Ok Ngaihgiz 24:13 - Gij Baujcingq Moq Caeuq Geij Bonj Gij Baujcingq Daeuzdaeuz

^13-14 Yiengq, Mohsih couh raengq gij vunz Hijswzlez gangj vah couh baenz he, naeuz: “Faenhsou youq dineix daengj gou ma. Dineix miz Yaqlwnz caeuq Huqwj caeuq faenhsou youq; hauhnaeuz beksingq miz maz saeh doxcwngq doxceng hih, couh bae cimh song boux de bax.” 13Gangj sat le, de couh caeuq Yozcuhyaq, boux gaen henz ndang de bang de he hwnj bya Cangqdiq bae lo.

Ok Ngaihgiz 24:13 ပူးပေါင်းရင်းမြစ်များ

Ok Ngaihgiz 33:11

Yehhozvaz caeuq Mohsih gangj vah cungj dwg naj doiq naj hwj gangj he, caenh lujnaeuz caeuq baengzyoux gangj vah yienghmwnq. Yiengq Mohsih moix it mbat dauq ma ndaw yingz, boux hauxseng bang de Yozcuhyaq, daeglwg Naenq, de cungj dwg vanzlij youq ndaw cangqbungz neix.

Ok Ngaihgiz 3:1

Mwhde, Mohsih dwg bang goeng boxda de, couh dwg Mijdenq hih goengjsae dajbwiz he heuh Yezdwzloz, bang de ciengx yiengz. (Yezdwzloz caemh heuh Liuzwj.) Miz ngoenz he, de duq gyoengq yiengz bae gyae'gyae, byaij goq aen ndoi he bae daengz aen bya Cangqdiq, couh dwg bya Hozlez, ciengx. (Bya Hozlez caemh heuh bya Sihnaiq.)

Ok Ngaihgiz 32:17

Mwh de roengz bya ma hih mwhde, Yozcuhyaq baex dingqri gyoengq vunz hemq yuxyux he, couh doiq Mohsih naeuz: “Youq ndaw yingz miz sing doxhoenx.”

Ok Ngaihgiz 4:27

Mwhde, Yehhozvaz caemh doiq Yaqlwnz naeuz: “Mwngz bae rogndoi bae ciep Mohsih bax.” Yiengq de couh bae gwnz bya Cangqdiq, couh dwg bya Hozlez, ciep Mohsih lo, caemhcaiq got de.

Ok Ngaihgiz 18:5

Yezdwzloz daiq mehyah Mohsih caeuq song daeglwg de bae daengz aen bya Cangqdiq, couh dwg Mohsih youq aen ndoi cap yingz youq hih mwnq.

Ok Ngaihgiz 19:3

Gajlaeng Mohsih hwnj bya bae cimh Yehhozvaz Cangqdiq. Yiengq Yehhozvaz daj gwnz bya heuh de naeuz: “Mwngz ij yienghneix naeuz gij vunz Hijswzlez ni, naeuz: