Yozhanq It 1:2 - Gij Baujcingq Moq Caeuq Geij Bonj Gij Baujcingq Daeuzdaeuz

² Gij mingh neix gaenq yienh okdaeuj lo; gyoengqraeuz caemh yawjraen goq, caemh ndaej cingqmingz naeuz dwg saedsaeh he. Gij mingh neix daj gaihcij cix caeuq Bohmbwn itheij he; de caemh yienh okdaeuj hawj gyoengqraeuz raen goq. Gyoengqraeuz seizneix cenz naeuz sou ni hih couh dwg gij mingh mbouj rox rai neix.

Yozhanq It 1:2 ပူးပေါင်းရင်းမြစ်များ

Yozhanq It 5:20

Gyoengqraeuz rox daeglwg Cangqdiq gaenq daeuj lo. De vanzlij soengq coengjmingz hawj gyoengqraeuz, hawj gyoengqraeuz rox caen dih Cangqdiq. Gyoengqraeuz caemh dwg haeuj buek vunz caen dih Cangqdiq, caemh dwg haeuj buek vunz daeglwg de, Yehsuh Gihduz—de couh dwg caen dih cwnz, caemh dwg gij mingh mbouj rox rai he.

Yozhanq Saw 1:4

Boux neix couh dwg doenj mingh; gij mingh neix couh dwg rongh, ndaej ciuq vunz he.

Dizmohdaiq It 3:16

Bak faenh cih bak, mij maz ndaej ngeiz, Cangqdiq hawj raeuz rox hih gij saedsaeh neix cingqcaen dwg geizmiuj raixcaix, couh dwg: De bienq boux vunz yienghmwnq yienh hawj vunz raen, Hoenzsaenz Cangqdiq cingqmingz de dwg Gihduz. Bouxcai Cangqdiq ndaej raen de, Gij ndei siuhsiz de caemh cenz bae daengz gak guek gak dieg. Gij vunz lajmbwn cungj sinq de, De najrongh sagsag hwj ndaej ciep hwnj mbwn bae.

Yozhanq Saw 17:3

Gij seiqseiz lix neix couh dwg ndaej rox mwngz—caenhgag mwngz cij dwg caen hih cwnz he—caeuq rox gou, Yehsuh Gihduz, mwngz baij daeuj hih.

Yozhanq It 5:11

Gij cingqmingz neix couh dwg: Cangqdiq nyok hawj gyoengqraeuz ndaej seiqseiz lix hih mingh; seiqseiz lix hih mingh dwg youz daeglwg de hawj he.

Yozhanq It 3:8

Caenhrox famh coih hih couh dwg caemh buek fangzvuengz he, aenvih fangzvuengz daj gaihcij cix famh coih lo. Couh vih yienghneix, daeglwg Cangqdiq cij yienh okdaeuj, dwg ij boqvaiq fangzvuengz soj guh hih.

Yozhanq Saw 14:6

Yehsuh dingq le, han naeuz: “Gou couh dwg roen, dwg saedsaeh, dwg mingh; hauhnaeuz mbouj dunghgoq gou, mij'z vunz ndaej bae daengz daxboh mwnq.

Yozhanq It 3:5

Faenhsou caemh rox, Yehsuh dwg mij'z coih hih. De daeuj lajmbwn dwg vih ij hawj vunz youq ndaw lwgra Cangqdiq bienqbaenz mij'z coih he.

Dizmohdaiq Ngeih 1:10

hoeng, daengz seizneix, boux gouq raeuz hih Yehsuh Gihduz daeuj lajmbwn guh vunz le cij yienh okdaeuj lah. De gaenq hawj vunz mbouj caiq rox rai haem lo; de cenz gij ndei siuhsiz hwj dawz mbouj rox rai hih mingh yienh okdaeuj lo.

Gyahlahdaiq Saw 4:4

Hoeng, daengj daengz mwh hab hih mwhde, Cangqdiq couh baij daeglwg dog de daeuj, couh dwg de dunghgoq hawj vunzbaz seng de he, simqciq dwg miz Mohsih fazliz guenjciq he.

Yozhanq Saw 15:27

Caemh doxdoengz, faenhsou caemh ndaej bang gou cingqmingz, aenvih faenhsou daj gaihcij cix gaen gou lo.”

Geiq Dwzbaijyienz 3:15

Faenhsou haihrai boux hawj vunz miz mingh he, hoeng, Cangqdiq dauq hawj boux de ndaej dauqlix lo. Gyoengqraeuz cungj dwg gij saeh neix hih cingqyinz.

Bijdwz It 5:1

Gou dwg gyauqveiq dih lingjdauj, caemh dwg caenra raen Gihduz souh nanh he, caiq dwg ndaej yangjcouq de baezneix ij yienh okdaeuj hih veijdaq he. Gou gienq faenhsou gak boux gyauqveiq dih lingjdauj,

Lozmaj Saw 8:3

Mohsih dih fazliz mij ndaej ak goq coih caeuq rai, aenvih vunz dih baenjsingq daiq ya lai. Hoeng, Cangqdiq dauq ndaej ak goq. De baij daeglwg dog de daeuj, hawj de bienqbaenz vunz, caeuq boux miz coih hih vunz doxdoengz miz lwed miz noh. Cangqdiq yienghneix guh dwg vih ij ak goq coih hwj hawj Yehsuh bienqbaenz gij dajbwiz cueg coih, hawj coih mbouj caiq ndaej guenjciq vunz haem lo.

Geiq Dwzbaijyienz 10:41

cijmboujgoq dwg yienh hawj gyoengqraeuz doengh boux Cangqdiq senqsi cix senj okdaeuj guh cingqyinz dih vunz raen lah, couh dwg doengh boux youq de dauqlix le, ndaej caeuq de doxcaeuq gw hih vunz raen lah, mbouj dwg guxmaz vunz cungj ndaej raen law.

Geiq Dwzbaijyienz 5:32

Gyoengqraeuz cungj dwg gij saeh neix dih cingqyinz; Cangqdiq soengq Hoenzsaenz de hawj doengh boux dingq de hih gij Hoenzsaenz neix caemh ndaej cingqmingz gij saeh neix.”

Geiq Dwzbaijyienz 2:32

“Yehsuh boux neix, Cangqdiq gaenq hawj de dauqlix lo; gyoengqraeuz cungj dwg cingqyinz, ndaej cingqmingz gienh saeh neix.

Yozhanq Saw 21:14

Yehsuh rai ndaej dauqlix le, mbat neix dwg de daixsam mbat yienh hawj gyoengq lwgsae de raen.

Yozhanq Saw 17:5

Boh hax, seizneix gou gouz mwngz hawj gou caeuq mwngz najrongh bax, caemh luj mwh mijyaengz cauh mbwn cauh deih mwhde yienghmwnq doxcaeuq miz najrongh bax!

Yozhanq Saw 16:28

Gou dajlaeng daxboh mwnq daeuj daengz lajmbwn, caiq daj lajmbwn dauq maj laeng daxboh mwnq.”

Yozhanq Saw 8:38

Gou doiq faenhsou soj gangj hih cungj dwg gou youq laeng boh gou mwnq soj yawjraen hih, hoeng, faenhsou soj guh hih cungj dwg dajlaeng boh faenhsou dingq daengz hih.”

Yozhanq Saw 7:29

hoeng, gou dauq rox de, aenvih gou dwg dajlaeng de daeuj hih; dwg de baij gou daeuj hih.”

Yozhanq Saw 3:13

Cawzok Vunz dih Daiqbiuj daj gwnzmbwn roengz daeuj, mij'z vunz ndaej hwnj mbwn bae goq.”

Yozhanq Saw 1:18

Coengzlaiz mij'z vunz ndaej raen goq Cangqdiq, ndaej rox Cangqdiq; caenhgag daeglwg dog de youq henz ndang de ndaej raen de goq. De hawj vunz ndaej rox Cangqdiq.

Yozhanq It 1:1

Gyoengqraeuz seizneix sij saenq naeuz faenhsou ni gvanhhih gij vah Cangqdiq daiq miz mingh he. Gij vah daiq miz mingh neix couh dwg daj gaihcij cix senqsi miz hih, caemh dwg gyoengqraeuz soj dingqri, soj yawjraen hih, caeuq gyoengqraeuz soj mo goq hih.

Yozhanq Saw 10:28

Gou hawj gyoengqde ndaej seiqseiz lix, yungjyenj mbouj rox rai; byawz cungj mbouj ndaej daj ndaw fawz gou dued aeu gyoengqde.

Yozhanq Saw 19:35

Boux caenra raen gij saeh neix hih boux mwnq caemh cingqmingz goq gij saeh neix hwj. Gij cingqmingz de caemh dwg saedsaeh he; de caemh rox bonjfaenh de soj gangj hih dwg saedsaeh hih. De cingqmingz dwg vih ij hawj faenhsou caemh sinq.

Yozhanq It 2:25

Gij neix couh dwg de baujcingq hawj raeuz dih seiqseiz lix hih lo.

Yozhanq It 4:2

Yiengq, faenhsou ij baenzlawz cij ndaej rox cingqcaen dwg Hoenzsaenz Cangqdiq naeuz hih nej? Couh dwg byawz nginh Yehsuh Gihduz dwg daeuj lajmbwn guh vunz hih, byawz couh dwg cingqcaen daj Cangqdiq mwnq baij daeuj hih lo.

Yozhanq It 4:14

Gyoengqraeuz raen goq, caemh ndaej cingqmingz, Cangqdiq baij daeglwg de daeuj lajmbwn, dwg daeuj guh boux gouq vunz he.

Yozhanq It 5:13

Gou sij doenghgij saeh neix naeuz faenhsou sinq daeglwg Cangqdiq hih vunz ni, hawj faenhsou rox faenhsou ndaej seiqseiz lix.