Lizsij dih Gaihcij 42:38 - Gij Baujcingq Moq Caeuq Geij Bonj Gij Baujcingq Daeuzdaeuz

³⁸ Hoeng, Yajgoz naeuz: “Gou mbouj hawj de gaen faenhsou bae law! Caen daeggo de gaenq ngaiz rai lo; Lahgyez seng hih lwg, lij gag lw de boux dog laem lo. Dingjlingz faenhsou bae daengz buenqroen roeb miz gijmaz saeh ngaiz haih nej, yiengq caemhdangq faenhsou hawj gou vunz laux rai ra mbouj laep lo.”

Lizsij dih Gaihcij 42:38 ပူးပေါင်းရင်းမြစ်များ

Lizsij dih Gaihcij 37:35

Gajlaeng, gyoengq lwg de cungj daeuj vued de, hoeng de gaenhbaenj mbouj leix gyoengqde, vanzlij doq daej doq naeuz: “Lwg gou rai lo! Gou ij siengsim daengz roengz ndawlaep bae, siengsim daengz cimh ndaej raen lwg gou bae.” Yajgoz vih Yozswz ngaiz rai, siengsim hwj daej haemz daej hoj.

Lizsij dih Gaihcij 37:33

Yajgoz yawj le, couh majcangq rox, couh naeuz: “Dwg diuz buh raez daeglwg gou; de gaengjdingq ngaiz nyaen gw lo! Yozswz caen ngaiz nyaen sikyungz liux lo!”

Lizsij dih Gaihcij 42:13

Gajlaeng doengh daeggo de cungj vaiqdi han naeuz: “Goeng'ak hax, gyoengqraeuz cungj dwg dangq bouxhoiq mwngz lah. Itgungh miz cibngeih boux goengjlungz nuengxau, cungj dwg caemh boux boh he. Bohmeh raeuz cungj dwg youq Gyahnamz; daegnuengx ceiq iq seizneix youq henz ndang daxboh, caeuq daxboh youq. Vanzlij miz daegnuengx laem, hoeng, de gaenq ngaiz rai lo.”

Lizsij dih Gaihcij 44:20

Gajlaeng gyoengqraeuz han naeuz: ‘Raeuz vanzlij miz daxboh nienzgeij laux he caeuq miz daegnuengx nienzgeij lij iq laem. Daegnuengx iq neix dwg daxboh nienz laux le cij seng miz he. Daeggo caeuq de doxdaep saejndw he gaenq rai lo; meh seng de lij caenhgag miz de laem lo, sojhij daxboh dwzbez ndiep de.’

Lizsij dih Gaihcij 37:34

De yienghneix naeuz le, cungj siengsim gikheiq hwj ij rai, couh gag mbek gij buh bonjfaenh vaih, couh daenj diuz buhmaz co cabcab coeg yabyab he hwj hauq daeglwg de, daej baenx geij ngoenz.

Lizsij dih Gaihcij 42:37

Gajlaeng, Lijbenq doiq daxboh de naeuz: “Dawz de gyau hawj gou bax; gou baujcingq daiq de ma. Hauhnaeuz gou mbouj daiq de ma hawj mwngz, mwngz couh gaj song daeglwg gou bax! Mwngz coengqsim dawz de gyau hawj gou bax. Gou gaengjdingq daiq de ma hawj mwngz.”

Lizsij dih Gaihcij 43:13

Faenhsou daiq daegnuengx iq sou vaiqdi bae cimh boux vunz mwnq bax.

Lizsij dih Gaihcij 44:22

Raeuz caemh naeuz mwngz ni goq, laeq lwgngez neix mbouj ndaej liz boh de; hauhnaeuz de mbouj youq lo, boh de gaengjdingq ngaiz rai.