Ok Ngaihgiz 28:41 - Gij Baujcingq Moq Caeuq Geij Bonj Gij Baujcingq Daeuzdaeuz

⁴¹ Mwngz ij hawj daeggo mwngz caeuq doengh daeglwg de daenj doenghgij buh neix, caeuq boiq duk raeuj hah, sairwet hah, caemh raix youz rang hwnj gwnz dingjraeuj gyoengqde hawj gyoengqde gaglingh okdaeuj gvi hawj gou, laeb gyoengqde guh goengjsae dajbwiz he daeuj swqhaeuh gou.

Ok Ngaihgiz 28:41 ပူးပေါင်းရင်းမြစ်များ

Ok Ngaihgiz 29:7

Daenj doenghgij neix ndaej le, caiq aeu youz rang ma raix hwnj gwnz dingjraeuj de bae, laeb de guh goengjsae dajbwiz he.

Ok Ngaihgiz 40:15

caemh luj raix youz haeuj laeng daxboh gyoengqde bae hih yienghmwnq, raix youz hawj gyoengqde, hawj gyoengqde caeuq doengh daih gajlaeng de cungj dwg guh goengjsae dajbwiz hwj daeuj swqhaeuh gou.”

Ok Ngaihgiz 29:9

gyaeb sairwet, duk raeuj. Yiengq, Yaqlwnz caeuq doengh daeglwg de couh ciuq yungjyenj mbouj bienq dih gveihdingq guh goengjsae dajbwiz he daeuj swqhaeuh gou.

Hihbwzlaiz Saw 7:28

Ciuq fazliz ma laeb hih goengjsae dajbwiz daeuzdaeuz cungj dwg mij banqfaz mbouj famh coih hih. Hoeng, gajlaeng Cangqdiq fazsiq hawj daeglwg de guh goengjsae dajbwiz daeuzdaeuz hih dauq dwg yungjyenj ndei liuxliux hih.

Yozhanq It 2:27

Hoeng gangj daengz faenhsou, Yehsuh gaenq dawz Hoenzsaenz Cangqdiq nyok hawj faenhsou lo, hawj de doz youq gwnz ndang faenhsou; sojhij faenhsou couh mboujyungh hawj vunz son faenhsou lo, aenvih de dawz sojmiz hih saeh cungj son faenhsou, caemh cungj dwg son gij saedsaeh he, mbouj dwg son gij gyaj he. Sojhij faenhsou couh ij ciuq de son, siengzseiz gaen de.

Yozhanq It 2:20

Faenhsou gaenq ndaej Gihduz soengq hawj hih Hoenzsaenz Cangqdiq lo, sojhij, faenhsou cungj rox gij saedsaeh de.

Hihbwzlaiz Saw 5:4

Mij'z vunz naeuz ndaej gag siengj guh goengjsae dajbwiz daeuzdaeuz gij hong najrongh neix couh ndaej guh hih, cawzok luj Yaqlwnz yienghneix dwg Cangqdiq senjlaeb he cij ndaej he.

Yozhanq Saw 3:34

Boux Cangqdiq baij daeuj mwnq gangj hih cungj dwg gij vah Cangqdiq, aenvih Cangqdiq dawz gij Hoenzsaenz bonjfaenh de haijliengh hih nyok hawj de.

Ok Ngaihgiz 29:35

“Mwngz ij ciuq gou raengq mwngz hih yienghmwnq bae bang Yaqlwnz caeuq doengh daeglwg de guh doenghgij saeh neix, couh dwg laeb gyoengqde guh goengjsae dajbwiz dih hong, ij bijlienz guh caet ngoenz.

Ok Ngaihgiz 29:24

aeu doenghgij neix hawj Yaqlwnz caeuq doengh daeglwg de aeu ma youq dangqnaj gou, Yehhozvaz, vad hwj dajbwiz.

Ok Ngaihgiz 28:4

Raengq gyoengqde guh baj baiz venj youq aen aek he, caemh nyib hijfuzdwz, caeuq diuz bauz baixrog hah, diuz bauz baixndaw boiqsez he hah, boiq duk raeuj hah, sairwet hah. Gyoengqde ij nyib doenghgij neix hawj daeggo mwngz caeuq doengh daeglwg de daenj, hawj gyoengqde cenmonz guh boux bang vunz dajbwiz he daeuj swqhaeuh gou.

Ok Ngaihgiz 28:1

“Mwngz ij daj ndaw gij vunz Hijswzlez ndaw de senj aeu daeggo mwngz Yaqlwnz caeuq doengh daeglwg de Nazdaz hah, Yaqbijhuq hah, Hijliqyaqsaj hah, caeuq Hijdahmaj hah okdaeuj, laeb gyoengqde guh goengjsae dajbwiz hwj daeuj swqhaeuh gou.

Ok Ngaihgiz 40:13

Mwngz caemh ij bang Yaqlwnz daenj diuz buh mwh daeuj swqhaeuh gou cij ndaej daenj hih diuz buh mwnq, caiq raix youz rang haeuj laeng de bae, hawj de gaglingh okdaeuj guh goengjsae dajbwiz daeuj swqhaeuh gou he.

Ok Ngaihgiz 30:35

ma gyaux hwj, caiq gya gyu haem, ciuq guh yanghceij yienghmwnq boiqfap ma guh gij yieng cenmonz hawj gou yungh he.