz bouxcawj raeuz gaenq dauq daeuj lo, yiengq faenhsou gaejyungh sinq, cix gaejyungh simvueng. Cungjsuenq gyoengqde naeuz dwg hoenzsaenz naeuz cixnaeuz dwg dajlaeng gyoengqraeuz ndaej dingq daengz hih siuhsiz cixnaeuz dwg daj ndaw saenq gyoengqraeuz ndaej rox he, cungj mbouj ndaej sinq.

Yozhanq It 2:7

Cinhngaiq dih baengzyoux hax, gou sij hawj faenhsou hih mbouj dwg gij mingqlingq moq law; dwg gij faenhsou dajlwh ngamqngamq gaihcij cix dingqri cix rox hih gij mingqlingq gaeuq hih lah.

Yozhanq Sam 1:11

Cinhngaiq dih baengzyoux hax, gou naeuz hax, gaejyungh hag gij vaih he; wnggai hag gij ndei he. Guh ndei hih vunz cij suenq dwg buek vunz Cangqdiq; guh rwix guh vaih hih vunz, couh dwg naeuz de mbouj rox Cangqdiq.