Ok Ngaihgiz 23:21 - Gij Baujcingq Moq Caeuq Geij Bonj Gij Baujcingq Daeuzdaeuz

²¹ De dwg hij gij mingzhiq gou daeuj he; faenhsou ij soenhcungq de, ij dingq gij vah de, mbouj ndaej nga'ngangq goq lingh gok bae, aenvih de mbouj nyiuz gij coih faenhsou law.

Ok Ngaihgiz 23:21 ပူးပေါင်းရင်းမြစ်များ

Hihbwzlaiz Saw 12:25

Faenhsou bietdingh ijaeu siujsim, baenzbaenz mbouj ndaej yiem Cangqdiq soj gangj hih vah, aenvih doenghbaez Cangqdiq hawj Mohsih gingjgauq gij vunz Hijswzlez, hoeng, gij vunz Hijswzlez mbouj dingq Mohsih, gajlaeng vanzlij ngaiz deuz mbouj ok fad. Sojhij, hauhnaeuz gyoengqraeuz mbouj dingq boux daj gwnzmbwn gingjgauq gyoengqraeuz hih nex, gyoengqraeuz mbouj engqgya deuz mbouj ok ngaiz de fad lo maz?

Yozhanq Saw 10:38

Hoeng, hauhnaeuz gou dwg guh gij saeh daxboh gou nex, cungjsuenq naeuz faenhsou mbouj sinq gou hwjx, caemh wnggai sinq gou soj guh hih saeh haj. Yienghneix faenhsou couh rox cingsuj, gou caeuq daxboh dwg dangq boux he; daxboh caeuq gou caemh dwg dangq boux he.”

Yozhanq Saw 10:30

Gou caeuq boh caemhdangq dwg boux he.”

Ok Ngaihgiz 3:14

Yiengq Cangqdiq han naeuz: “Gou couh dwg boux gag miz seiqseiz miz he.” De caiq doiq Mohsih naeuz: “Mwngz ij yienghneix doiq gij vunz Hijswzlez naeuz: ‘Boux gag miz mwnq baij gou daeuj laeng faenhsou dineix lah.’”

Gohlozsih Saw 2:9

Aenvih Gihduz gannaeuz dwg miz vunz dih ndangnoh lah, hoeng, de dauq dwg cibcukcib dih Cangqdiq.

Hijfuzsoj Saw 4:30

Mbouj ndaej hawj Hoenzsaenz Cangqdiq siengsim, aenvih gij Hoenzsaenz neix dwg cingqmingz faenhsou dwg gvi haeuj Cangqdiq he; Cangqdiq nyok Hoenzsaenz hawj faenhsou, couh dwg cingqmingz Cangqdiq ij youq hab hih mwhde cueg faenhsou he.

Yozhanq Saw 5:23

hawj vunz soenhgingq daeglwg de caemh luj soenhgingq boh ityiengh. Mbouj soenhgingq lwg hih, caemh mbouj soenhgingq baij daeglwg de daeuj hih boh lo.”

Ok Ngaihgiz 32:34

Mwngz seizneix bae daiq gyoengq vunz bae mwnq gou naeuz mwngz ni hih mwnq dieg mwnq bae; miz bouxcai gou youq dangqnaj faenhsou daiq roen. Cijmboujgoq, cungj veiq miz ngoenz he, gou ij fad gyoengqde.”

Ok Ngaihgiz 6:3

Gou doenghbaez yienh hawj Yaqbwzlahhanj, Hijsaj caeuq Yajgoz raen hih cungj dwg akak rengzrengz gaiqgaiq cungj ndaej guh daengz dih Cangqdiq, hoeng, gij coh Yehhozvaz gou, gou cungj mij hawj gyoengqde rox goq.

Gihduz Hawj Vunz Rox 2:23

Mbouj danhcij naeuz yienghneix, gou vanzlij ij gaj doenghheij vunz gaen de he, yienghmwnq couh ndaej hawj gyauqveiq rox gou dwg boux yawj vunz cingx goq gingq bohliz bae he, caemh dwg ij ciuq faenhsou gak vunz soj guh hih ma bauqwngq hawj gak vunz he.

Gihduz Hawj Vunz Rox 2:8

Boux de vanzlij caiq naeuz: “Mwngz caemh ij sij saenq hawj bouxcai Swqmeijnaz gyauqveiq; mwngz ij yienghneix sij naeuz: Boux gaihcij caeuq gatsat caemh dwg rai le dauqlix he yienghneix naeuz:

Gihduz Hawj Vunz Rox 1:8

Bouxcawj raeuz Cangqdiq naeuz: “Gou dwg Ahlahfaz, gou dwg Ngozmeizgyaz; gou dwg boux gaxgonq seizneix baezneix yungjyenj miz dih akak rengzrengz gaiqgaiq cungj ndaej guh daengz dih Cangqdiq.”

Gihduz Hawj Vunz Rox 3:7

Boux de vanzlij caiq naeuz: “Mwngz ij sij saenq hawj bouxcai Feihlahdezfeih gyauqveiq; mwngz ij yienghneix sij naeuz: Boux gvi haeuj Cangqdiq, sinq ndaej goq he, dawz gij seiz Daqveiq goengjvuengz neix he, caemh hoi dou le mij'z vunz ndaej haep he, haep le caemh mij'z vunz ndaej hoi he hih boux mwnq naeuz:

Yozhanq It 5:16

Hauhnaeuz miz vunz raen beixnuengx famh coih mbouj daeng hab rai hih, couh ij bang de gouz Cangqdiq, Cangqdiq couh nyok mingh hawj boux de; hoeng doenghheij famh coih daeng hab rai hih, faenhsou couh mboujyungh vih de hwj gouz Cangqdiq lo.

Hihbwzlaiz Saw 3:16

Faenhsou wnggai rox, mbouj dingq gij vah Cangqdiq, yex de fatheiq hih dwg byawz nej? Mbouj dwg doenghheij Mohsih daj Ngaihgiz daiq okma hih vunz maz?

Majdaiq Saw 17:5

Bijdwz gangj doenghgij vah neix hih mwhde, miz ndaek vangq fwj rongh sagsag he daeuj guem gyoengqde. Ndaw fwj ndaw de caemh miz sing gangj naeuz: “Boux neix dwg daeglwg gou, dwg gou aiq dih lwg; de hawj gou roxnginh hab'eiq habhoz he. Faenhsou ijaeu dingq gij vah de.”

Majdaiq Saw 1:23

Gaengjdingq ij miz lwgsau mijyaengz caeuq vunzsai ninz goq haem couh miz lwg lo. Gij vunz ij heuh laeq lwg neix heuh Hijmajneiqliq hih gawq vah neix lo. (‘Hijmajneiqliq’ couh dwg ‘Cangqdiq caeuq raeuz youq’ dih iqswh.)