Yozhanq It 3:6 - Gij Baujcingq Moq Caeuq Geij Bonj Gij Baujcingq Daeuzdaeuz

⁶ Sojhij, doengh boux siengzseiz gaen de baengh de hih cungj mbouj famh coih; doengh boux caenhrox famh coih hih couh dwg mij raen de goq, caemh mbouj rox de goq.

Yozhanq It 3:6 ပူးပေါင်းရင်းမြစ်များ

Yozhanq Sam 1:11

Cinhngaiq dih baengzyoux hax, gou naeuz hax, gaejyungh hag gij vaih he; wnggai hag gij ndei he. Guh ndei hih vunz cij suenq dwg buek vunz Cangqdiq; guh rwix guh vaih hih vunz, couh dwg naeuz de mbouj rox Cangqdiq.

Yozhanq It 3:9

Lwg Cangqdiq dwg mbouj famh coih hih, aenvih gyoengqde miz gij singqciz Cangqdiq; giqyienz Cangqdiq dwg daxboh gyoengqde, gyoengqde couh mbouj famh coih.

Yozhanq It 2:4

Hauhnaeuz miz vunz naeuz: “Gou rox Cangqdiq hwj!” hoeng boux de dauq mij dingq gij vah de, yiengq boux mwnq couh dwg boux gangj gyajvah he, ndaw sim de couh mbouj miz gij saedsaeh Cangqdiq.

Yozhanq It 4:8

Doenghheij mbouj miz aiq hih couh mbouj rox Cangqdiq, aenvih Cangqdiq couh dwg aiq.

Yozhanq It 3:2

Cinhngaiq dih baengzyoux hax, seizneix gyoengqraeuz gaenq dwg lwg Cangqdiq lo, hoeng gyoengqraeuz lij mbouj rox guh lwg de ij baenzlaw yiengh; caenhgag rox daengj daengz mwh he, gyoengqraeuz couh ndaej luj de baenx ndei, aenvih gyoengqraeuz gaengjdingq ndaej raen de cingsuj.

Yozhanq It 5:18

Gyoengqraeuz rox gij lwg Cangqdiq mbouj dwg caenhrox famh coih hih, aenvih daeglwg Cangqdiq hen gyoengqde hwj, mbouj hawj Sajdanq, boux guh doeg guh sieb neix, haih gyoengqde.

Gohlimzdoh Ngeih 4:6

aenvih boux naeuz: “Rongh! Daj ndaw laep ciuq okdaeuj!” dih Cangqdiq, de gaenq dawz gij rongh de ciuq haeuj ndaw sim gyoengqraeuz daeuj lo, hawj gyoengqraeuz ndaej rox gij rongh Cangqdiq dih veijdaq lo. Gij rongh neix dwg yienh youq baj naj Gihduz he.

Yozhanq It 2:28

Lwg hax, faenhsou ij siengzseiz baengh Yehsuh gaen Yehsuh cij ndaej. Yienghmwnq, daengj daengz de caiq yienh okdaeuj hih mwhde, gyoengqraeuz couh miz sinqsim, couh mbouj miz maz mboujeiqseiq lo.

Gohlimzdoh Ngeih 3:18

Yiengq, giqyienz gyoengqraeuz daixgya cungj mbouj goemq naj lo, yienghneix couh ndaej hawj vunz yawjraen gyoengqraeuz luj aen gingq yienghmwnq yienh ok gij rongh bouxcawj raeuz. Hoenzsaenz Cangqdiq bouxcawj raeuz caemh hawj gyoengqraeuz ndaej bienqbaenz yied ngoenz yied ndaej luj de yienghmwnq rongh sagsag lo.

Yozhanq It 2:3

Hauhnaeuz raeuz dingq gij vah Cangqdiq nex, couh suenq gyoengqraeuz gaenq rox de lo.