Yozhanq It 2:5 - Gij Baujcingq Moq Caeuq Geij Bonj Gij Baujcingq Daeuzdaeuz

⁵ Yiengq, hauhnaeuz miz vunz dingq gij vah Cangqdiq hih, couh dwg naeuz boux de caensim caen'eiq aiq Cangqdiq, caemh ndaej cingqmingz boux de dwg haeuj buek vunz Cangqdiq.

Yozhanq It 2:5 ပူးပေါင်းရင်းမြစ်များ

Yozhanq Saw 14:23

Yehsuh han naeuz: “Aiq gou hih vunz gaengjdingq ciuq gij vah gou bae guh; boh gou caemh gaengjdingq aiq de. Mbouj danhcij yienghneix, boh gou caeuq gou caemh caeuq de youq.

Yozhanq Saw 14:21

“Famz dingq gij mingqlingq gou, caemh ciuq gij mingqlingq gou bae guh hih, couh dwg aiq gou hih vunz lo. Aiq gou hih vunz, boh gou caemh aiq de; gou caemh aiq de. Mbouj danhcij yienghneix, gou vanzlij yienh hawj de raen.”

Luqgyah Saw 11:28

Hoeng Yehsuh dauq han naeuz: “Gannaeuz dwg yienghmwnq lo hoeng, cungj mbouj ndaej beij doengh boux cingqcaen dingq gij vah Cangqdiq, caemh ciuq de gangj hih yienghmwnq bae guh hih miz fuk hah.”

Yozhanq It 3:24

Byawz dingq gij vah Cangqdiq hih, byawz couh ndaej gaep haeuj buek Cangqdiq; Cangqdiq caemh caeuq de youq. Aenvih Cangqdiq soengq Hoenzsaenz de hawj gyoengqraeuz, sojhij gyoengqraeuz couh rox Cangqdiq caeuq gyoengqraeuz youq.

Gihduz Hawj Vunz Rox 14:12

Hoeng gangj daengz doenghheij soenhsouj Cangqdiq dih mingqlingq, sinq Yehsuh hih doenghheij vunz Cangqdiq, gyoengqde ijaeu gyenhciz naenxsim.

Yozhanq It 5:2

Hauhnaeuz gyoengqraeuz aiq Cangqdiq, caemh dingq gij vah de, yiengq gyoengqraeuz couh rox gyoengqraeuz aiq gij lwg de lo.

Yozhanq Saw 15:5

“Gou dwg go buzdauz, faenhsou dwg gij nge de. Siengzseiz caeuq gou youq hih, gou caemh siengzseiz caeuq de youq, de caemh ndaej dawz haujlai mak, aenvih mbouj miz gou, faenhsou couh gijmaz cungj mbouj ndaej guh daengz.

Yozhanq It 4:18

Ndaw aiq ndaw de mbouj miz lau; cingqcaen aiq ndaej boenq deuz lau, aenvih lau couh dwg lau ngaiz fad. Lau hih vunz, couh dangq naeuz de mijyaengz ndaej guh daengz Cangqdiq yauhgyiuz hih gij aiq mwnq.

Gohlimzdoh Ngeih 5:17

Gou raen hax, mboujguenj dwg byawz, cijaeu de gaep haeuj Gihduz, de couh dwg boux vunz moq luj ngamq cauh he lo; gaeuq hih gaenq mbouj miz lo, cungj dwg moq hih lo.

Gihduz Hawj Vunz Rox 12:17

Duz lungz raen yienghneix le, couh aeuqheiq meh vunzbaz mwnq hwj ij rai, couh fanjgoqma bae gunghoenx meh vunzbaz mwnq hih gizdah lwg, couh dwg doenghheij soenhsouj Cangqdiq dih mingqlingq gyenhciz vih Yehsuh hwj guh de dih cingqyinz hih gyoengq vunz mwnq.

Yozhanq It 5:20

Gyoengqraeuz rox daeglwg Cangqdiq gaenq daeuj lo. De vanzlij soengq coengjmingz hawj gyoengqraeuz, hawj gyoengqraeuz rox caen dih Cangqdiq. Gyoengqraeuz caemh dwg haeuj buek vunz caen dih Cangqdiq, caemh dwg haeuj buek vunz daeglwg de, Yehsuh Gihduz—de couh dwg caen dih cwnz, caemh dwg gij mingh mbouj rox rai he.

Gohlimzdoh It 1:30

Hoeng, gyoengqraeuz ndaej baengh Cangqdiq hwj ndaej caeuq Yehsuh Gihduz doxhuz. Gyoengqraeuz caemh rox Cangqdiq baij Gihduz daeuj gouq vunz dwg coengjmingz raixcaix, gyoengqraeuz dunghgoq de hwj hawj gyoengqraeuz ndaej youq ndaw lwgra Cangqdiq suenq dwg boux mij'z coih he, ndaej guh boux hab'eiq habhoz Cangqdiq he, caemh dunghgoq de hwj gyoengqraeuz ndaej cueg ma lo.

Lozmaj Saw 8:1

Sojhij, gvi haeuj Yehsuh Gihduz hih vunz couh mbouj ngaiz dingh miz coih,

Yajgoz Saw 2:22

Faenhsou yawj hux, de yienghneix guh couh ndaej cingqmingz naeuz de sinq hah. Sojhij ciuq luj yienghneix ma yawj, de cix sinq cix guh; sinq caeuq guh doxbangbouj. Vih guh hwj ndaej suenq sinq liuxliux.

Gohlimzdoh Ngeih 5:21

Cangqdiq hawj boux mij coih mwnq, couh dwg Gihduz, dingj gyoengqraeuz rap coih hwj hawj gyoengqraeuz ndaej youq ndaw lwgra Cangqdiq bienqbaenz mij'z coih he hih vunz.

Yozhanq Saw 6:56

Gw gij noh gij lwed gou hih vunz ndaw sim de siengzseiz miz gou, gou caemh miz de.

Yozhanq It 4:17

Yienghneix, aiq youq ndaw sim gyoengqraeuz ndaej fazveih, hawj gyoengqraeuz ndaej youq ngoenz saemjbuenq mwnq mbouj you mbouj heiq, aenvih Cangqdiq dwg yienghlawz aiq vunz, gyoengqraeuz youq lajmbwn caemh dwg yienghlawz aiq vunz.

Yozhanq Ngeih 1:6

Aiq couh dangq dwg gyoengqraeuz soenhsouj Bohmbwn dih mingqlingq; faenhsou daj gaihcij soj dingq dih mingqlingq couh dwg ij seiqseiz aiq.