Ok Ngaihgiz 20:17 - Gij Baujcingq Moq Caeuq Geij Bonj Gij Baujcingq Daeuzdaeuz

¹⁷ Mbouj ndaej dam aeu gij gyadangq vunz, caemh mbouj ndaej loeglienh mehyah vunz hah, bouxhoiq vunz hah, cwz hah, lawz hah, caeuq gak cungj doxgaiq.”

Ok Ngaihgiz 20:17 ပူးပေါင်းရင်းမြစ်များ

Lozmaj Saw 13:9

Fazliz gveihdingq: “Mbouj ndaej guhyoux, mbouj ndaej gaj vunz, mbouj ndaej guxcaeg, mbouj ndaej damsim,” mboujguenj miz gijmaz gveihdingq, sojmiz hih, caenh miz gawq dog, couh dwg “Aiq vunz ij luj aiq bonjfaenh,”

Luqgyah Saw 12:15

De yienghneix han boux de le, couh doiq gyoengq vunz naeuz: “Faenhsou ij siujsim, mbouj wnggai damsim, aenvih mboujguenj guxmaz vunz, cungjsuenq naeuz boux de cienfanh fouq cienfanh miz he, hoeng caemh mbouj ndaej aeu gij saizcanj de ma rau diuz mingh bonjfaenh.”

Hihbwzlaiz Saw 13:5

Faenhsou caemh mbouj ndaej dam cienzcaiz; ij wnggai doiq bonjfaenh soj miz hih rox gaeuq, aenvih Cangqdiq naeuz goq naeuz: Gou yungjyenj mbouj liz faenhsou vwt faenhsou.

Gohlozsih Saw 3:5

Sojhij, faenhsou bietdingh ij cawz youq gwnz ndang faenhsou haeuj aen seiqgyaiq neix hih guh ndaeng guh ndwet, yalw, siengj gij doegsieb he, caeuq damsim he (damsim couh dangq dwg baiq you),

Hijfuzsoj Saw 5:5

aenvih faenhsou cingqcaen rox, guh doenghgij ndaengndwet, doenghgij hawj vunz roxnginh saetnaj saetnyaenq, damsim he (damsim couh dangq dwg baiq you) gaengjdingq mbouj ndaej guh gij vunz Gihduz caeuq guh gij vunz Cangqdiq.

Lozmaj Saw 7:7

Yiengq, ciuq luj yienghneix, gyoengqraeuz couh naeuz Mohsih fazliz miz coih lo mah? Gaengjdingq mbouj dwg, aenvih mbouj miz Mohsih fazliz, gyoengqraeuz couh mbouj rox gijmaz dwg coih lo. Hauhnaeuz Mohsih fazliz mbouj naeuz: “Mbouj ndaej damsim,” yiengq gou couh mbouj rox gijmaz dwg damsim lo.

Hijfuzsoj Saw 5:3

Hoeng, doenghgij ndaengndwet, doenghgij hawj vunz roxnginh saetnaj saetnyaenq, damsim hih, faenhsou cungj mbouj ndaej guh; mbouj danhcij naeuz mbouj ndaej guh, daiqlienz gij saeh hawj vunz ngeiz he faenhsou cungj mbouj ndaej guh. Yienghneix cij hab ndaej guh gij vunz Cangqdiq.

Majdaiq Saw 5:28

Gou naeuz sou ni, mboujguenj byawz raen vunzbaz couh ijsiengj caeuq de hih, yiengq de caemhdangq gaenq caeuq de guhyoux lo.

Gohlimzdoh It 6:10

guxcaeg cixnaeuz damsim, gw laeuj fiz cixnaeuz yug vunz, coemx vunz aeu doxgaiq, cungj mbouj ndaej gaep haeuj guek Cangqdiq.

Geiq Dwzbaijyienz 20:33

“Gou coengzlaiz mbouj muengh ndaej gij cienzcaiz caeuq gij doxgaiq vunz goq.

Geiq Dwzbaijyienz 5:4

Mijyaengz hai reih mwhde, gij reih mbouj dwg gij reih mwngz maz? Hai le, gij ngaenz caemh mbouj dwg gij ngaenz mwngz maz? Vihmaz ij guh gij mazmboujmwnh neix nej? Mwngz yienghneix guh mbouj dwg coemx vunz nej, dwg coemx Cangqdiq lah.”

Luqgyah Saw 16:14

Yiengq, doengh boux raen ngaenz mbouj ndaej ok ra hih doengh boux gaep haeuj Fazliqcaiq baij he dingqri le, couh aeu ndaeng ma riu Yehsuh.

Majdaiq Saw 20:15

Nanzdauh gou mij'z gienz yungh gij ngaenz gou haj? Gou doiq vunz haijliengh, mwngz couh rahoengz mah?’”

Lizsij dih Gaihcij 3:6

Yiengq, boux vunzbaz mwnq caemh raen gij mak gwnz go faex mwnq cix ndeiyawj, caemhcix lujnaeuz ndei gw raixcaix nwih, youhcaiq ndaej hawj vunz rox faenbied ndei caeuq yak he. De couh gig hozgyaez, couh mbaet roengzma gw. De caemh mbaet hawj goeng de gw; goeng de caemh gw lo. (Mwhde goeng de caemh youq henz de.)

Feihlizbij Saw 3:19

Gou naeuz doengh cungj vunz neix, gyoengqde cungj dwg yawjnaek aen dungx bonjfaenh, yawj aen dungx bonjfaenh dangq caencwnz, dawz saetnaj saetnyaenq ma dangq najrongh, siengj hih cungj dwg aen seiqgyaiq neix hih saeh. Gyoengqde baezneix gaengjdingq ij ngaiz satsoq.

Lizsij dih Gaihcij 34:23

Gyoengqraeuz dungziq bax! Dungziq le, gyoengqde couh caeuq gyoengqraeuz doxcaeuq youq lo. Yiengq daengz mwhde, gij gyadangq gyoengqde hah, doenghduz hah, mijyaengz cenznaengz cungj dwg gij raeuz liux haz?”

Lizsij dih Gaihcij 14:23

famz dwg gij doxgaiq mwngz hih, mboujguenj dwg diuz mae cix ndaej, diuz caghaiz he cix ndaej, gou cungj mbouj aeu. [24]Caenhgag cawzok gij vunzhoiq gou gaenq gw roengzbae hih mij ndaej boiz mwngz, caeuq caeuq gou daeuj hih Yaqnaij hah, Hijsizgoz hah, Manqliq hah doengh boux neix wnggai ndaej hih, gou cungj mbouj aeu saek gaiq, [23b]mienxndaej baezneix mwngz naeuz: ‘Dwg gou hawj Yaqbwzlanz fouq lah!’”