Ok Ngaihgiz 19:16 - Gij Baujcingq Moq Caeuq Geij Bonj Gij Baujcingq Daeuzdaeuz

¹⁶ Couh yienghneix, daengz daixsam ngoenz dih doengxhaet daihcaeux, gwnz bya byajmyig, byajraez, gij fwj fan foedfoed, gij sing gywnhhauh mwnq yiengj gog saxsax. Gij vunz ndaw cangqbungz dingq le, cungj lau hwj saenz dedded liux.

Ok Ngaihgiz 19:16 ပူးပေါင်းရင်းမြစ်များ

Gihduz Hawj Vunz Rox 4:1

Boux de gangj sat doenghgij vah neix le, gajlaeng gou caiq yawjraen gwnzmbwn miz aen dou he hoi hwj. Gaxgonq gou dingqri goq hih gij sing gog saxsax luj boq gywnhhauh mwnq caiq doiq gou naeuz: “Mwngz hwnj dineix daeuj; gou ij naeuz mwngz ni baezneix gaengjdingq ij fatseng hih saeh.”

Hihbwzlaiz Saw 12:21

Mwhde yawj hwj yungyiemj raixcaix; daiqlienz Mohsih cungj lau hwj naeuz: “Gou lau hwj dungxmbouq ndangsaenz dedded bae.”

Gihduz Hawj Vunz Rox 11:19

Couh youq mwh gyoengqde yienghneix haenh naeuz hih mwhde, aen cangqbungz gwnzmbwn Cangqdiq fungh baixndaw hoi lo; aen gvih coengq miz baengzgawq ndaw cangqbungz mwnq yienh sagsag lo. Gajlaeng, couh miz byajmyig byajraez byagcaej, miz sing yiengj rumxrumx, cix miz deihdoengh.

Gihduz Hawj Vunz Rox 8:5

Gajlaeng bouxcai Cangqdiq dawz aen luz diemj yieng coux rim gij feiz ndaw luz coemh hwj dajbwiz hwj couh raix roengz lajmbwn bae. De baex raix roengzbae he couh doq miz byajmyig byajraez, miz sing yiengj rumxrumx, caeuq deihdoengh.

Gihduz Hawj Vunz Rox 4:5

Aen lungzeij mwnq miz byajmyig byajraez, miz sing yiengj rumxrumx. Dangqnaj aen lungzeij mwnq diemj miz caet aen daeng; caet aen daeng neix couh dwg caet gij Hoenzsaenz Cangqdiq.

Ok Ngaihgiz 20:18

Yiengq, caiq dauq gangj daengz gij vunz Hijswzlez youq laj dinbya, gyoengqde dingqri sing byajraez, gij sing gywnhhauh yiengj raez rangxrangh mwnq, caeuq raen byajmyig, raen gwnz bya hoenz ngaujngauq le, cungj lau hwj ndwn youq gyae'gyae, ndang saenz dedded liux.

Ok Ngaihgiz 19:9

Hoeng, Yehhozvaz youhcaiq doiq Mohsih naeuz: “Gou ij roengz bae laeng mwngz; gou roengz bae hih mwhde, dwg youq ndaw fwj ndaw de hih, dwg ij hawj gij vunz Hijswzlez dingqri gou caeuq mwngz gangj vah, yienghneix hawj gyoengqde baezneix yungjyenj sinq mwngz.” Yehhozvaz yienghneix gangj sat le, Mohsih couh dawz gyoengq vunz gangj hih vah gangj naeuz Yehhozvaz ni.

Ok Ngaihgiz 9:23

Mohsih caemh ciuq Yehhozvaz gangj hih yienghmwnq bae guh, yinx diuz faexbien hwnj gwnzmbwn bae. Yehhozvaz couh hawj byajmyig, byajraez, byajcek caeuq byagcaej doek roengzma, doek roengz Ngaihgiz sojmiz dih dieg.

Gihduz Hawj Vunz Rox 1:10

Miz ngoenzsinghgiz he, Hoenzsaenz Cangqdiq doz youq gwnz ndang gou, hawj gou ndaej dingqri baixlaeng gou caenh lujnaeuz boq gywnhhauh yienghmwnq gog saxsax doiq gou naeuz:

Ok Ngaihgiz 40:34

Doenghgij hong neix guh sat mwhde, miz fwj daeuj guem aen cangqbungz caeuq Cangqdiq doxraen he. Gij ronghndongq Yehhozvaz rongh youq ndaw de myig myiengzmyiengz.

Majdaiq Saw 24:31

Daengz mwhmwnq, gou couh hawj miz sing boq gywnhhauh yiengj, couh baij bouxcai gou bae daengz ciqgyaiq gak dieg bae heuh doenghgij vunz gou senj okdaeuj he daeuj doxcomz.”

Ok Ngaihgiz 19:11

Daengz ngoenzrawz ij cwnjbiq ndei, aenvih ngoenz mwnq, gou, Yehhozvaz, ij daj gwnzmbwn roengz bya Sihnaiq ma hawj vunzlai raen.

Ok Ngaihgiz 19:15

Mohsih doiq gyoengqde naeuz: “Daengz daixsam ngoenz ij cwnjbiq ndei, caemh mbouj ndaej dep vunzbaz.”

Ok Ngaihgiz 19:17

Yiengq Mohsih couh daiq gyoengq vunz okdaeuj daengz laj dinbya cimh Cangqdiq.

Ok Ngaihgiz 20:21

Hoeng, gyoengq vunz vanzlij dwg ndwn youq gyae'gyae he; caenhgag Mohsih byaij bae gaenh gij fwj Cangqdiq youq he mwnq lah.