Yozhanq It 3:15 - Gij Baujcingq Moq Caeuq Geij Bonj Gij Baujcingq Daeuzdaeuz

¹⁵ Famz dwgcaengz gij beixnuengx bonjfaenh hih couh dangq gaj vunz; faenhsou caemh rox, famz gaj vunz hih couh mbouj ndaej seiqseiz lix.

Yozhanq It 3:15 ပူးပေါင်းရင်းမြစ်များ

Gihduz Hawj Vunz Rox 21:8

Hoeng, doenghheij mbeiiq, mbouj sinq, yalw, gaj vunz, guh ndaeng guh ndwet, doeng loengh sae loengh coengqfap, baiq duz you caeuq gangj gyajvah hih vunz, cungj ij ngaiz gveng haeuj mwnq liuzvangz dawz feiz yiegyieg he bae. Gij neix couh dwg daixngeih mbat rai lo.”

Yozhanq Saw 8:44

Faenhsou baenjlaiz dwg gij lwg fangzvuengz, cij rox gaen boh sou soj siengj hih yienghmwnq ma guh saeh hih. Daj gaihcij de cix dwg boux gaj vunz he lo, coengzlaiz mbouj haeuj mbiengj saedsaeh he, aenvih ndaw sim de gaenhbaenj mbouj miz saedsaeh. De soqsingq cungj dwg gangj gyajvah he, dwg doenj gyajvah he.

Geiq Dwzbaijyienz 23:14

Gyoengqde geiqmaeuz ndei le, couh bae cimh doengh goengjsae dajbwiz he caeuq doenghheij boux gangj vah couh baenz he, doiq gyoengqde naeuz: “Gyoengqraeuz gaenq caezgya baujcingq goq lo, hauhnaeuz mbouj gaj Baujloz, gyoengqraeuz couh gijmaz cungj mbouj gw.

Yajgoz Saw 1:15

Yalw dih damsim ndaej hawj vunz famh coih; famh coih ndaej hawj vunz rai.

Geiq Dwzbaijyienz 23:12

Yiengq daengz ranzrongh le, [13]miz seiqcib lai boux Youzdaiq vunz [12b]doxcomz hwj geiqmaeuz ij gaj Baujloz. Gyoengqde engqgya yiengq Cangqdiq baujcingq naeuz: “Mbouj gaj Baujloz, gyenhgyez mbouj gw gijmaz.”

Yozhanq Saw 4:14

hoeng, famz gw goq gij raemx gou hawj he hih vunz couh ndaej yungjyenj mbouj rox hozhawq, aenvih gou hih gij raemx neix ij youq gwnz ndang de bienqbaenz aen cingjraemx riuz mbouj rox sat, hawj de ndaej seiqseiz lix.”

Majgoj Saw 6:19

Hoeng, Hihlozdij mbouj fug, vanzlij dwg haemz de, cungj siengj cimh miz gihveiq cawz de bae, caenh ceng mij banqfaz hoh lo,

Majdaiq Saw 5:28

Gou naeuz sou ni, mboujguenj byawz raen vunzbaz couh ijsiengj caeuq de hih, yiengq de caemhdangq gaenq caeuq de guhyoux lo.

Lizsij dih Gaihcij 27:41

Hijsauj couh vih daxboh de hoh fuk hawj Yajgoz, de couh haemzcaeuz Yajgoz, couh gag naemj naeuz: “Fanjcingq daxboh ijvanh rai lo; daengj daengz de rai gvaqseiq le, couh gajrai Yajgoz bae.”

Bijdwz It 1:23

Faenhsou wnggai yienghneix guh, aenvih Cangqdiq hawj faenhsou ndaej doiqyungz seng, ndaej doiqyungz miz mingh. Faenhsou ndaej doiqyungz seng, ndaej miz saen dih mingh, mbouj dwg daj rox rai hih, miz lwed miz noh hih vunz seng hih, dauq dwg daj gij vah Cangqdiq miz mingh hih yungjyenj mbouj rox cied hih ndaej miz saen dih mingh lah.

Yozhanq It 2:9

Hauhnaeuz miz vunz naeuz bonjfaenh de dwg youq mwnq rongh he, hoeng de vanzlij haemz doenghheij beixnuengx de, yiengq boux mwnq ciuqyiengh vanzlij suenq dwg youq mwnq laep he.

Yozhanq It 2:11

Doengh boux haemz beixnuengx hih, couh dwg naeuz de vanzlij dwg boux byaij youq mwnq laep mbouj rox fuengyiengq he, aenvih cehra de yawjraen hih cungj dwg laep saengxsaengx, caenh lujnaeuz rafangz nwih.