Lizsij dih Gaihcij 35:18 - Gij Baujcingq Moq Caeuq Geij Bonj Gij Baujcingq Daeuzdaeuz

¹⁸ Mwh de ijvanh rai gatcaw, hoenzsaenz ijvanh bae hih mwhde, de an coh hawj laeq lwg de heuh Benqngozniz (couh dwg ‘laeq lwg siengsim’ dih iqswh), hoeng Yajgoz dauq an coh hawj laeq lwg neix heuh Benqyajminj. (‘Benqyajminj’ couh dwg ‘laeq lwg youq fawz gvaz gou’ dih iqswh.)

Lizsij dih Gaihcij 35:18 ပူးပေါင်းရင်းမြစ်များ

Geiq Dwzbaijyienz 7:59

Youq mwh Swhdizfanj ngaiz gyoengqde aeu rin ma boemz hih mwhde, de gouz naeuz: “Bouxcawj gou Yehsuh hax, gouz mwngz sou gij hoenzsaenz gou bax.”

Luqgyah Saw 23:46

Yehsuh hemq goggog naeuz: “Daxboh hax! Gou dawz gij hoenzsaenz gou gyau hawj mwngz lo.” De gangj gawq neix sat le, couh gatcaw lo.

Luqgyah Saw 12:20

“Hoeng, Cangqdiq dauq doiq de naeuz: ‘Gij vunz ngawz mwngz hax! Yaepm'x mwngz cungj byoeng lo! Mwngz diuh baenx lai; ij diuh hawj byawz nex?’”

Ok Ngaihgiz 12:7

Gaj le, couh aeu gij lwed de ma hoz haeuj bakdoumonz hih begdou hah, goemqdou hah bae. Youq ranzlawz gw, couh hoz ranzlawz.

Lizsij dih Gaihcij 43:14

Muengh Cangqdiq, couh dwg akak rengzrengz gaiqgaiq cungj ndaej guh daengz dih Cangqdiq, sawjhawj de sim'unq le, ndaej hawj Benqyajminj caeuq Sihmenj gaen faenhsou ma. Hauhnaeuz yienghneix cungj lij ij hawj gou baih lwg nex, gou caemh gauqswz lo, cungj caenhbouh liux lo, mij banqfaz laem lo, suenq lo.”

Lizsij dih Gaihcij 42:38

Hoeng, Yajgoz naeuz: “Gou mbouj hawj de gaen faenhsou bae law! Caen daeggo de gaenq ngaiz rai lo; Lahgyez seng hih lwg, lij gag lw de boux dog laem lo. Dingjlingz faenhsou bae daengz buenqroen roeb miz gijmaz saeh ngaiz haih nej, yiengq caemhdangq faenhsou hawj gou vunz laux rai ra mbouj laep lo.”

Lizsij dih Gaihcij 30:1

Lahgyez raen bonjfaenh de mij seng ndaej saek boux lwg hawj Yajgoz le, couh rahoengz daxce de, couh doiq Yajgoz naeuz: “Mwngz hawj gou seng lwg bax; mbouj nex, gou cingxnyienh rai hoh lo!”

Lizsij dih Gaihcij 35:17

Youq mwh de cienfanh in, cienfanh hojyouq hih mwhde, meh ciepseng de doiq de naeuz: “Mwngz gaejyungh lau; mwngz caiq ndaej daeglwg he lo.”

Lizsij dih Gaihcij 35:19

Gajlaeng, Lahgyez rai le, moek youq henz roen bae Hijfazdah he. (Hijfazdah couh dwg Bwzliqhaengz.)

Lizsij dih Gaihcij 35:24

Lahgyez soj seng dih lwg miz Yozswz caeuq Benqyajminj.

Lizsij dih Gaihcij 49:27

Benqyajminj yak luj duz langz. Doengxhaet gyan gw de dwk ndaej dih doenghduz; Doengxhaemh dawz de dued ndaej dih doenghduz faen hawj gij doih de.