Yozhanq It 3:5 - Gij Baujcingq Moq Caeuq Geij Bonj Gij Baujcingq Daeuzdaeuz

⁵ Faenhsou caemh rox, Yehsuh dwg mij'z coih hih. De daeuj lajmbwn dwg vih ij hawj vunz youq ndaw lwgra Cangqdiq bienqbaenz mij'z coih he.

Yozhanq It 3:5 ပူးပေါင်းရင်းမြစ်များ

Gohlimzdoh Ngeih 5:21

Cangqdiq hawj boux mij coih mwnq, couh dwg Gihduz, dingj gyoengqraeuz rap coih hwj hawj gyoengqraeuz ndaej youq ndaw lwgra Cangqdiq bienqbaenz mij'z coih he hih vunz.

Hihbwzlaiz Saw 9:28

caemh doxdoengz, gannaeuz Gihduz caemh dwg ngaiz rai mbat dog lah, hoeng, de couh ndaej bang lajmbwn haujlai vunz rap coih lo. Yiengq gangj daengz de caiq dauq daeuj, de dauq daeuj mbouj dwg vih ij caiq rap coih hwj daeuj nej, dauq dwg vih ij gouq doenghheij vunz daengj de mwnq hwj dauq daeuj lah.

Bijdwz It 3:18

Gihduz de caemh dwg yienghneix; de vih ij mbat dog couh ndaej bang gyoengqraeuz daixgya rap coih hwj ngaiz rai lo, hoeng, de coengzlaiz cungj mij famh coih goq, dauq vih gij vunz miz coih hih hwj ngaiz rai lah, vih dwg ij daiq gyoengqraeuz bae daengz Cangqdiq mwnq. De yienghneix ngaiz rai, ciuq ndangnoh ma gangj, de rai lo, hoeng, ciuq hoenzsaenz ma gangj, de dauqlix lo.

Bijdwz It 2:24

De ngaiz ding hwnj gwnz gyaq cixcib bae rai, caenndang rap gij coih gyoengqraeuz, hawj gyoengqraeuz ndaej duet ok coih mbouj caiq ngaiz coih gaemhanh, hawj gyoengqraeuz ndaej goq cungj saenghhoz Cangqdiq haenjheiq he. Aenvih de soj souh hih sieng, faenhsou ndaej yw ndei lo.

Hihbwzlaiz Saw 9:26

Sojhij, hauhnaeuz dwg yienghneix hih nex, Gihduz de daj gaihcij cauh mbwn cauh deih doxdaeuj couh gaengjdingq ij ngaiz souh daengz haujlai mbat nanh lo. Hoeng, seizneix de youq ciqgyaiq dih duenh gatsat he, de cijngamq mbat dog couh dawz bonjfaenh de ma dangq guh gij dajbwiz hwj ndaej cawz coih lo.

Yozhanq Saw 1:29

Gajlaeng, daengz daixngeih ngoenz, guh sijlij dih Yozhanq yawjraen Yehsuh byaij goqdaeuj, couh naeuz: “Neq, yawj hax, duz yiengzlwg Cangqdiq, couh dwg boux bang vunz rap coih hih boux mwnq,

Gihduz Hawj Vunz Rox 1:5

caeuq boux lauxsaed sinq ndaej goq dih cingqyinz, daixit boux daj rai ndaej dauqlix, guh lajmbwn sojmiz vuengz hih vuengz dih Yehsuh Gihduz doiq faenhsou haijliengh, hawj faenhsou bingzan. De aiq gyoengqraeuz, vih ij hawj gyoengqraeuz ndaej duet ok coih hwj ngaiz riuz lwed vwt mingh;

Yozhanq It 1:7

Yiengq, caiq hauhnaeuz gyoengqraeuz goq dih saedceij cungj dwg rongh sagsag he, luj Cangqdiq youq ndaw rongh yienghmwnq, gyoengqraeuz couh ndaej doxgaep guh buek vunz he lo, gij lwed daeglwg de Yehsuh caemh dawz gij coih raeuz swiq cengh lo.

Yozhanq It 1:2

Gij mingh neix gaenq yienh okdaeuj lo; gyoengqraeuz caemh yawjraen goq, caemh ndaej cingqmingz naeuz dwg saedsaeh he. Gij mingh neix daj gaihcij cix caeuq Bohmbwn itheij he; de caemh yienh okdaeuj hawj gyoengqraeuz raen goq. Gyoengqraeuz seizneix cenz naeuz sou ni hih couh dwg gij mingh mbouj rox rai neix.

Dizdoh Saw 2:14

De vih ij cueg raeuz, hawj raeuz ndaej duet ok sojmiz hih doenghgij doegdoeg siebsieb he hwj sijndaej diuz mingh bonjfaenh, hawj raeuz ndaej guh boux youq ndaw lwgra Cangqdiq suenq dwg boux mij'z coih he, hawj raeuz ndaej gvi haeuj de, hawj gyoengqraeuz ndaej bienqbaenz boux haenj guh ndeisaeh he.

Bijdwz It 2:22

Gihduz de mij famh coih goq, caemh mij gangj gyajvah goq.

Hihbwzlaiz Saw 1:3

Caemh dwg daeglwg de ndaej yienh ok Cangqdiq dih najrongh caeuq veijdaq, caemh ndaej yienh ok Cangqdiq bonjfaenh de sojmiz hih. De yungh gij akak rengzrengz bonjfaenh de daiq miz rengz hih vah ma cangjguenj sojmiz hih. De cawz coih le, couh naengh youq gwnzmbwn baixgvaz gienz akak rengzrengz dih Cangqdiq.

Dizmohdaiq It 1:15

Yehsuh Gihduz daeuj lajmbwn guh vunz dwg vih ij gouq gij vunz famh coih he; gawq vah neix dwg deng hih mbouj loek hih, hoeng, gou cingq dwg doenghgij vunz famh coih ndaw de dih boux ceiq vaih he.

Majdaiq Saw 1:21

De gaengjdingq seng miz daeglwg he; mwngz ij an coh hawj de heuh Yehsuh, aenvih de ij gouq gij vunz de daj ndaw coih ok ma.” (‘Yehsuh’ couh dwg ‘gouq vunz’ dih iqswh.)

Yozhanq It 2:1

Cinhngaiq dih lwg gou hax, gou sij doenghgij saeh neix naeuz faenhsou ni dwg vihliux mbouj hawj faenhsou caiq famh coih. Hoeng, hauhnaeuz miz vunz famh coih nex, gyoengqraeuz miz Yehsuh Gihduz, boux mij'z coih neix, daeuj bang gyoengqraeuz, bang gyoengqraeuz youq dangqnaj Bohmbwn gangj vah.

Bijdwz It 1:20

Yiengq, couh vih gij neix hwj Cangqdiq daj cauh mbwn cauh deih cihsenz cix gyezdingq senjdingh Gihduz lo, hoeng, vih faenhsou hwj de dauj youq ciqgyaiq dih duenh gatsat de, couh dwg seizneix, cij yienh okdaeuj lah.

Hihbwzlaiz Saw 4:15

Boux goengjsae dajbwiz daeuzdaeuz neix mbouj dwg naeuz mbouj rox gyoengqraeuz siengj guh vaihsaeh hih sim, dauqfanj de caeuq gyoengqraeuz doxdoengz caemh ngaiz souh daengz yaeuh, sawq, cijmboujgoq de mij ngaiz famh coih lah.

Hihbwzlaiz Saw 7:26

Luj yienghneix hih hab'eiq habhoz Cangqdiq hih, mij maz guh doeg guh sieb hih, mij maz ndaej diudik hih; gij vunz miz coih he duek de, de mbouj simdoengh. Ak goq mbwn bae hih goengjsae dajbwiz daeuzdaeuz neix dwg ngamj gyoengqraeuz hih.

Dizmohdaiq It 3:16

Bak faenh cih bak, mij maz ndaej ngeiz, Cangqdiq hawj raeuz rox hih gij saedsaeh neix cingqcaen dwg geizmiuj raixcaix, couh dwg: De bienq boux vunz yienghmwnq yienh hawj vunz raen, Hoenzsaenz Cangqdiq cingqmingz de dwg Gihduz. Bouxcai Cangqdiq ndaej raen de, Gij ndei siuhsiz de caemh cenz bae daengz gak guek gak dieg. Gij vunz lajmbwn cungj sinq de, De najrongh sagsag hwj ndaej ciep hwnj mbwn bae.

Yozhanq Saw 14:30

“Gou mbouj miz geijlwh cizgyenh ndaej caeuq faenhsou gangj haem lo, aenvih aen seiqgyaiq neix hih vuengz couh ij daeuj lo, hoeng, de mij'z gienz guenj gou law.

Yozhanq Saw 8:46

“Faenhsou ndaw neix miz byawz ndaej cingqmingz naeuz gou dwg miz coih he nej? Mbouj miz bax! Yiengq, giqyienz gou gangj gij saedsaeh he lo, faenhsou vihmaz cungj lij mbouj sinq gou nej?

Yozhanq Saw 1:31

Gaxgonq gou gaenhbaenj mbouj rox de dwg guxmaz, hoeng seizneix gou daeuj aeu raemx ma hawj vunz sijlij dwg vih ij hawj de yienh okdaeuj hawj gij vunz Hijswzlez rox de lah.”

Luqgyah Saw 23:47

Yiengq youq mwnq miz boux Lozmaj lienzcangj he raen doenghgij saeh neix le, couh haenh Cangqdiq naeuz: “Ox! Boux neix cingqcaen dwg vunz ndei!”

Luqgyah Saw 23:41

Hab'eiq raeuz ngaiz ding lo, aenvih ngamqluj bauqwngq raeuz soj famh hih coih, hoeng boux neix, de mij guh vaihsaeh hah.”

Bijdwz It 1:18

aenvih faenhsou caemh rox, faenhsou ndaej cueg, ndaej duet ok dajlwh cojgoeng faenhsou cix cenz roengzdaeuj hih mij dij saek haux cienz hih cungj saenghhoz mwnq, mbouj dwg baengh doenghgij rox naeuh rox lanh hih gim hah, ngaenz hah ndaej cueg ndaej duet ok hih,

Yozhanq It 2:2

Yehsuh aeu rai ma cueg gij coih gyoengqraeuz. De mboujdanh caenhgag vih gyoengqraeuz cueg coih, vanzlij caemh vih baenx cenz lajmbwn hih vunz cueg coih.

Yozhanq It 2:29

Giqyienz faenhsou rox de ndwn ndaej cingq he, yiengq faenhsou couh ij wnggai rox, ndwn ndaej cingq hih vunz cungj dwg lwg Cangqdiq.

Yozhanq It 3:8

Caenhrox famh coih hih couh dwg caemh buek fangzvuengz he, aenvih fangzvuengz daj gaihcij cix famh coih lo. Couh vih yienghneix, daeglwg Cangqdiq cij yienh okdaeuj, dwg ij boqvaiq fangzvuengz soj guh hih.