Yozhanq It 2:8 - Gij Baujcingq Moq Caeuq Geij Bonj Gij Baujcingq Daeuzdaeuz

⁸ Hoeng, gou vanzlij dwg dawz gij neix dangqbaenz gij mingqlingq moq he sij hawj faenhsou. Yienghneix yawj Yehsuh caeuq yawj faenhsou couh yawj ndaej ok gij vah Cangqdiq dwg saedsaeh hih, caemh rox rongh (couh dwg naeuz gij saedsaeh Cangqdiq) gaenq daengz lo; mbwn laep couh ij goq lo.

Yozhanq It 2:8 ပူးပေါင်းရင်းမြစ်များ

Hijfuzsoj Saw 5:8

Doenghbaez faenhsou simndaem, mbouj rox bouxcawj raeuz, hoeng, seizneix faenhsou sinq bouxcawj raeuz; bouxcawj raeuz couh ciuq rongh aen sim faenhsou. Yiengq faenhsou guh saeh doiq vunz couh ij wnggai boiqndaej youq ndaw lwgra bouxcawj raeuz dwg rongh he cij deng.

Lozmaj Saw 13:12

Mbwn laep couh ij goq, ranzrongh couh ij daengz. Mbouj caiq baengh laep ma guh saeh, dauq ij yungh rongh ma ceq laep, couh dwg naeuz ij yungh saedsaeh ma fanjdeiq doegsieb.

Yozhanq Saw 13:34

“Gou caemh miz gij mingqlingq moq he hawj faenhsou, couh dwg naeuz faenhsou ij doxaiq; gou baenzlawz aiq faenhsou, faenhsou caemh ij baenzlawz doxaiq.

Yozhanq Saw 8:12

Gajlaeng Yehsuh caiq doiq gyoengq vunz naeuz: “Gou couh dwg lajmbwn dih rongh; famz daeuj gaen gou hih couh mbouj caiq ngaiz byaij ndaw laep bae, couh ndaej miz gij rongh hawj vunz mbouj rox rai he.”

Yozhanq Saw 1:9

Gij rongh neix dwg saedsaeh hih, de ij ciuq baenx cenz lajmbwn sojmiz hih vunz.

Yozhanq Saw 12:46

Gou daeuj dwg ij guh gij rongh lajmbwn, hawj gij vunz sinq gou he mbouj youq ndaw laep.

Yozhanq It 4:21

Sojhij, Gihduz mingqlingq gyoengqraeuz, aiq Cangqdiq caemh ij aiq beixnuengx.

Yozhanq It 4:11

Cinhngaiq dih baengzyoux hax, giqyienz Cangqdiq baenxlai aiq gyoengqraeuz, yiengq gyoengqraeuz caemh ij wnggai doxaiq.

Dizmohdaiq Ngeih 1:10

hoeng, daengz seizneix, boux gouq raeuz hih Yehsuh Gihduz daeuj lajmbwn guh vunz le cij yienh okdaeuj lah. De gaenq hawj vunz mbouj caiq rox rai haem lo; de cenz gij ndei siuhsiz hwj dawz mbouj rox rai hih mingh yienh okdaeuj lo.

Gohlimzdoh Ngeih 8:9

Faenhsou caemh rox, bouxcawj raeuz Yehsuh Gihduz, de aiq vunz raixcaix. Baenjlaiz de youq mijyaengz roengz daeuj lajmbwn guh vunz cihsenz dwg fouqfouq mizmiz hih, hoeng, vih faenhsou hwj de nyienh'eiq roengz daeuj lajmbwn guh vunz hwj bienqbaenz boux gungzgungz ndangjndangj he. Aenvih de bienqbaenz gungzgungz ndangjndangj, couh ndaej hawj faenhsou ndaej bienqbaenz fouqfouq mizmiz lo.

Geiq Dwzbaijyienz 26:18

Gou baij mwngz bae laeng gyoengqde mwnq, hawj gyoengqde singqsag hwnjdaeuj, hawj gyoengqde ndaej daj ndaw laep cienq daengz mwnq rongh he, ndaej daj Sajdanq mwnq duet ok gij gaemhanh de, ndaej bae daengz ndaw rumq Cangqdiq mwnq bae, youhcaiq vih sinq gou hwj ndaej mienx coih, ndaej caeuq gij vunz sinq gou he doxdoengz ndaej gaep haeuj guek Cangqdiq.’”

Geiq Dwzbaijyienz 17:30

Doenghbaez gij vunz mbouj rox de, mbouj nginh de, guh loek; de cungj mbouj leixlangh gyoengqde. Hoeng seizneix de ij mingqlingq lajmbwn sojmiz hih vunz ij daj ndaw sim nginh loek gaijgoq,

Luqgyah Saw 1:79

ciuq rongh hawj gij vunz lau rai, mbouj rox Cangqdiq he, yinx hawj raeuz byaij hozbingz dih roen.”

Yozhanq Saw 12:35

Yehsuh dingq le, dauq yungh gij beijgangj he ma han naeuz: “Rongh youq faenhsou dineix mbouj geij caez lo; faenhsou ij domh gij rongh vanzlij youq, couh ij vaiqdi byaij lo, mienx daengz laep le, yawj mbouj raen roen, mbouj rox hih ij byaij goq mwnqlaw bae lo.

Majdaiq Saw 4:16

Doenghgij vunz luj youq ndaw laep hih vunz hax, couh ij yawjraen rongh sagsag lo. Doenghheij vunz lau rai he hax, couh ij miz rongh ciuq dawz lo.

Bijdwz It 1:21

Faenhsou dunghgoq de hwj sinq boux hawj de daj rai ndaej dauqlix caiq hawj de ndaej najrongh dih Cangqdiq; sojhij faenhsou sinq caeuq miz muengh dungjdungj cungj dwg Cangqdiq.

Yozhanq It 3:23

Gij vah de couh dwg hawj gyoengqraeuz sinq daeglwg de Yehsuh Gihduz, ciuq de raengq hih yienghmwnq bae doxaiq.