Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Yozhanq It 2:24 - Gij Baujcingq Moq Caeuq Geij Bonj Gij Baujcingq Daeuzdaeuz

24 Sojhij faenhsou ij dawz gij daj gaihcij cix dingqri dih gij siuhsiz mwnq geiq youq ndaw sim. Hauhnaeuz ndaw sim faenhsou siengzseiz cungj caeng miz gij daj gaihcij cix dingqri hih gij siuhsiz mwnq nex, faenhsou couh ndaej caeuq Yehsuh caeuq boh de Cangqdiq caemh buek vunz he lo.

အခန်းကိုကြည့်ပါ။ ကော်ပီ




Yozhanq It 2:24
27 ပူးပေါင်းရင်းမြစ်များ  

Yehsuh han naeuz: “Aiq gou hih vunz gaengjdingq ciuq gij vah gou bae guh; boh gou caemh gaengjdingq aiq de. Mbouj danhcij yienghneix, boh gou caeuq gou caemh caeuq de youq.


Cangqdiq nyok gij Hoenzsaenz de hawj gyoengqraeuz, hawj gyoengqraeuz rox gyoengqraeuz caeuq de caemh buek vunz he, de caemh caeuq gyoengqraeuz youq.


Sojhij, gyoengqraeuz caemh rox, caemh sinq Cangqdiq aiq gyoengqraeuz. Cangqdiq couh dwg aiq; ndaw sim bouxlawz miz aiq, bouxlawz couh youq ndaw rumq Cangqdiq youq, Cangqdiq couh caeuq boux de youq.


Sojhij mwngz ijaeu ndaejgeiq mwngz soj dingq soj hag hih, cungj ij ciuq bae guh, caemh ij nginh loek gaijgoq. Hauhnaeuz mwngz mbouj singqsag goqdaeuj nex, gou couh luj bouxcaeg yienghmwnq sawqmwh bae daengz mwngz mwnq; gou seizlaw bae daengz mwngz mwnq, mwngz gaenhbaenj mbouj rox.


Cinhngaiq dih baengzyoux hax, gou sij hawj faenhsou hih mbouj dwg gij mingqlingq moq law; dwg gij faenhsou dajlwh ngamqngamq gaihcij cix dingqri cix rox hih gij mingqlingq gaeuq hih lah.


Gyoengqraeuz dawz soj yawjraen hih, soj dingqri hih cungj cenz naeuz faenhsou ni, hawj faenhsou rox le, couh gaep haeuj buek vunz gyoengqraeuz, yiengq caemhdangq ndaej gaep haeuj Bohmbwn caeuq daeglwg de Yehsuh Gihduz lo.


Yiengq, hauhnaeuz faenhsou siengzseiz caeuq gou youq, caemh ndaejgeiq gij vah gou, ciuq gij vah gou bae guh hih, mboujguenj faenhsou ij aeu gijmaz, gouz couh ndaej lo.


Gou naeuz mwngz ni, gou couh ij daeuj daengz lo. Mwngz ij baux ndei mwngz soj miz hih, mienxndaej ngaiz vunz dued aeu gij cangjbyimj mwngz ijvanh ndaej daengz hih.


Faenhsou vanzlij ij dawz gij vah Gihduz caeng youq ndaw sim faenhsou lailai laeglaeg hwj, caemh ij yungh Gihduz soj nyok hawj hih coengjmingz ma doxson doxgyienq, caemh ij miz aen sim rox boixaen he daeuj ciengq gij go ndaw Singqgingh caeuq gij go haenh Cangqdiq caeuq gij go Hoenzsaenz Cangqdiq hawj raeuz angq hwj haenh hih gij go ma haenh Cangqdiq.


Yiengq, caiq hauhnaeuz gyoengqraeuz goq dih saedceij cungj dwg rongh sagsag he, luj Cangqdiq youq ndaw rongh yienghmwnq, gyoengqraeuz couh ndaej doxgaep guh buek vunz he lo, gij lwed daeglwg de Yehsuh caemh dawz gij coih raeuz swiq cengh lo.


Caemh cijaeu hauhnaeuz gyoengqraeuz cungj ndaej gyenhciz luj gaxgonq ngamq sinq yienghmwnq sinq Gihduz hih sim gyenhdingq, yungjyenj mbouj bienq, gyoengqraeuz couh ndaej caeuq Gihduz guxdoih.


Feihlizbij dih gak boux beixnuengx hax, faenhsou caemh rox, mwh gou ngamq gaihcij cenzgangj Cangqdiq dih ndei siuhsiz ij daj Majgizdoenq bae daixlingh mwnq hih mwhde, caenhgag faenhsou gyauqveiq bang gou hawj gou doxgaiq hawj gou saenghhozfeiq sat lo, caiq mbouj miz byawz hawj gou haem lo.


Gou angq ij rai, miz beixnuengx daeuj gou dineix naeuz gou ni mwngz lauxlaux saedsaed mbouj doeknaiq hih ciuq gij saedsaeh Cangqdiq bae goq saedceij.


aenvih ndaw sim faenhsou caeuq ndaw sim gyoengqraeuz yungjyenj miz saedsaeh.


Sojhij, gyoengqraeuz ij engqgya louzsim gyoengqraeuz soj dingq daengz hih saedsaeh, mienxndaej ngaiz lumz ngaiz vwt gij saedsaeh neix.


Gajlaeng, gyoengqde couh cam de naeuz: “Mwngz dwg bouxlawz?” Yiengq Yehsuh han naeuz: “Gou mbouj dwg senqsi cix naeuz faenhsou ni lo mah?


Gyoengqde dwg gaenhgiq doengh boux daj gaihcij cix caenra raen hih cenz okdaeuj hih bien baenz saw lo.


“Faenhsou ij dawz haeuj rwz gij vah gou seizneix gangj naeuz faenhsou ni hih, couh dwg gou, Vunz dih Daiqbiuj, couh ijvanh ngaiz buenqduz cuzmaiq lo.”


Gw gij noh gij lwed gou hih vunz ndaw sim de siengzseiz miz gou, gou caemh miz de.


Byawz dingq gij vah Cangqdiq hih, byawz couh ndaej gaep haeuj buek Cangqdiq; Cangqdiq caemh caeuq de youq. Aenvih Cangqdiq soengq Hoenzsaenz de hawj gyoengqraeuz, sojhij gyoengqraeuz couh rox Cangqdiq caeuq gyoengqraeuz youq.


Doengh boux nginh Yehsuh dwg daeglwg Cangqdiq hih, Cangqdiq couh caeuq de youq, de caemh dwg haeuj buek vunz Cangqdiq.


Famz miz vunz mbouj ciuq Yehsuh gangj hih yienghmwnq ma guh, dauqfanj gag ciuq bonjfaenh dih siengjfap ma guh hih, couh dwg ndaw sim de mbouj miz Cangqdiq; doengh boux gyenhciz sinq gij saedsaeh Yehsuh hih vunz, ndaw sim de couh miz Bohmbwn caeuq miz daeglwg de.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ