Lizsij dih Gaihcij 5:1 - Gij Baujcingq Moq Caeuq Geij Bonj Gij Baujcingq Daeuzdaeuz

¹ Laj neix dwg Yaqdangh hih doengh daih gajlaeng. Cangqdiq cauh vunz mwhde, dwg cauh luj bonjfaenh de he.

Lizsij dih Gaihcij 5:1 ပူးပေါင်းရင်းမြစ်များ

Hijfuzsoj Saw 4:24

caemh ij guh vunz moq, luj daenj buh moq; boux vunz moq neix dwg Cangqdiq ciuq gij saeksiengq bonjfaenh de ma cauh he, hawj boux de youq ndaw lwgra de suenq dwg boux mij'z coih he, ndaej ciuq gij saedsaeh de ma guh gij vunz de he.

Gohlozsih Saw 3:10

gaenq guh boux vunz moq he luj daenj buh moq yienghmwnq lo. Boux vunz moq neix yied ndaej gaijbienq luj boux cauh de he, couh yied rox boux cauh de he.

Hihbwzlaiz Saw 1:3

Caemh dwg daeglwg de ndaej yienh ok Cangqdiq dih najrongh caeuq veijdaq, caemh ndaej yienh ok Cangqdiq bonjfaenh de sojmiz hih. De yungh gij akak rengzrengz bonjfaenh de daiq miz rengz hih vah ma cangjguenj sojmiz hih. De cawz coih le, couh naengh youq gwnzmbwn baixgvaz gienz akak rengzrengz dih Cangqdiq.

Hihbwzlaiz Saw 12:9

Gangj daengz gyoengqraeuz, boh seng ciengx gyoengqraeuz, guenjgyauq gyoengqraeuz, gyoengqraeuz vanzlij rox soenhgingq de hwx; gangjnaeuz dwg daxboh hoenzsaenz raeuz, gyoengqraeuz mbouj engqgya ij soenhgingq de haz? Yienghneix gyoengqraeuz mbouj engqgya ndaej miz mingh haz?

Gohlimzdoh Ngeih 3:18

Yiengq, giqyienz gyoengqraeuz daixgya cungj mbouj goemq naj lo, yienghneix couh ndaej hawj vunz yawjraen gyoengqraeuz luj aen gingq yienghmwnq yienh ok gij rongh bouxcawj raeuz. Hoenzsaenz Cangqdiq bouxcawj raeuz caemh hawj gyoengqraeuz ndaej bienqbaenz yied ngoenz yied ndaej luj de yienghmwnq rongh sagsag lo.

Gohlimzdoh It 11:7

Yiengq caiq gangj daengz vunzsai gouzhaenh cixnaeuz cenz gij vah Cangqdiq hih mwhde, mbouj wnggai goemq raeuj, aenvih vunzsai dwg Cangqdiq dih yienghceij, dwg yienh ok Cangqdiq dih veijdaq he. Hoeng, vunzbaz dwg yienh ok vunzsai dih veijdaq.

Majdaiq Saw 1:1

Yehsuh Gihduz dwg gij lwglan Daqveiq, dwg Yaqbwzlahhanj dih doengh daih gajlaeng; laj neix dwg de dih gyabouh:

Lizsij dih Gaihcij 10:1

Laj neix dwg doengh daeglwg Nozyaq—Cenj, Hamz caeuq Yajfuz—dih doengh daih gajlaeng. Raemxdumh goq le, gyoengqde cungj seng miz lwg.

Lizsij dih Gaihcij 2:4

Couh yienghneix, Cangqdiq cauh liux mbwnmbwn deihdeih sojmiz hih lo. Yehhozvaz Cangqdiq cauh mbwn cauh deih mwhde,

Lizsij dih Gaihcij 6:9

Laj neix dwg ranz Nozyaq dih lizsij. Nozyaq dwg boux simndei simsoh he hih vunz; youq daih mwhde, Nozyaq dwg boux mij gijmaz ndaej diudik he dih vunz, aenvih de haenj dingq Cangqdiq gaen Cangqdiq.