Lizsij dih Gaihcij 42:13 - Gij Baujcingq Moq Caeuq Geij Bonj Gij Baujcingq Daeuzdaeuz

¹³ Gajlaeng doengh daeggo de cungj vaiqdi han naeuz: “Goeng'ak hax, gyoengqraeuz cungj dwg dangq bouxhoiq mwngz lah. Itgungh miz cibngeih boux goengjlungz nuengxau, cungj dwg caemh boux boh he. Bohmeh raeuz cungj dwg youq Gyahnamz; daegnuengx ceiq iq seizneix youq henz ndang daxboh, caeuq daxboh youq. Vanzlij miz daegnuengx laem, hoeng, de gaenq ngaiz rai lo.”

Lizsij dih Gaihcij 42:13 ပူးပေါင်းရင်းမြစ်များ

Lizsij dih Gaihcij 37:30

maj daengz gyoengq nuengx mwnq naeuz: “Yozswz mbouj raen lo! Daegnuengx mbouj raen lo! Gou ij baenzlawz guh, bae mwnqlawz cimh nej? Ij baenzlawz maj naeuz daxboh ni nej?”

Lizsij dih Gaihcij 44:20

Gajlaeng gyoengqraeuz han naeuz: ‘Raeuz vanzlij miz daxboh nienzgeij laux he caeuq miz daegnuengx nienzgeij lij iq laem. Daegnuengx iq neix dwg daxboh nienz laux le cij seng miz he. Daeggo caeuq de doxdaep saejndw he gaenq rai lo; meh seng de lij caenhgag miz de laem lo, sojhij daxboh dwzbez ndiep de.’

Lizsij dih Gaihcij 42:32

Gyoengqraeuz cibngeih boux goengjlungz nuengxau cungj dwg caemh boux boh he lah, miz daegnuengx he gaenq ngaiz rai lo, daegnuengx ceiq iq he seizneix caeuq daxboh youq dieg Gyahnamz.

Lizsij dih Gaihcij 43:7

Gyoengqde han naeuz: “Boux mwnq caenhrox saemj, caenhrox caz gyoengqraeuz caeuq ndaw ranz raeuz baenzlawz yiengh: ‘Faenhsou lij miz daxboh laem lwi? Faenhsou vanzlij miz mbouj miz beixnuengx hah?’ Yiengq gyoengqraeuz cungj lauxlaux saedsaed naeuz de ni lo. Bouxlawz rox naeuz de ij hawj raeuz daiq nuengx iq raeuz bae nex?”

Majdaiq Saw 2:18

Youq Lahmaj dingqri sing daej ngwdngwd, couh dwg Lahgyez daej gij lwg de. De mbouj dingq vunz vued de, aenvih gij lwg de cungj rai lo.

Majdaiq Saw 2:16

Yiengq caiq gangj daengz goeng Hihliz, gajlaeng, goeng Hihliz rox bonjfaenh de ngaiz doengh boux coengjmingz rox yawj gijmaz suenq gijmaz mwnq coemx de le, cungj aeuqheiq hwj ij rai bae. De couh ciuq gaxgonq de dajlaeng doengh boux coengjmingz rox yawj gijmaz rox suenq gijmaz mwnq damqdingq ndaej rox aen ndaundeiq dwzbez mwnq yienh okdaeuj hih cizgyenh ma suenq, couh baij vunz bae dawz Bwzliqhaengz Singz caeuq seiqhenz singz de sojmiz hih lwgngez vunzsai song bi doxroengz cungj gaj liux.

Lizsij dih Gaihcij 45:26

Gyoengqde couh naeuz daxboh ni naeuz: “Yozswz vanzlij lix! Seizneix youq Ngaihgiz de ndaej guenj baenx cenz guek hwj.” Daxboh de dingq le, cungj doeksaet hwj guh hwj ngoemxngwd bae. De mbouj sinq naeuz Yozswz vanzlij lix.

Lizsij dih Gaihcij 44:28

Miz daeg he gaenq mij youq lo, daengz seizneix gauqcaez cungj mij raen de lo, aiq ngaiz duz nyaen sik soiq liux lo.

Lizsij dih Gaihcij 42:38

Hoeng, Yajgoz naeuz: “Gou mbouj hawj de gaen faenhsou bae law! Caen daeggo de gaenq ngaiz rai lo; Lahgyez seng hih lwg, lij gag lw de boux dog laem lo. Dingjlingz faenhsou bae daengz buenqroen roeb miz gijmaz saeh ngaiz haih nej, yiengq caemhdangq faenhsou hawj gou vunz laux rai ra mbouj laep lo.”

Lizsij dih Gaihcij 42:36

Daxboh gyoengqde doiq gyoengqde naeuz: “Faenhsou ijsiengj hawj gij lwg gou cungj baih liux bae maz! Yozswz mij miz lo, Sihmenj caemh mij lo; faenhsou vanzlij ij daiq daeg lwgsod gou bae laem hajx! Sojmiz hih beiqciz cungj ngaiz gou dawz liux lo!”

Lizsij dih Gaihcij 42:11

Gyoengqraeuz cungj dwg goengjlungz nuengxau he, caiq dwg lauxlaux saedsaed dih vunz, mbouj dwg gyenhdez law.”

Lizsij dih Gaihcij 42:12

Yozswz vanzlij guqiq doiq gyoengqde naeuz: “Mij dwg! Faenhsou gaengjdingq dwg daeuj neij damqdingq yawjyawj dineix dauqdaej miz mbouj miz mwnq ndaej hoenx he.”

Lizsij dih Gaihcij 42:14

Yozswz mboujguenj gyoengq daeggo de baenzlaw naeuz, de vanzlij caiq guqiq naeuz: “Faenhsou gaengjdingq dwg gyenhdez!

Lizsij dih Gaihcij 43:29

Yozswz yawjraen caeuq bonjfaenh doxdaep saejndw dih daegnuengx iq de Benqyajminj le, couh cam naeuz: “Boux neix couh dwg faenhsou naeuz gou ni goq hih daegnuengx ceiq iq he laj?” Caemhcaiq naeuz: “Nuengx iq, muengh Cangqdiq soengq fuk hawj mwngz.”