Ok Ngaihgiz 18:21 - Gij Baujcingq Moq Caeuq Geij Bonj Gij Baujcingq Daeuzdaeuz

²¹ Cawz yienghneix, mwngz caemh ij dajlaeng gyoengq vunz ndaw de genj aeu doengh boux coengjmingz caemh caixhangz he, caemh dwg yawjnaek Cangqdiq, lauxsaed, vunz oet cienz caemh mbouj aeu he hih vunz ma guenj gij vunz Hijswzlez; moix it cien vunz ij miz boux he dungjguenj, cien vunz ndaw de caemh faen bak boux, hajcib boux, cib boux, caemh miz vunz guenj.

Ok Ngaihgiz 18:21 ပူးပေါင်းရင်းမြစ်များ

Geiq Dwzbaijyienz 6:3

Sojhij gak boux beixnuengx hax, faenhsou vanzlij dwg daj ndaw faenhsou senj aeu caet boux faenhsou rox de miz Hoenzsaenz Cangqdiq doz youq gwnz ndang he, caemh rox de coengjmingz rox faenbied ndei caeuq yak he okdaeuj, hawj gyoengqraeuz baij gyoengqde guenj doenghgij saeh saepsoiq neix.

Dizmohdaiq It 3:3

mbouj gw laeuj fiz he, mbouj haenj doxdub doxceng he, soh semxsemh he, mbouj dam cienzcaiz he,

Ok Ngaihgiz 18:25

Mohsih couh dajlaeng gyoengq vunz Hijswzlez genj aeu boux coengjmingz caixhangz he, hawj gyoengqde guh cien vunz, bak vunz, hajcib vunz caeuq cib vunz hih boux dang daeuz he.

Lizsij dih Gaihcij 22:12

Bouxcai naeuz: “Mwngz mbouj ndaej doengh fawz gaj daeglwg mwngz. Seizneix gou rox mwngz dwg boux dingq gij vah Cangqdiq caeuq sinq Cangqdiq he hih vunz lo, aenvih mwngz daiq daeglwg dog mwngz cungj sijndaej aeu hawj de.”

Geiq Dwzbaijyienz 20:33

“Gou coengzlaiz mbouj muengh ndaej gij cienzcaiz caeuq gij doxgaiq vunz goq.

Lizsij dih Gaihcij 42:18

Daengz daixsam ngoenz le, Yozswz doiq gyoengqde naeuz: “Gou dwg boux gingqcungh Cangqdiq he; hauhnaeuz faenhsou ciuq gij vah gou bae guh nex, gou couh nyiuz faenhsou, mbouj aeu gij mingh faenhsou.

Luqgyah Saw 18:4

“Hoeng, goeng fazguenh mwnq itcig cungj mbouj dawz haeuj rwz gij saeh de. Gajlaeng caez le, goeng de couh gag naemj: ‘Yax, gannaeuz gou mbouj lau Cangqdiq caemh yawj vunz mbouj hwnj rwz lah,

Luqgyah Saw 18:2

De naeuz: “Miz aen singz he, ndaw singz mwnq miz boux dang fazguenh he; boux de mbouj lau Cangqdiq, cixcaemh yawj vunz mbouj hwnj rwz.

Lizsij dih Gaihcij 47:6

Gij dieg Ngaihgiz couh youq dangqnaj mwngz. Youzcaih mwngz genj, genj mwnq dieg ceiq ndei hih hawj gyoengqde cungj ndaej; gyoengqde ij youq dieg Gohsanh youq caemh ndaej. Hauhnaeuz mwngz rox naeuz gyoengqde miz byawz caixhangz hih, couh baij byawz daeuj guenj gij doenghduz cukseng gou.”

Ok Ngaihgiz 17:9

Yiengq, Mohsih doiq Yozcuhyaq naeuz: “Mwngz genj vunz okdaeuj, cwnjbiq caeuq gij vunz Yaqmajliz doxhoenx. Ngoenzcog gou ij dawz diuz faexbien Cangqdiq hwj ndwn youq gwnz dingjbya yawj.”