Yozhanq It 3:2 - Gij Baujcingq Moq Caeuq Geij Bonj Gij Baujcingq Daeuzdaeuz

² Cinhngaiq dih baengzyoux hax, seizneix gyoengqraeuz gaenq dwg lwg Cangqdiq lo, hoeng gyoengqraeuz lij mbouj rox guh lwg de ij baenzlaw yiengh; caenhgag rox daengj daengz mwh he, gyoengqraeuz couh ndaej luj de baenx ndei, aenvih gyoengqraeuz gaengjdingq ndaej raen de cingsuj.

Yozhanq It 3:2 ပူးပေါင်းရင်းမြစ်များ

Feihlizbij Saw 3:21

De ij yungh gij akak rengzrengz ndaej guenjciq sojmiz he ma hawj aen ndangnoh rox naeuh gyoengqraeuz bienqbaenz luj aen ndang bonjfaenh de yienghmwnq ndei ndwtndwt rongh sagsag.

Gohlozsih Saw 3:4

Daengj daengz hawj faenhsou mingh hih Gihduz yienh okdaeuj hih mwhde, faenhsou caemh ndaej caeuq de yienh ndaej najrongh lo.

Gohlimzdoh Ngeih 3:18

Yiengq, giqyienz gyoengqraeuz daixgya cungj mbouj goemq naj lo, yienghneix couh ndaej hawj vunz yawjraen gyoengqraeuz luj aen gingq yienghmwnq yienh ok gij rongh bouxcawj raeuz. Hoenzsaenz Cangqdiq bouxcawj raeuz caemh hawj gyoengqraeuz ndaej bienqbaenz yied ngoenz yied ndaej luj de yienghmwnq rongh sagsag lo.

Gohlimzdoh It 13:12

Caemh doxdoengz, gyoengqraeuz seizneix doiq Cangqdiq dih saeh rox mbouj laeg, mbouj cingsuj, caemhdangq luj gyoengqraeuz seizneix yawj haeuj mojlox bae, myox myadmyad, yawj mbouj cingsuj. Hoeng, daengj daengz baezneix cungj ij miz ngoenz he, yawj ndaej raen cingcing sujsuj, caemhdangq Cangqdiq rox gyoengqraeuz yienghmwnq.

Lozmaj Saw 8:29

aenvih Cangqdiq gaenq sien rox byawz dwg gij vunz de, de couh senj okdaeuj lo, hawj gyoengqde caeuq daeglwg de doxluj ndaej hab'eiq habhoz de. De yienghneix guh dwg hawj daeglwg de ndaej youq haujlai beixnuengx ndaw de dang lwgdaeuz.

Gohlimzdoh It 15:49

Yiengq, giqyienz gyoengqraeuz miz haeuj doem hih vunz dih yienghceij, baezneix caemh ij miz haeuj gwnzmbwn hih vunz dih yienghceij lo.

Gihduz Hawj Vunz Rox 22:4

caemh ndaej yawjraen de, gij coh de caemh gaengjdingq yaenq youq najbyak gyoengqde.

Bijdwz Ngeih 1:4

Aenvih de yienghneix veijdaq, haijliengh, sojhij de couh baujcingq nyok hawj gyoengqraeuz ceiq dijbauj ceiq veijdaq he, hawj gyoengqraeuz ndaej duet ok aen seiqgyaiq neix hih siengjmuengh yalw hawj vunz ngaiz satsoq he hwj hawj gyoengqraeuz ndaej miz faenh miz gij baenjsingq Cangqdiq.

Gohlimzdoh It 2:9

Cingq luj ndaw Singqgingh ndaw de soj sij naeuz hih: Cangqdiq vih gij vunz aiq de hwj soj cwnjbiq hih dwg vunz daiq raen cungj mijyaengz raen goq he, dingq cungj mijyaengz dingq goq he, simqciq dwg ngeix cungj mijyaengz ngeix daengz goq he.

Yozhanq It 3:1

Faenhsou yawj hux, Bohmbwn baenxlai aiq gyoengqraeuz, aiq daengz naeuz gyoengqraeuz suenq dwg lwg de bae—gizsaed gyoengqraeuz caemh dwg lwg de raix! Yiengq aen seiqgyaiq neix hih vunz vihmaz mbouj rox gyoengqraeuz nej? Dwg aenvih gyoengqde mbouj rox boh gyoengqraeuz, Cangqdiq.

Gyahlahdaiq Saw 4:6

Yiengq, giqyienz gyoengqraeuz ndaej guh gij lwg Cangqdiq lo, Cangqdiq couh baij gij Hoenzsaenz daeglwg de, hawj de doz youq gwnz ndang gyoengqraeuz, hawj gyoengqraeuz ndaej heuh Cangqdiq ‘ahbah, daxboh gou!’

Lozmaj Saw 8:18

Gou nginhnaeuz gyoengqraeuz seizneix souh hih nanh beij baezneix ij yienh hawj raeuz hih najrongh mbouj suenq guxmaz.

Gyahlahdaiq Saw 3:26

Sojhij faenhsou cungj dwg dunghgoq sinq Yehsuh Gihduz hwj ndaej guh lwg Cangqdiq,

Yozhanq Saw 17:24

“Boh hax, muengh gij vunz mwngz nyok hawj gou hih gyoengq vunz mwnq, gou youq mwnqlaw gyoengqde caemh youq mwnqlaw, yienghmwnq hawj gyoengqde ndaej raen mwngz hawj gou ndaej najrongh, aenvih youq mijyaengz cauh mbwn cauh deih cihsenz, mwngz gaenq aiq gou lo.

Majdaiq Saw 5:8

“Simndei lauxsaed hih vunz hax, miz fuk lo, aenvih de couh ij ndaej raen Cangqdiq lo.

Yozhanq It 2:28

Lwg hax, faenhsou ij siengzseiz baengh Yehsuh gaen Yehsuh cij ndaej. Yienghmwnq, daengj daengz de caiq yienh okdaeuj hih mwhde, gyoengqraeuz couh miz sinqsim, couh mbouj miz maz mboujeiqseiq lo.

Hihbwzlaiz Saw 9:28

caemh doxdoengz, gannaeuz Gihduz caemh dwg ngaiz rai mbat dog lah, hoeng, de couh ndaej bang lajmbwn haujlai vunz rap coih lo. Yiengq gangj daengz de caiq dauq daeuj, de dauq daeuj mbouj dwg vih ij caiq rap coih hwj daeuj nej, dauq dwg vih ij gouq doenghheij vunz daengj de mwnq hwj dauq daeuj lah.

Gohlimzdoh Ngeih 4:17

Gyoengqraeuz camqciz souh daengz hih di nanh neix, cingq dwg ij hawj gyoengqraeuz ndaej yungjyenj engqgya lai dih najrongh lah.

Yozhanq It 5:1

Famz sinq Yehsuh dwg Gihduz, Cangqdiq baij daeuj dih vuengz hih, cungj dwg lwg Cangqdiq. Aiq boh hih vunz caemh aiq lwg boh de.

Luqgyah Saw 17:30

“Daengz gou, Vunz dih Daiqbiuj, yienh okdaeuj hih mwhde caemh doxdoengz.

Luqgyah Saw 20:36

aenvih gyoengqde luj bouxcai Cangqdiq ityiengh, mbouj rox rai; gyoengqde ndaej dauqlix, sojhij gyoengqde dwg lwg Cangqdiq.

Yozhanq Saw 1:12

Yiengq, hauhnaeuz miz vunz ciep de hih, couh dwg doengh boux sinq de he, doengh boux sinq de he de couh nyok gienz hawj doengh boux de, hawj gyoengqde miz gienz ndaej guh lwg Cangqdiq.

Yozhanq Saw 11:52

mbouj danhcij naeuz dingj gyoengqde rai, vanzlij ij dawz faensanq youq gak dieg hih gij lwg Cangqdiq doxcomz hwnjdaeuj gaep guh buek vunz he.

Lozmaj Saw 8:16

Hoenzsaenz Cangqdiq caeuq aen sim raeuz cungj ndaej cingqmingz raeuz dwg caen lwg Cangqdiq.

Lozmaj Saw 8:19

Sojmiz cauh okdaeuj hih cungj ba'mboujmuengh gyoengq lwg Cangqdiq yienh okdaeuj,

Yozhanq It 2:7

Cinhngaiq dih baengzyoux hax, gou sij hawj faenhsou hih mbouj dwg gij mingqlingq moq law; dwg gij faenhsou dajlwh ngamqngamq gaihcij cix dingqri cix rox hih gij mingqlingq gaeuq hih lah.

Yozhanq It 3:10

Cangqdiq dih lwg caeuq fangzvuengz dih lwg dwg mbouj doxdoengz hih; doengh boux mbouj ndwn ndaej cingq hih, mbouj aiq gij beixnuengx bonjfaenh hih, couh mbouj dwg lwg Cangqdiq.

Yozhanq It 3:21

Sojhij, cinhngaiq dih baengzyoux hax, hauhnaeuz gyoengqraeuz guh hih cungj dwg doiq ndaej hwnj aen liengzsim bonjfaenh hih, yiengq youq Cangqdiq mwnq gyoengqraeuz couh mij maz lau lo.

Gihduz Hawj Vunz Rox 2:28

Gou caemh ij nyok ndauhaet hawj de.