Lizsij dih Gaihcij 46:26 - Gij Baujcingq Moq Caeuq Geij Bonj Gij Baujcingq Daeuzdaeuz

²⁶ Gaen Yajgoz bae Ngaihgiz dih gij lwg gij lan gij laenj de, bawx mbouj suenq, itgungh miz roekcib roek vunz.

Lizsij dih Gaihcij 46:26 ပူးပေါင်းရင်းမြစ်များ

Ok Ngaihgiz 1:5

Gyoengq neix cenzbuq cungj dwg Yajgoz hih doengh daih gajlaeng de; itgungh miz caetcib vunz. (Mwhmwnq Yozswz gaenq youq Ngaihgiz lo.)

Lizsij dih Gaihcij 35:11

Cangqdiq caiq doiq de naeuz: “Gou dwg akak rengzrengz gaiqgaiq cungj ndaej guh daengz dih Cangqdiq. Mwngz ij miz lwglwg lanlan; doengh daih lwglan gajlaeng mwngz ij bienqbaenz aen guekgya he, gajlaeng, vanzlij caiq bienqbaenz haujlai haujlai aen guekgya. Gij lwglan mwngz caemh miz haujlai vunz ndaej dang vuengz.

Geiq Dwzbaijyienz 7:14

“Yozswz nginh gyoengq beixnuengx de le, couh hawj doengh boux beixnuengx de maj cingj daxboh de caeuq ndaw ranz daxboh de daeuj Ngaihgiz. Mwhde itgungh miz caetcib haj vunz.

Lizsij dih Gaihcij 34:30

Gij saeh neix goq le, Yajgoz couh naeuz Sihmenj caeuq Liqveiq, naeuz: “Faenhsou lienzlih daengz gou, hawj gou youq mwnq dieg neix ngaiz gij vunz Gyahnamz caeuq gij vunz Bijliqsij dwgcaengz gou. Gyoengqraeuz vunz cix noix; hauhnaeuz gyoengqde miz saek ngoenz doxyuk hwj daeuj hoenx raeuz nex, gyoengqraeuz cenz ranz cungj ngaiz rairaeg raicied bae.”

Ok Ngaihgiz 1:1

Gyoengq lwg Yajgoz (Yajgoz caemh heuh Hijswzlez) cungj gag vunz gag daiq gyahcuz itheij gaen Yajgoz bae Ngaihgiz. Gij coh gyoengqde dwg