Lizsij dih Gaihcij 37:25 - Gij Baujcingq Moq Caeuq Geij Bonj Gij Baujcingq Daeuzdaeuz

²⁵ Gyoengqde dawz de gveng roengzbae le, couh naengh roengzma gw haeux. Sawqmwh yawjraen miz buek Hijsizmajliq vunz canghrih he, gyoengqde aeu lozdoz ma doz sam cungj iengfaex rang fwtfwt ceiq dijbauj he, couh dwg yanghliuq, yeijyangh caeuq mozyoz, dajlwh Gihlez bae daengz Ngaihgiz hai, ngamqngamq luj letlet ij byaij goq gyoengqde mwnq bae.

Lizsij dih Gaihcij 37:25 ပူးပေါင်းရင်းမြစ်များ

Lizsij dih Gaihcij 43:11

Yiengq daxboh de han naeuz: “Hauhnaeuz ngengh ij yienghneix guh nex, caemh ndaej, hoeng faenhsou caemh ij dawz di mwnq raeuz neij gij ceiq ndei he, luj dangzrwi hah, cix feih cix ndei gw dih gaihsinhgoj hah, gingqywnz hah, caeuq sam cungj iengfaex rang fwtfwt ceiq dijbauj he, it cungj cungj aeu it di bae soengq hawj bouxcawj mwnq, caemhdangq naeuz soengq di laex he hawj de sat lo.

Lizsij dih Gaihcij 37:28

Daengj daengz buek dajhai mwnq goq daeuj le, gyoengqde couh dajlwh ndaw cingj hawq rag de hwnjma, couh hai hawj buek vunz Hijsizmajliq mwnq, hai ndaej seiq liengx buenq naek dih ngaenz. Gyoengq vunz mwnq couh daiq Yozswz bae Ngaihgiz lo.

Lizsij dih Gaihcij 37:36

Hoeng, mwhneix Yozswz gaenq ngaiz buek vunz canghrih mwnq daiq bae daengz Ngaihgiz, hai hawj goengjvuengz Ngaihgiz dih boux gingjveiqcangj he guh hoiq. Boux gingjveiqcangj neix dwg heuh Bohdizfaz.

Lizsij dih Gaihcij 39:1

Yozswz nej, Yozswz ngaiz buek vunz canghrih mwnq dawz bae daengz Ngaihgiz hai hawj goengjvuengz Ngaihgiz dih boux gingjveiqcangj he, heuh Bohdizfaz.

Lizsij dih Gaihcij 31:23

Yiengq Lahbanh couh daiq baenx gyoengq beixnuengx de bae boenq Yajgoz, boenq daengz daixcaet ngoenz, youq Gihlez cij boenq ndaej dawz.

Lizsij dih Gaihcij 31:21

de daiq de sojmiz dih gyadangq, nyungjnyungj nyatnyat caegcaeg deuz, deuz goq diuz dah Youqfazlahdij, yiengq rungh Gihlez bae.