Yozhanq It 2:14 - Gij Baujcingq Moq Caeuq Geij Bonj Gij Baujcingq Daeuzdaeuz

¹⁴ Guh boh hih vunz hax, gou caemh sij saenq hawj faenhsou dwg aenvih faenhsou rox boux daj gaihcij cix miz hih. Hauxseng hih vunz hax, gou sij saenq hawj faenhsou dwg aenvih faenhsou ndwn ndaej cingq. Ndaw sim faenhsou siengzseiz caeng miz gij vah Cangqdiq; faenhsou caemh giengz goq Sajdanq boux doegsieb neix.

Yozhanq It 2:14 ပူးပေါင်းရင်းမြစ်များ

Yozhanq It 2:13

Guh boh hih vunz hax, gou sij saenq hawj faenhsou dwg aenvih faenhsou rox boux daj gaihcij cix miz he hih. Hauxseng hih vunz hax, gou sij saenq hawj faenhsou dwg aenvih faenhsou gaenq giengz goq Sajdanq boux doegsieb neix lo. Lwg hax, gou sij saenq hawj faenhsou dwg aenvih faenhsou rox Bohmbwn.

Gohlozsih Saw 3:16

Faenhsou vanzlij ij dawz gij vah Gihduz caeng youq ndaw sim faenhsou lailai laeglaeg hwj, caemh ij yungh Gihduz soj nyok hawj hih coengjmingz ma doxson doxgyienq, caemh ij miz aen sim rox boixaen he daeuj ciengq gij go ndaw Singqgingh caeuq gij go haenh Cangqdiq caeuq gij go Hoenzsaenz Cangqdiq hawj raeuz angq hwj haenh hih gij go ma haenh Cangqdiq.

Yozhanq Saw 15:7

Yiengq, hauhnaeuz faenhsou siengzseiz caeuq gou youq, caemh ndaejgeiq gij vah gou, ciuq gij vah gou bae guh hih, mboujguenj faenhsou ij aeu gijmaz, gouz couh ndaej lo.

Hijfuzsoj Saw 6:10

Ceiqhaeuq gou vanzlij miz vah ij raengq faenhsou: faenhsou wnggai baengh Cangqdiq dih akak rengzrengz hwj guh boux vunz gyenhgyangz he.

Yozhanq Saw 8:31

Gajlaeng Yehsuh doiq doenghgij vunz sinq de he naeuz: “Hauhnaeuz faenhsou siengzseiz ciuq gou gangj hih yienghmwnq bae guh nex, couh cingqcaen dwg lwgsae gou lo.

Yozhanq Saw 5:38

ndaw sim faenhsou caemh mij miz gij saedsaeh de, aenvih faenhsou mbouj sinq de baij daeuj hih boux mwnq.

Gihduz Hawj Vunz Rox 2:7

Hoenzsaenz Cangqdiq yiengq gak aen gyauqveiq soj gangj hih vah, faenhsou cungj ijaeu dawz haeuj rwz dingq! Ndaej hingz hih vunz, gou couh nyok gienz hawj de, hawj de ndaej gw gij mak ndaw suen Cangqdiq hih gij mak go faex hawj vunz ndaej miz mingh mwnq.”

Yozhanq Sam 1:3

Gou angq ij rai, miz beixnuengx daeuj gou dineix naeuz gou ni mwngz lauxlaux saedsaed mbouj doeknaiq hih ciuq gij saedsaeh Cangqdiq bae goq saedceij.

Yozhanq Ngeih 1:2

aenvih ndaw sim faenhsou caeuq ndaw sim gyoengqraeuz yungjyenj miz saedsaeh.

Hihbwzlaiz Saw 8:10

Cangqdiq vanzlij caiq naeuz: Baezneix gou ij caeuq gij vunz Hijswzlez dingh gij baujcingq lienz diuzgyenq he, ij dawz gij fazliz gveihdingq ciqduq gou coengq youq ndaw uk gyoengqde, sij youq ndaw sim gyoengqde; gou ij guh gyoengqde dih Cangqdiq, gyoengqde ij guh gij vunz gou.

Gohlozsih Saw 1:11

Gyoengqraeuz vanzlij gouz Cangqdiq, gouz de yungh gij veijdaq dih akak rengzrengz de ma hawj faenhsou ndaej engqgya miz rengz, ndaej engqgya gyenhdingq, hawj faenhsou vuenvuen heijheij cix rox naenxsim,

Dizmohdaiq Ngeih 2:1

Lwg gou Dizmohdaiq hax, mwngz ij baengh Yehsuh Gihduz dih haijliengh hwj gyenhgyangz hwnjdaeuj.

Feihlizbij Saw 4:13

Gou baengh nyok rengz hawj gou hih bouxcawj, mboujguenj baenzlawz, gijmaz saeh, gou cungj ndaej guh.

Gihduz Hawj Vunz Rox 2:3

Gou caemh rox mwngz vih gou hwj dwgrengz sinhoj, mbouj doeknaiq.

Yozhanq It 1:10

Hauhnaeuz gyoengqraeuz naeuz gyoengqraeuz mij famh coih goq, yiengq gyoengqraeuz couh dangq dawz Cangqdiq ma yawj dwg boux gangj gyajvah he hih vunz lo, ndaw sim gyoengqraeuz caemh mbouj miz gij vah de lo.

Yozhanq Saw 8:37

“Gou rox faenhsou dwg lwglan Yaqbwzlahhanj hah, hoeng, faenhsou siengj haih gou gaj gou, aenvih ndaw sim faenhsou mbouj caeng gij vah gou.

Yozhanq It 1:1

Gyoengqraeuz seizneix sij saenq naeuz faenhsou ni gvanhhih gij vah Cangqdiq daiq miz mingh he. Gij vah daiq miz mingh neix couh dwg daj gaihcij cix senqsi miz hih, caemh dwg gyoengqraeuz soj dingqri, soj yawjraen hih, caeuq gyoengqraeuz soj mo goq hih.