Ok Ngaihgiz 33:18 - Gij Baujcingq Moq Caeuq Geij Bonj Gij Baujcingq Daeuzdaeuz

¹⁸ Yiengq Mohsih caiq naeuz: “Gouz mwngz hawj gou caenra raen gij rongh mwngz, ndaej lwi?”

Ok Ngaihgiz 33:18 ပူးပေါင်းရင်းမြစ်များ

Ok Ngaihgiz 33:20

Yehhozvaz youhcaiq naeuz: “Gou mbouj hawj mwngz raen baj naj gou law, aenvih raen gou hih vunz cungj ij ngaiz rai.”

Gihduz Hawj Vunz Rox 21:23

Aen singz neix mboujyungh gyangjngoenz caeuq aen ndwen rongh nej, aenvih miz gij ronghndongq Cangqdiq caeuq miz duz yiengzlwg dangq dwg aen singz neix hih daeng he.

Dizdoh Saw 2:13

daengj daengz raeuz soj muengh hih gij ronghndongq boux gouq raeuz dih Yehsuh Gihduz, veijdaq dih Cangqdiq, yienh okdaeuj.

Dizmohdaiq It 6:16

Caenhgag de mbouj rox rai hih, Youq mwnq vunz dep mbouj ndaej hih ndaw rongh ndaw de hih, Mij'z vunz ndaej raen goq hih, Caemh mij'z vunz ndaej yawjraen hih Cangqdiq. Muengh najrongh caeuq seiqseiz gienz akak rengzrengz cungj gvi hawj de! Ahmaenz.

Gohlimzdoh Ngeih 4:6

aenvih boux naeuz: “Rongh! Daj ndaw laep ciuq okdaeuj!” dih Cangqdiq, de gaenq dawz gij rongh de ciuq haeuj ndaw sim gyoengqraeuz daeuj lo, hawj gyoengqraeuz ndaej rox gij rongh Cangqdiq dih veijdaq lo. Gij rongh neix dwg yienh youq baj naj Gihduz he.

Yozhanq Saw 1:18

Coengzlaiz mij'z vunz ndaej raen goq Cangqdiq, ndaej rox Cangqdiq; caenhgag daeglwg dog de youq henz ndang de ndaej raen de goq. De hawj vunz ndaej rox Cangqdiq.

Gohlimzdoh Ngeih 3:18

Yiengq, giqyienz gyoengqraeuz daixgya cungj mbouj goemq naj lo, yienghneix couh ndaej hawj vunz yawjraen gyoengqraeuz luj aen gingq yienghmwnq yienh ok gij rongh bouxcawj raeuz. Hoenzsaenz Cangqdiq bouxcawj raeuz caemh hawj gyoengqraeuz ndaej bienqbaenz yied ngoenz yied ndaej luj de yienghmwnq rongh sagsag lo.

Yozhanq Saw 14:21

“Famz dingq gij mingqlingq gou, caemh ciuq gij mingqlingq gou bae guh hih, couh dwg aiq gou hih vunz lo. Aiq gou hih vunz, boh gou caemh aiq de; gou caemh aiq de. Mbouj danhcij yienghneix, gou vanzlij yienh hawj de raen.”