Yozhanq It 2:17 - Gij Baujcingq Moq Caeuq Geij Bonj Gij Baujcingq Daeuzdaeuz

¹⁷ Aen seiqgyaiq neix caeuq sojmiz siengjmuengh hih, couh ij menhmenh byoeng lo. Caenhgag gij vunz ciuq gij cawjeiq Cangqdiq bae guh hih mbouj ngaiz byoeng, ndaej seiqseiz lix hoh lo.

Yozhanq It 2:17 ပူးပေါင်းရင်းမြစ်များ

Majdaiq Saw 24:35

Daengz mwhmwnq, mbwnmbwn deihdeih cungj cawzraeg liux bae, hoeng, gij vah gou yungjyenj mbouj rox raeg.”

Lozmaj Saw 12:2

Faenhsou mbouj ndaej ciuq aen seiqgyaiq neix hwng gijmaz caemh gaen hwng gijmaz, dauq ij hawj Cangqdiq gaij gij siengjfap faenhsou hwj hawj faenhsou ndaej gaijbienq goqma, hawj faenhsou ndaej faenbied gij cawjeiq Cangqdiq, hawj faenhsou rox gijmaz dwg ndei he, dwg hab'eiq habhoz Cangqdiq he, dwg mij maz ndaej diudik he.

Gohlimzdoh It 7:31

youq lajmbwn ndaej yangjcouq hih, ij miz cungj daiqduq naeuz mij yawjnaek aen seiqgyaiq neix cij deng, aenvih gyoengqraeuz caenra raen aen seiqgyaiq neix hih couh ij goq lo.

Bijdwz It 4:2

Faenhsou miz aen sim yienghneix, daj seizneix hwnj, faenhsou goq saedceij couh mbouj caiq ngaiz ciuq vunz dih baenjsingq, siengjmuengh hwj gaemhanh dawz lo; cij rox ciuq Cangqdiq dih cawjeiq hwj goq saedceij lah,

Hihbwzlaiz Saw 10:36

Vih ij ciphengz Cangqdiq dih cawjeiq hwj ndaej daengz Cangqdiq dih soj baujcingq hih, faenhsou bietdingh ij gyenhciz naenxsim,

Majgoj Saw 3:35

De vanzlij caiq naeuz: “Famz dingq gij vah Cangqdiq ciuq gij cawjeiq Cangqdiq bae guh hih couh dwg meh gou, beixnuengx gou.”

Bijdwz It 1:5

Cangqdiq vih faenhsou sinq de hwj de couh yungh gij akak rengzrengz de ma baujhuq faenhsou, hawj faenhsou ndaej de soj cwnjbiq hih, couh dwg youq ngoenz gatsat yienh hawj gyoengqraeuz rox ndaej gouq dwg baenxlai dih ndei.

Dezsajloznizgyah It 4:3

Gij neix dwg Cangqdiq dih cawjeiq hih, dwg ij hawj faenhsou caensim caen'eiq gaen de hwj guh gij vunz de, mbouj cimyex haeuj doenghgij ndaengndaeng ndwetndwet he bae,

Yozhanq Saw 4:14

hoeng, famz gw goq gij raemx gou hawj he hih vunz couh ndaej yungjyenj mbouj rox hozhawq, aenvih gou hih gij raemx neix ij youq gwnz ndang de bienqbaenz aen cingjraemx riuz mbouj rox sat, hawj de ndaej seiqseiz lix.”

Majdaiq Saw 7:21

Yehsuh vanzlij caiq naeuz: “Gou naeuz sou ni, mbouj dwg naeuz byawz heuh gou ‘Bouxcawj hax bouxcawj,’ heuh hwj dwk sadsad couh ndaej gaep haeuj aen guek Cangqdiq law; caenhgag doengh boux ciuq gij cawjeiq Bohmbwn gou bae guh hih cij ndaej gaep haeuj guek Cangqdiq lah.

Yajgoz Saw 4:14

Gizsaed gou naeuz sou ni hax, faenhsou gaenhbaenj mbouj rox faenhsou ngoenzcog baenzlaw yiengh. Faenhsou cijmboujgoq luj fwdfauz yienghmwnq, goq yaep he, couh siu liux lo. Lij ij gangj ak guxmaz nex?

Yozhanq Saw 6:58

Gou dwg daj gwnzmbwn roengz daeuj hih gij gw caen he. Gw gij gw neix hih vunz ndaej seiqseiz lix, mbouj luj cojgoeng faenhsou gannaeuz ndaej gw goq mahnaq lah, hoeng, ciuqyiengh ngaiz rai.”

Majdaiq Saw 21:31

“Yiengq gou cam faenhsou, song daeglwg neix dauqdaej daeglawz dingq daxboh de nej?” Gyoengqde han naeuz: “Daegdaeuz de.” Yehsuh dingq le, couh doiq gyoengqde naeuz: “Gou saedsaeh naeuz sou ni, doengh boux guh sou ceiq he caeuq doengh boux guh lauxgawj he vanzlij ndaej beij faenhsou sien haeuj aen guek Cangqdiq bae gaxgonq hwx.

Dezsajloznizgyah It 5:18

mboujguenj baenzlawz, cungj ij rox docih Cangqdiq, aenvih gij neix dwg Cangqdiq doiq faenhsou doenghheij vunz gaep haeuj Yehsuh Gihduz he dih yauhgyiuz.

Gohlozsih Saw 4:12

Vanzlij miz Hijbahfuz caemh cam faenhsou ndei. De dwg faenhsou mwnq hih vunz, caemh dwg bouxhoiq Yehsuh Gihduz. De siengzseiz caensim bang faenhsou gouzhaenh Cangqdiq, gouz Cangqdiq hawj faenhsou ndaej guh boux mij gijmaz ndaej diudik he, cibcukcib ndei he, hawj faenhsou ndaej rox cingsuj gij cawjeiq Cangqdiq.

Gohlozsih Saw 1:9

Sojhij, couh vih yienghneix, daj gyoengqraeuz dingq daengz faenhsou hih gij siuhsiz neix hwnj, gyoengqraeuz couh siengzseiz bang faenhsou gouzhaenh Cangqdiq, gouz de hawj faenhsou dunghgoq Hoenzsaenz de hwj hawj faenhsou coengjmingz caeuq ndaej miz bonjsaeh ndaej faenbied he, hawj faenhsou mboujguenj gijmaz cungj ndaej rox gij cawjeiq de.

Yozhanq Saw 7:17

Hauhnaeuz faenhsou gietsim ciuq gij cawjeiq Cangqdiq bae guh nex, couh ndaej rox doenghgij vah neix dwg Cangqdiq hawj gou gangj haj cixnaeuz dwg gou gag gangj hih lo.