Ok Ngaihgiz 36:35 - Gij Baujcingq Moq Caeuq Geij Bonj Gij Baujcingq Daeuzdaeuz

³⁵ Gyoengqde aeu saeqsaeq nuenxnuenx hih maemaz lamz hah, maemaz aeuj hah, maemaz hoengz hah ma daemj hwj guh fanyiemz gek fungh. Fanyiemz gwnz de caemh daemj miz duz gihluqbwz hwj, caemh dwg hawj boux fawzsoem rox daemj he daemj hwnjbae he.

Ok Ngaihgiz 36:35 ပူးပေါင်းရင်းမြစ်များ

Majdaiq Saw 27:51

Couh youq mwhneix, venj youq ndaw aen laeuz gunghdenq Cangqdiq hih fanyiemz mwnq cungj daj gwnz lig doxroengzma faen baenx song mbiengj bae, deih cixcaemh doengh, rin hung cixcaemh aq,

Ok Ngaihgiz 40:21

Gajlaeng couh dawz aen gvih coengq miz baengzgawq coengq haeuj ndaw cangqbungz bae, venj yiemz baex hwj. Doenghgij neix cungj dwg ciuq Yehhozvaz raengq hih yienghmwnq bae guh.

Ok Ngaihgiz 30:6

Aen siu yieng ij coengq youq baixrog fanyiemz dangqnaj aen gvih coengq miz baengzgawq mwnq, couh dwg mwnq gou caeuq mwngz doxraen he.

Ok Ngaihgiz 26:1

“Mwngz ij yungh cib fuk boiqmaz ma guh cangqbungz; doengh fuk boiqmaz neix fukfuk cungj miz sam cungj saek: saeklamz, saekaeuj, saekhoengz, caemh dwg hawj doengh boux fawzsoem rox daemj boiq he daemj. Doengh fuk neix gwnz de cungj caemh ij daemj miz duz gihluqbwz hwj.

Ok Ngaihgiz 36:34

Doengh dip benj cungj dwg aeu gim ma baux hwj, caiq haeuq gyengx gim haeuj bae hwj ndaej con diuz lanz vang haeujbae. Diuz faex lanz vang de caemh dwg aeu gim ma baux.

Ok Ngaihgiz 36:36

Gyoengqde caemhcaiq aeu faex gimhhozvuenh ma guh seiq diuz dongh venj fanyiemz. Doengh diuz dongh neix caemh dwg aeu gim ma baux hwj, gwnz de caemh miz ngaeu gim. Moix it diuz dongh hih laj de caemh miz aen cap aeu ngaenz ma guh he.