Ok Ngaihgiz 33:13 - Gij Baujcingq Moq Caeuq Geij Bonj Gij Baujcingq Daeuzdaeuz

¹³ yiengq, hauhnaeuz seizneix mwngz cingqcaen ndiep gou nex, gouz mwngz naeuz gou ni mwngz dih cawjeiq, gou cij ndaej rox ij baenzlaw ciuq gij cawjeiq mwngz bae guh hab'eiq habhoz mwngz hah. Caemh gouz mwngz ndaejgeiq gyoengq vunz neix; gyoengqde cungj dwg gij vunz mwngz.”

Ok Ngaihgiz 33:13 ပူးပေါင်းရင်းမြစ်များ

Hijfuzsoj Saw 1:17

gouz bouxcawj raeuz Yehsuh Gihduz dih Cangqdiq, najrongh dih Bohmbwn, soengq gij Hoenzsaenz hawj faenhsou ndaej coengjmingz caeuq ndaej miz ciqsiz he hwj hawj faenhsou ndaej engqgya rox de.

Gohlozsih Saw 1:10

Yienghneix, sawjhawj faenhsou guh saeh doiq vunz cungj doiq ndaej hwnj bouxcawj raeuz, hawj faenhsou soj guh hih cungj ndaej hawj de haenjheiq, caemh vanzlij ndaej hawj faenhsou guh gij saeh doiq vunz miz ik he, caeuq ndaej hawj faenhsou engqgya lai rox Cangqdiq.

Yozhanq Saw 17:3

Gij seiqseiz lix neix couh dwg ndaej rox mwngz—caenhgag mwngz cij dwg caen hih cwnz he—caeuq rox gou, Yehsuh Gihduz, mwngz baij daeuj hih.

Bijdwz Ngeih 3:18

Dauqfanj faenhsou dauq ij yied ngoenz yied luj bouxcawj gouq raeuz Yehsuh Gihduz yienghmwnq haijliengh, caemh ij yied ngoenz yied rox de. Muengh de yungjyenj najrongh! Ahmaenz.

Ok Ngaihgiz 34:9

naeuz: “Yehhozvaz hax, hauhnaeuz mwngz ndiep gou nex, gouz mwngz buenx raeuz caeuq raeuz bae. Gannaeuz gyoengq vunz neix nga'ngangq raixcaix lah, hoeng, cungj gouz mwngz mienx gij coih gyoengqraeuz, sou gyoengqraeuz ma guh gij gyadangq mwngz bax.”

Lozmaj Saw 11:28

Gyoengqde fanjdeiq gij ndei siuhsiz Cangqdiq; couh vih yienghneix hwj faenhsou couh ndaej gij ndei siuhsiz Cangqdiq. Hoeng, Cangqdiq ciuqyiengh soengq fuk hawj gyoengqde, aiq gyoengqde, aenvih gij cojgoeng gyoengqde dwg de senqsi cix senj okdaeuj he,

Ok Ngaihgiz 32:7

Yiengq caiq gangj daengz Mohsih youq gwnz bya Sihnaiq, Yehhozvaz doiq de gangj vah sat le, de vanzlij caiq doiq Mohsih naeuz: “Mwngz vaiqdi roengz maj bax, aenvih mwngz daj Ngaihgiz daiq okma hih gij vunz mwngz famh coih lo.

Ok Ngaihgiz 3:7

Yehhozvaz vanzlij caiq naeuz: “Gou gaenq yawjraen gij vunz gou youq Ngaihgiz ngaiz souh daengz bwkhaih, souh daengz cienfanh dwgrengz sinhoj he, caemh dingqri gyoengqde ngaiz goeng guenj hong bwk gyoengqde hwj gangznaek daejdanq gouz gouq, caemh rox gyoengqde dih haemzhoj.

Ok Ngaihgiz 3:10

Seizneix gou baij mwngz bae laeng goengjvuengz Ngaihgiz mwnq bae, dawz gij vunz gou, couh dwg Hijswzlez vunz, dajlwh Ngaihgiz daiq okma.”

Ok Ngaihgiz 5:1

Gajlaeng Mohsih caeuq Yaqlwnz bae laeng goengjvuengz, couh doiq de naeuz: “Yehhozvaz, Hijswzlez dih Cangqdiq, dwg yienghneix naeuz: ‘Coengq gij vunz gou okma, hawj gyoengqde bae daengz rogndoi bae; vih ij baiq gou, gyoengqde ij guh aen ciet he.’”

Ok Ngaihgiz 32:12

Vihmaz ij hawj gij vunz Ngaihgiz luenhlaih naeuz mwngz guqiq daiq gyoengqde ok Ngaihgiz ma, siengj hawj gyoengqde rai youq gwnz bya, hawj gyoengqde rairaeg raicied bae nej? Gouz mwngz gaejyungh aeuqheiq, gaejyungh hawj gyoengqde souh nanh.

Ok Ngaihgiz 32:14

Mohsih yienghneix gouz le, gajlaeng Yehhozvaz couh sim'unq hwj hozroengz mbouj caiq fatheiq, mbouj hawj gij vunz Hijswzlez ngaiz raicied lo.