Yozhanq It 3:3 - Gij Baujcingq Moq Caeuq Geij Bonj Gij Baujcingq Daeuzdaeuz

³ Famz muengh ijsiengj luj de hih vunz cungj dwg gag gaij ndei, gaij luj de yienghmwnq ndei.

Yozhanq It 3:3 ပူးပေါင်းရင်းမြစ်များ

Gohlimzdoh Ngeih 7:1

Sojhij gak boux beixnuengx hax, yiengq, giqyienz gyoengqraeuz ndaej doenghgij baujcingq neix lo, gyoengqraeuz couh wnggai gag rox mbouj caiq famh coih; doiq ndangdaej miz haih hih, doiq aen sim mbouj ndei hih, gyoengqraeuz cungj mbouj caiq cimyex haeuj bae. Wnggai miz aen sim soenhgingq Cangqdiq he, guh boux hab'eiq habhoz Cangqdiq liuxliux he.

Yozhanq It 2:6

Sojhij, hauhnaeuz bouxlawz naeuz bonjfaenh de dwg haeuj buek vunz Cangqdiq hih, de couh ij hag Yehsuh.

Bijdwz Ngeih 3:14

Sojhij cinhngaiq dih gak boux beixnuengx hax, giqyienz faenhsou muengh daengj doenghgij saeh neix, couh ij wnggai roengzrengz hawj faenhsou mij maz loek, mij maz ndaej diudik he, mij naeuz mboujeiqseiq he hwj caeuq Cangqdiq doxhuz.

Majdaiq Saw 5:48

Sojhij faenhsou wnggai guh boux simndei liuxliux he, caemh luj Bohmbwn faenhsou yienghmwnq ndei liuxliux he.”

Hihbwzlaiz Saw 12:14

Gou naeuz faenhsou hax, faenhsou wnggai cwnqliengq caeuq vunz doxhuz, caemh ij goq cungj saenghhoz hab'eiq habhoz Cangqdiq he, aenvih hauhnaeuz mbouj goq cungj saenghhoz hab'eiq habhoz Cangqdiq he nex, couh mbouj ndaej raen Cangqdiq lo.

Hihbwzlaiz Saw 7:26

Luj yienghneix hih hab'eiq habhoz Cangqdiq hih, mij maz guh doeg guh sieb hih, mij maz ndaej diudik hih; gij vunz miz coih he duek de, de mbouj simdoengh. Ak goq mbwn bae hih goengjsae dajbwiz daeuzdaeuz neix dwg ngamj gyoengqraeuz hih.

Gohlozsih Saw 1:5

Gij neix cungj dwg coengz faenhsou doiq Cangqdiq vih faenhsou youq gwnzmbwn louz fuk hawj faenhsou hwj miz muengh he; faenhsou miz muengh dwg daj faenhsou yienzlaiz dingq daengz gij vah saedsaeh, couh dwg Cangqdiq dih ndei siuhsiz, couh miz muengh he lo.

Geiq Dwzbaijyienz 15:9

Cijaeu gyoengqde sinq, Cangqdiq couh swiq cengh aen sim gyoengqde. Cangqdiq caemh mbouj faen mwngzmwngz gougou; cungj dwg yawj doxdoengz.

Dizdoh Saw 3:7

yienghneix ndaej hawj raeuz vih de dih haijliengh hwj ndaej guh boux youq ndaw lwgra de suenq dwg boux mij'z coih he, ndaej suenq dwg caen lwg de, hawj gyoengqraeuz miz muengh ndaej seiqseiz lix.

Bijdwz Ngeih 1:4

Aenvih de yienghneix veijdaq, haijliengh, sojhij de couh baujcingq nyok hawj gyoengqraeuz ceiq dijbauj ceiq veijdaq he, hawj gyoengqraeuz ndaej duet ok aen seiqgyaiq neix hih siengjmuengh yalw hawj vunz ngaiz satsoq he hwj hawj gyoengqraeuz ndaej miz faenh miz gij baenjsingq Cangqdiq.

Luqgyah Saw 6:36

Faenhsou ij rox nyiuz vunz, caemh luj Bohmbwn faenhsou, Cangqdiq, yienghmwnq rox nyiuz vunz.

Yozhanq It 4:17

Yienghneix, aiq youq ndaw sim gyoengqraeuz ndaej fazveih, hawj gyoengqraeuz ndaej youq ngoenz saemjbuenq mwnq mbouj you mbouj heiq, aenvih Cangqdiq dwg yienghlawz aiq vunz, gyoengqraeuz youq lajmbwn caemh dwg yienghlawz aiq vunz.

Hihbwzlaiz Saw 6:18

Cangqdiq dwg mbouj gangj gyaj hih, sojhij de dih baujcingq caeuq fazsiq gaengjdingq yungjyenj mbouj bienq. Cangqdiq yienghneix guh dwg ijsiengj hawj gyoengqraeuz doenghheij deuznanh bae daengz Cangqdiq mwnq hih vunz ndaej gujliq, ndaej miz mbei gaem ndaet de nyok hawj gyoengqraeuz hih miz muengh hih.

Dezsajloznizgyah Ngeih 2:16

Muengh bouxcawj raeuz Yehsuh Gihduz, caeuq aiq gyoengqraeuz doiq gyoengqraeuz haijliengh, yungjyenj nai gyoengqraeuz, hawj gyoengqraeuz miz muengh dih Cangqdiq Bohmbwn

Lozmaj Saw 15:12

Boux cenz gij vah Cangqdiq Hijcaiqyaq caemh naeuz: Yehsih dih doengh daih gajlaeng de hih boux he baezneix ij ok daeuj, de ij guenjciq linghvaih minzcuz; linghvaih minzcuz ij muengh de.

Yozhanq Saw 17:19

Gou vih gyoengqde hwj guh boux dwzbez he, hab'eiq habhoz mwngz he, caemh hawj gyoengqde dunghgoq saedsaeh hwj bienqbaenz boux dwzbez he, hab'eiq habhoz mwngz he.

Yajgoz Saw 4:8

Faenhsou ij wnggai siengzseiz ngeix daengz Cangqdiq, mbouj yiem Cangqdiq, yiengq Cangqdiq couh daeuj dep faenhsou gvansim faenhsou lo. Doenghheij famh coih hih vunz hax, faenhsou wnggai gaij goqma mbouj guh vaihsaeh; doenghheij yaepyaep yuekyuek siengj gaen Cangqdiq hoeng caiq siengj gaen aen seiqgyaiq neix hih vunz hax, faenhsou wnggai gaij gij siengjfap faenhsou, mbouj ndaej siengzseiz ngeix daengz aen seiqgyaiq neix.

Bijdwz It 1:3

Bouxcawj raeuz Yehsuh Gihduz dih Cangqdiq daxboh wnggai haenh hih! De hojsik gyoengqraeuz raixcaix; de dunghgoq bouxcawj raeuz Yehsuh Gihduz daj rai ndaej dauqlix hwj hawj gyoengqraeuz ndaej dauqyungz seng, hawj gyoengqraeuz ndaej miz saen hih mingh, hawj gyoengqraeuz miz muengh raixcaix,

Bijdwz It 1:15

Dauqfanj ij guh gij saeh mij gijmaz ndaej diudik he, cingq luj senj faenhsou dih Cangqdiq de dwg boux ndei liuxliux mij gijmaz ndaej diudik he.