Ok Ngaihgiz 32:33 - Gij Baujcingq Moq Caeuq Geij Bonj Gij Baujcingq Daeuzdaeuz

³³ Gajlaeng Yehhozvaz doiq Mohsih naeuz: “Bouxlawz daekcoih gou, gou couh daj ndaw bonjbouh gou duz gij coh bouxlawz.

Ok Ngaihgiz 32:33 ပူးပေါင်းရင်းမြစ်များ

Gihduz Hawj Vunz Rox 20:12

Gajlaeng, gou caiq yawjraen miz vunzrai, mboujguenj boux dang ak, cixnaeuz boux mij dang saek yiengh yaqyuij he, cungj ndwn youq dangqnaj aen lungzeij mwnq, caemh raen miz geij gienj saw hoi hwj, caemhcaiq raen miz daixlingh gienj ndaw de sij miz gij coh doengh boux ndaej lix he, dwg bonjbouh miz mingh he; gienj de caemh hoi hwj. Yiengq gij vunz gaenq rai he hih gij vunz neix, Cangqdiq cungj ciuq gyoengqde soj guh hih sij youq ndaw gienj saw hih ma saemjbuenq gyoengqde.

Gihduz Hawj Vunz Rox 13:8

Lajmbwn sojmiz hih vunz, famz dwg daj cauh mbwn cauh deih doxdaeuj hih gij coh mij daengh youq ndaw bonj yiengzlwg ngaiz gaj hih ndaw bonjbouh miz mingh hih vunz, cungj baiq duz de.

Feihlizbij Saw 4:3

Gou caemh gouz caeuq gou guxdoih guh gij hong he lauxsaed he hih mwngz, gouz mwngz bang song boux vunzbaz neix, aenvih song boux de vih cenz ndei siuhsiz hwj caeuq gou itheij guh hong goq, caemh vanzlij caeuq Gwzliqmenj caeuq gizdah caeuq gou doxdoengz itheij guh hong hih guh hong goq, caemh dwg dwgrengz sinhoj goq. Gyoengqde youq ndaw bonjbouh miz mingh cungj daengh miz coh hwj.

Gihduz Hawj Vunz Rox 3:5

Doenghheij ndaej hingz hih vunz couh ij daenj buh bieg. Doenghheij vunz neix, gou gaengjdingq mbouj daj ndaw bonjbouh daengh miz doenghgij coh doengh boux miz mingh he duz bae; mbouj danhcij yienghneix, vanzlij youq dangqnaj daxboh gou caeuq dangqnaj gyoengq cai daxboh gou nginh de dwg gij vunz gou.

Ok Ngaihgiz 17:14

Gajlaeng Yehhozvaz doiq Mohsih naeuz: “Gou ij cawz gij vunz Yaqmajliz liux bae, cawz hawj gyoengqde youq lajmbwn mij Yaqmajliz gij coh neix bae. Gou gangj hih gij vah neix, mwngz ij sij youq ndaw saw hwj geiq roengzma, hoengjlau lumz bae, caemh naeuz Yozcuhyaq ni.”