Yozhanq It 2:11 - Gij Baujcingq Moq Caeuq Geij Bonj Gij Baujcingq Daeuzdaeuz

¹¹ Doengh boux haemz beixnuengx hih, couh dwg naeuz de vanzlij dwg boux byaij youq mwnq laep mbouj rox fuengyiengq he, aenvih cehra de yawjraen hih cungj dwg laep saengxsaengx, caenh lujnaeuz rafangz nwih.

Yozhanq It 2:11 ပူးပေါင်းရင်းမြစ်များ

Yozhanq Saw 12:35

Yehsuh dingq le, dauq yungh gij beijgangj he ma han naeuz: “Rongh youq faenhsou dineix mbouj geij caez lo; faenhsou ij domh gij rongh vanzlij youq, couh ij vaiqdi byaij lo, mienx daengz laep le, yawj mbouj raen roen, mbouj rox hih ij byaij goq mwnqlaw bae lo.

Dizdoh Saw 3:3

Dizdoh hax, gou vihmaz ij yienghneix naeuz, dwg aenvih gyoengqraeuz gaxgonq caemh mbouj rox gij saeh Yehsuh, ngawz, nga'ngangq, ngaiz fangzvuengz coemx, cungj dwg ngaiz gak cungj yaya yongqyongq siengjmuengh caeuq gwgw angqangq hwj ciemq youq ndaw sim, siengzseiz miz gij doegsieb he, rahoengz he, doxhaenq he.

Gihduz Hawj Vunz Rox 3:17

Gou caemh rox mwngz gag naeuz: ‘Gou fouqmiz hwx, gaenq fatcaiz lo; gijmaz cungj miz.’ Hoeng, gou naeuz mwngz hax, mwngz gaenhbaenj mbouj rox bonjfaenh mwngz baenxlai camj, baenxlai siliengz, baenxlai gungz, ra cix fangz, cix mij'z buh daenj, loxgenz loxgangh.

Yozhanq It 1:6

Yiengq, hauhnaeuz gyoengqraeuz naeuz gyoengqraeuz caeuq de caemh buek vunz he, hoeng, gyoengqraeuz goq dih saedceij cungj dwg laep saengxsaengx he, yiengq couh dwg naeuz gyoengqraeuz gangj gyajvah, mbouj ciuq saedsaeh goq saedceij lo.

Yozhanq It 2:9

Hauhnaeuz miz vunz naeuz bonjfaenh de dwg youq mwnq rongh he, hoeng de vanzlij haemz doenghheij beixnuengx de, yiengq boux mwnq ciuqyiengh vanzlij suenq dwg youq mwnq laep he.

Gohlimzdoh Ngeih 4:4

Doenghheij vunz neix mbouj sinq Gihduz, dwg ngaiz aen ciqgyaiq neix dih cwnz, Sajdanq, loengh hwj sim mazmwnh ra fangz yawj mbouj raen gij rongh gij ndei siuhsiz Gihduz lah. Hoeng, Gihduz couh dwg Cangqdiq dih saeksiengq hah.

Yozhanq Saw 12:40

Cangqdiq hawj gyoengqde rafangz, hawj aen sim gyoengqde gyeng, mijn'x nex, gyoengqde yawj ndaej raen, ndaej rox nex, couh gaij goqma, yiengq gou couh ij ngaiz yw gyoengqde ndei.

Gohlimzdoh Ngeih 3:14

Yiengq gangj daengz gij vunz Hijswzlez, hojsik aen sim gyoengqde gyeng raixcaix; [15]itcig daengz seizneix, gyoengqde doeg gij fazliz gaeuq hih mwhde, aen sim gyoengqde vanzlij dwg luj miz sujbaq goemq hwj. [14b]Hoeng mbaw sujbaq neix caenhgag Gihduz cij ndaej bwenj he;

Bijdwz Ngeih 1:9

Hoeng, hauhnaeuz faenhsou mbouj miz doenghgij byimjdwz neix nex, faenhsou couh dwg ginqciqyenj yawj mbouj ndaej gyae, couh dangq rafangz lo, yawj mbouj raen Yehsuh Gihduz vih faenhsou soj guh hih saeh lo, lumz gaxgonq bonjfaenh faenhsou dih coih gaenq ndaej duet lo.

Yozhanq It 2:10

Aiq beixnuengx hih vunz, cij suenq dwg youq mwnq rongh he, cij mbouj miz gijmaz ndaej hawj de ngaiz laemx.

Yozhanq It 3:15

Famz dwgcaengz gij beixnuengx bonjfaenh hih couh dangq gaj vunz; faenhsou caemh rox, famz gaj vunz hih couh mbouj ndaej seiqseiz lix.

Yozhanq It 4:20

Hauhnaeuz miz vunz naeuz: “Gou aiq Cangqdiq,” hoeng de dauq haenq gij beixnuengx de, yiengq couh naeuz de gangj gyajvah; de cungj mij aiq de soj yawjraen hih beixnuengx, yiengq de ij baenzlaw bae aiq boux yawj mbouj ndaej raen dih Cangqdiq nej?