Lizsij dih Gaihcij 3:16 - Gij Baujcingq Moq Caeuq Geij Bonj Gij Baujcingq Daeuzdaeuz

¹⁶ Yehhozvaz Cangqdiq caemh doiq boux vunzbaz mwnq naeuz: “Gou ij hawj mwngz mwh daiqndang he cix dwgrengz cix hojyouq; daengz mwh seng he, caemh ij in'in hojyouq hojyouq ij rai bae cij ndaej. Gannaeuz yienghneix lah, hoeng, mwngz vanzlij ciuqyiengh sij mbouj ndaej goeng mwngz; goeng mwngz caemh ijsiengj guenjciq mwngz.”

Lizsij dih Gaihcij 3:16 ပူးပေါင်းရင်းမြစ်များ

Dizdoh Saw 2:5

caemh rox ij baenzlaw caepcingq bonjfaenh, rox guenj gya, doiq vunz cix ngeihheiq cix swnh semxsemh, dingq gojyez bonjfaenh he lo, yienghneix couh mienxndaej miz vunz bangjlaih Cangqdiq dih ndei siuhsiz lo.

Gohlozsih Saw 3:18

Dineix gou gangj daengz guh yah hih. Faenhsou ij dingq goeng gojyez bonjfaenh; gij neix dwg guh gij vunz Gihduz wnggai guh hih.

Gohlimzdoh It 11:3

Hoeng, gou seizneix miz gienh saeh he naeuz faenhsou. Faenhsou wnggai rox, vunzsai dwg vunzbaz dih raeuj, Gihduz dwg vunzsai dih raeuj, Cangqdiq dwg Gihduz dih raeuj.

Dizmohdaiq It 2:15

Hoeng, aenvih vunzbaz dwg ndaej seng lwg he, cijaeu gyoengqde siengzseiz sinq Yehsuh, guh gij hab'eiq habhoz Cangqdiq he, miz aiqsim, caiq gag caepcingq bonjfaenh, couh ndaej gouq lo.

Gohlimzdoh It 14:34

Yiengq gangj daengz vunzbaz, vunzbaz camhgyah gyauqveiq doxcomz hih mwhde, ij caeuq sojmiz hih gyauqveiq doxdoengz, ij dingh cubcub, mbouj gangj vah. Couh luj Mohsih dih fazliz soj gveihdingq hih yienghmwnq, ij soenhsouj mbouj ndaej gangj vah.

Gohlimzdoh It 7:4

Guh mehyah hih, aen ndangdaej bonjfaenh mbouj caenhgag dwg aen ndangdaej bonjfaenh; goengjgvan caemh miz faenh. Caemh doxdoengz, guh goengjgvan hih, aen ndangdaej bonjfaenh, mehyah caemh miz faenh.

Yozhanq Saw 16:21

Cingq luj vunzbaz seng lwg mwhde, ij in'in hojyouq hojyouq, hoeng, daengj daengz lwgngez seng le, de couh vih bonjfaenh de miz laeq lwg neix hwj angq, lumz gaxgonq de in caeuq hojyouq lo.

Lizsij dih Gaihcij 4:7

Hauhnaeuz mwngz rox guh vunz nex, gou swhmboujyienz haenj mwngz; mbouj nex, mwngz couh veizyiemj, yungzheih famh coih. Coih couh veizyiemj luj duz mavangh ndoj youq bakdou mwngz ijsiengj haeb mwngz, sojhij mwngz couh ij cuqhiq de mbouj hawj de cimyex mwngz.”

Dezsajloznizgyah It 5:3

Cingq youq mwh vunz naeuz “Sojmiz hih cungj bingzan” hih mwhde, sawqmwh nanh dawz gyoengqde, caenh luj vunzbaz daiqndang ij seng lwg hih yienghmwnq in; gij nanh neix gyoengqde mij banqfaz ndaej deuz.

Dizmohdaiq It 2:13

aenvih Cangqdiq sien cauh Yaqdangh boux vunzsai neix, gajlaeng cij cauh daengz Yaqvah boux vunzbaz neix,