Ok Ngaihgiz 23:12 - Gij Baujcingq Moq Caeuq Geij Bonj Gij Baujcingq Daeuzdaeuz

¹² “Mwngz moix it aen singhgiz ndaej lienzdaemh guh roek ngoenz hong. Daengz daixcaet ngoenz, mbouj ndaej guh hong lo; ij hawj gij hoiq ndaw ranz mwngz daiqlienz gij lwg hoiq vunzbaz mwnq caeuq daj lingh aen minzcuz goq daeuj guh hong hih ndaej yietbaeg, caeuq ndaej hawj doengh duz cwz hah, lawz hah yietbaeg.

Ok Ngaihgiz 23:12 ပူးပေါင်းရင်းမြစ်များ

Luqgyah Saw 13:14

Vih yienghneix, boux guenj veiqdangz he raen Yehsuh youq ngoenz ngoenzyietbaeg bang vunz yw bingh le, couh hujheiq dengxdengx hwj doiq gyoengq vunz naeuz: “Faenhsou mbouj rox haj? Roek ngoenz ndaej guh hong; youq ndaw roek ngoenz neix, ngoenzngoenz cungj ndaej daeuj yawj bingh. Hoeng caenhgag youq ngoenz ngoenzyietbaeg mbouj ndaej yawj bingh, faenhsou mbouj rox haj!”

Ok Ngaihgiz 35:3

Youq ngoenz ngoenzyietbaeg, mboujguenj youq ndaw ranz bonjfaenh cixnaeuz youq mwnqlawz cungj mbouj ndaej hoi feiz caux feiz.”

Ok Ngaihgiz 34:21

“Faenhsou ndaej guh roek ngoenz hong, hoeng, daixcaet ngoenz, faenhsou ij yietbaeg; cungjsuenq naeuz daengz mwh dajndaem dajsou he, caemh ij ciuqyiengh yietbaeg.

Majgoj Saw 2:27

Yehsuh yienghneix naeuz le, vanzlij naeuz: “Ngoenz ngoenzyietbaeg dwg laeb hawj vunz hih lah, mbouj dwg vunz laeb hawj ngoenz ngoenzyietbaeg law.

Ok Ngaihgiz 16:23

Mohsih han doengh boux daeuzdaeuz he naeuz: “Yehhozvaz dwg yienghneix raengq: ‘Ngoenzcog dwg ngoenzyietbaeg, dwg ij souj gou, Yehhozvaz, dih ngoenzyietbaeg. Faenhsou ngoenzneix ij gauj gijmaz hih couh gauj lo, ij cawj gijmaz hih couh cawj lo, loengh ndei hwj diuh daengz ngoenzcog.’”

Ok Ngaihgiz 23:11

Hoeng, daengz daixcaet bi, mbouj ndaej geng, mbouj ndaej ndaem; ij diuh vangh. Ndaw reih soj hwnj hih doenghgo, mwngz mbouj ndaej sou aeu, ndaej hawj gij vunz gungz nyaeb aeu; lij lw hih yiengh hawj doengh duz nyaen gw. Doenghheij suen buzdauz, suen makmbi mwngz hah caemh ciuq yienghneix guh.

Ok Ngaihgiz 35:2

couh dwg faenhsou ndaej guh roek ngoenz hong; ngoenz daixcaet dwg ngoenzyietbaeg, dwg gvi hawj Yehhozvaz guh ngoenz yietbaeg he. Mboujguenj byawz youq ngoenz neix guh hong hih couh ij gajrai byawz.