Ok Ngaihgiz 31:15 - Gij Baujcingq Moq Caeuq Geij Bonj Gij Baujcingq Daeuzdaeuz

¹⁵ Faenhsou miz roek ngoenz ndaej guh hong, hoeng, daixcaet ngoenz dwg ngoenzyietbaeg, dwg ngoenz dwzbez gvi hawj gou he; mbouj ndaej guh hong. Bouxlawz youq ngoenzyietbaeg guh hong hih, couh gaj bouxlawz.

Ok Ngaihgiz 31:15 ပူးပေါင်းရင်းမြစ်များ

Lizsij dih Gaihcij 2:2

Cangqdiq cauh sojmiz hih liux le, daengz ngoenz daixcaet, couh gijmaz cungj mbouj cauh lo.

Ok Ngaihgiz 16:23

Mohsih han doengh boux daeuzdaeuz he naeuz: “Yehhozvaz dwg yienghneix raengq: ‘Ngoenzcog dwg ngoenzyietbaeg, dwg ij souj gou, Yehhozvaz, dih ngoenzyietbaeg. Faenhsou ngoenzneix ij gauj gijmaz hih couh gauj lo, ij cawj gijmaz hih couh cawj lo, loengh ndei hwj diuh daengz ngoenzcog.’”

Ok Ngaihgiz 34:21

“Faenhsou ndaej guh roek ngoenz hong, hoeng, daixcaet ngoenz, faenhsou ij yietbaeg; cungjsuenq naeuz daengz mwh dajndaem dajsou he, caemh ij ciuqyiengh yietbaeg.

Luqgyah Saw 23:56

Gyoengqde raen yienghneix le, couh maj ranz lo, maj ranz cwnjbiq ndei gij yanghliuq caeuq gij gau rang he hwj ij aeu bae hoz haeuj gij seihaiz Yehsuh bae. Hoeng, aenvih gaenq daengz ngoenz ngoenzyietbaeg lo, vih ij soenhsouj Youzdaiq dih fazliz, gyoengqde couh youq ngoenz ngoenzyietbaeg yietbaeg ngoenz he.

Luqgyah Saw 13:14

Vih yienghneix, boux guenj veiqdangz he raen Yehsuh youq ngoenz ngoenzyietbaeg bang vunz yw bingh le, couh hujheiq dengxdengx hwj doiq gyoengq vunz naeuz: “Faenhsou mbouj rox haj? Roek ngoenz ndaej guh hong; youq ndaw roek ngoenz neix, ngoenzngoenz cungj ndaej daeuj yawj bingh. Hoeng caenhgag youq ngoenz ngoenzyietbaeg mbouj ndaej yawj bingh, faenhsou mbouj rox haj!”

Ok Ngaihgiz 35:2

couh dwg faenhsou ndaej guh roek ngoenz hong; ngoenz daixcaet dwg ngoenzyietbaeg, dwg gvi hawj Yehhozvaz guh ngoenz yietbaeg he. Mboujguenj byawz youq ngoenz neix guh hong hih couh ij gajrai byawz.

Ok Ngaihgiz 31:17

Gij neix dwg gou caeuq gij vunz Hijswzlez yungjyenj dih baengzgawq. Aenvih roek ngoenz ndaw de, gou, Yehhozvaz, cauh mbwn cauh deih, daixcaet ngoenz sat hong yietbaeg lo.’”

Hihbwzlaiz Saw 4:9

Sojhij, ciuq yienghneix ma yawj, gaengjdingq miz daixlingh ngoenzyietbaeg Cangqdiq cwnjbiq hawj gij vunz de yietbaeg he.

Ok Ngaihgiz 31:14

Faenhsou bietdingh ij soenhsouj ngoenzyietbaeg. Bouxlawz mbouj dawz haeuj rwz ngoenzyietbaeg, yawj mbouj hwnj ngoenzyietbaeg nex, couh gaj bouxlawz. Bouxlawz youq ngoenzyietbaeg vanzlij guh hong hih, couh mbouj suenq dwg gij vunz gou lo.

Ok Ngaihgiz 16:26

Youq roek ngoenz ndaw de, faenhsou cungj nyaeb ndaej gij gw. Caenhgag ngoenz daixcaet, gijmaz doxgw cungj mij miz ndaej nyaeb, aenvih ngoenz neix dwg ngoenzyietbaeg.”

Ok Ngaihgiz 23:12

“Mwngz moix it aen singhgiz ndaej lienzdaemh guh roek ngoenz hong. Daengz daixcaet ngoenz, mbouj ndaej guh hong lo; ij hawj gij hoiq ndaw ranz mwngz daiqlienz gij lwg hoiq vunzbaz mwnq caeuq daj lingh aen minzcuz goq daeuj guh hong hih ndaej yietbaeg, caeuq ndaej hawj doengh duz cwz hah, lawz hah yietbaeg.

Ok Ngaihgiz 31:16

Sojhij, gij vunz Hijswzlez seiqseiq daihdaih cungj ij soenhsouj gou dingh hawj gyoengqde dih ngoenzyietbaeg.

Ok Ngaihgiz 35:3

Youq ngoenz ngoenzyietbaeg, mboujguenj youq ndaw ranz bonjfaenh cixnaeuz youq mwnqlawz cungj mbouj ndaej hoi feiz caux feiz.”