Yozhanq It 2:20 - Gij Baujcingq Moq Caeuq Geij Bonj Gij Baujcingq Daeuzdaeuz

²⁰ Faenhsou gaenq ndaej Gihduz soengq hawj hih Hoenzsaenz Cangqdiq lo, sojhij, faenhsou cungj rox gij saedsaeh de.

Yozhanq It 2:20 ပူးပေါင်းရင်းမြစ်များ

Yozhanq Saw 14:26

Hoeng, ndaej bang vunz dih Hoenzsaenz, couh dwg daxboh vih gou hwj ij baij daeuj hih Hoenzsaenz, de ij dawz sojmiz hih saeh cungj naeuz sou ni liux, vanzlij hawj faenhsou ndaejgeiq gou doiq faenhsou soj gangj hih.

Yozhanq It 2:27

Hoeng gangj daengz faenhsou, Yehsuh gaenq dawz Hoenzsaenz Cangqdiq nyok hawj faenhsou lo, hawj de doz youq gwnz ndang faenhsou; sojhij faenhsou couh mboujyungh hawj vunz son faenhsou lo, aenvih de dawz sojmiz hih saeh cungj son faenhsou, caemh cungj dwg son gij saedsaeh he, mbouj dwg son gij gyaj he. Sojhij faenhsou couh ij ciuq de son, siengzseiz gaen de.

Geiq Dwzbaijyienz 10:38

Faenhsou caemh rox, Mbanj Nazsajlwz vunz dih Yehsuh, Cangqdiq baenzlawz hawj Hoenzsaenz Cangqdiq doz youq gwnz ndang de, caeuq soengq bonjsaeh hawj de, hawj de bae gak dieg bae guh ndeisaeh. De yw ndei doenghheij vunz ngaiz fangzvuengz gaemhanh he, aenvih Cangqdiq caeuq de youq.

Yozhanq Saw 16:13

Daengj daengz miz saedsaeh dih Hoenzsaenz daeuj, de gaengjdingq daiq faenhsou, hawj faenhsou rox sojmiz hih saedsaeh. De caemh ij gangj naeuz faenhsou ni baezneix ij fatseng hih. De soj gangj hih mbouj dwg ciuq gij cawjeiq bonjfaenh de ma gangj law, dauq dwg gangj gij saeh bonjfaenh de daj Cangqdiq mwnq soj dingqri hih lah.

Hihbwzlaiz Saw 1:9

Mwngz haenj deng hih, dwgcaengz mbouj deng hih, sojhij Cangqdiq, mwngz dih Cangqdiq, dinghlaeb mwngz. De aeu youz ma raix hawj mwngz, laeb mwngz guh vuengz, hawj mwngz angq; mwngz beij gij doih mwngz ak ndaej lai.

Yozhanq It 4:13

Cangqdiq nyok gij Hoenzsaenz de hawj gyoengqraeuz, hawj gyoengqraeuz rox gyoengqraeuz caeuq de caemh buek vunz he, de caemh caeuq gyoengqraeuz youq.

Geiq Dwzbaijyienz 3:14

Faenhsou yiem boux ceiq ndei ceiq dingq Cangqdiq dih vunz, dauqfanj gouz Bijlahdoh coengq boux vunzfamh gaj vunz mwnq.

Luqgyah Saw 4:18

Gij Hoenzsaenz Cangqdiq daiq gou, aenvih de senj gou, hawj gou cenz gij ndei siuhsiz de hawj gij vunz gungz. De baij gou daeuj bauqgauq naeuz: “Ngaiz gaemh dawz hih ndaej coengq, rafangz hih yawj ndaej raen, souh yazbwz hih ndaej swqyouz,”

Majgoj Saw 1:24

“Aex! Mbanj Nazsajlwz dih Yehsuh, mwngz daeuj dineix guxmaz nex? Mwngz ijsiengj daeuj cawz gyoengqraeuz haj? Gou rox mwngz dwg byawz hah; mwngz couh dwg boux gvi hawj Cangqdiq he hih boux vunz mwnq he!”

Gihduz Hawj Vunz Rox 4:8

Seiq doenghduz neix duzduz cungj miz roek gij fwed, baixndaw baixrog cungj miz ra hwj rim bae. Gyoengqde ngwnzngoenz cungj mbouj dingz hih haenh naeuz: Singq hwx! Singq hwx! Singq hwx! Bouxcawj raeuz Cangqdiq, gaxgonq seizneix baezneix yungjyungj yenjyenj miz dih akak rengzrengz gaiqgaiq cungj ndaej guh daengz dih Cangqdiq! Singq hwx!

Gihduz Hawj Vunz Rox 3:7

Boux de vanzlij caiq naeuz: “Mwngz ij sij saenq hawj bouxcai Feihlahdezfeih gyauqveiq; mwngz ij yienghneix sij naeuz: Boux gvi haeuj Cangqdiq, sinq ndaej goq he, dawz gij seiz Daqveiq goengjvuengz neix he, caemh hoi dou le mij'z vunz ndaej haep he, haep le caemh mij'z vunz ndaej hoi he hih boux mwnq naeuz:

Hihbwzlaiz Saw 8:11

Gyoengqde mboujyungh son doenghheij gekleiz gyoengqde caeuq gij beixnuengx gyoengqde, naeuz: “Mwngz wnggai rox Cangqdiq,” aenvih mwhde mboujguenj hung iq cungj rox gou.

Gohlimzdoh It 2:15

Miz Hoenzsaenz Cangqdiq hih vunz ndaej rox faenbied sojmiz hih saeh, sojhij couh mij'z vunz ndaej naeuz boux de mbouj rox faenbied.

Luqgyah Saw 4:34

“Aex! Mbanj Nazsajlwz dih Yehsuh, mwngz daeuj dineix guxmaz nex? Mwngz ijsiengj daeuj cawz gyoengqraeuz hajx? Gou rox mwngz dwg byawz hah; mwngz couh dwg boux gvi hawj Cangqdiq he hih boux vunz mwnq he!”

Majdaiq Saw 13:11

Yehsuh dingq le, han naeuz: “Gij miqmiz ndaw guek Cangqdiq caenhgag ndaej hawj faenhsou rox lah; mbouj ndaej hawj gyoengqde rox nej.

Youzdaq Saw 1:5

Laj neix, doenghgij saeh neix gannaeuz faenhsou gaenq rox hoh lah, hoeng, gou vanzlij ij caiq daezsingj faenhsou. Doenghbaez Cangqdiq gouq gij vunz de, couh dwg gij vunz Hijswzlez, daj Ngaihgiz ok ma, hoeng, gajlaeng de dauq dawz gyoengqde doenghheij vunz mbouj sinq de he cawz bae.