Lizsij dih Gaihcij 29:32 - Gij Baujcingq Moq Caeuq Geij Bonj Gij Baujcingq Daeuzdaeuz

³² Liqyaq daiqndang le, seng miz daeglwg he. De naeuz: “Aenvih Yehhozvaz raen gou haemzhoj,” yiengq de couh an coh hawj laeq lwg neix heuh Lijbenq. (‘Lijbenq’ couh dwg ‘yawj veiq, miz lwgmbauq’ dih iqswh; gij yaem ‘Lijbenq’ youq ndaw gij vah Hihbwzlaiz couh luj ‘de raen gou haemzhoj,’ gij yaem neix.) De caiq naeuz: “Mbat neix goeng gou itdingh aiq gou lo.”

Lizsij dih Gaihcij 29:32 ပူးပေါင်းရင်းမြစ်များ

Ok Ngaihgiz 4:31

Gajlaeng gyoengqde couh sinq lo. Gyoengqde rox daengz Yehhozvaz dwzbez aiq dwzbez cauqguq gij vunz Hijswzlez, caiq caemh rox gyoengqde dih haemzhoj le, couh gvih roengzma baiqbaiq saxsax Yehhozvaz.

Ok Ngaihgiz 3:7

Yehhozvaz vanzlij caiq naeuz: “Gou gaenq yawjraen gij vunz gou youq Ngaihgiz ngaiz souh daengz bwkhaih, souh daengz cienfanh dwgrengz sinhoj he, caemh dingqri gyoengqde ngaiz goeng guenj hong bwk gyoengqde hwj gangznaek daejdanq gouz gouq, caemh rox gyoengqde dih haemzhoj.

Luqgyah Saw 1:25

Ihliqcahbwz raen bonjfaenh de mizndang le couh naeuz: “Ox, Cangqdiq baenxlai cauqguq gou, hawj gou ndaej duet ok youq dangqnaj vunzlai gij saetnaj saetnyaenq he lo.”

Lizsij dih Gaihcij 42:27

Daengz haemh le, youq buenqroen miz mwnq youq he, gyoengqde couh doz youq mwnq youq haemh. Yiengq miz boux he gej bak daeh ij aeu swzliuq ma gueng duz lawz, cij raen gij ngaenz bonjfaenh cungj lij coengq youq ndaw daeh.

Lizsij dih Gaihcij 42:22

Couh youq mwhneix, Lijbenq daeggo gyoengqde dingq gyoengqde yienghneix naeuz le, couh doiq gyoengqde naeuz: “Gou cungj byah goq faenhsou lo nex, naeuz mbouj hawj faenhsou haih daegnuengx raeuz lo, hoeng faenhsou mbouj dingq. Seizneix faenhsou raen mijyaengz, haih de dih coih, mbat neix daengz raeuz rap lo.”

Lizsij dih Gaihcij 31:42

Hauhnaeuz mbouj dwg boux miz vi hawj vunz roxnginh lau hih Cangqdiq, baujhuq daxgoeng gou Yaqbwzlahhanj caeuq daxboh gou Hijsaj dih Cangqdiq caeuq gou youq nex, mwngz gaengjdingq hawj gou baet fawz hoengq maj. Caeklaiq hwx, caeklaiq Cangqdiq yawjraen gij haemzhoj gou caeuq gij dwgrengz gou, couh youq ngoenzlwenz singjngwnz de buenq hawj mwngz miz coih.”

Lizsij dih Gaihcij 16:11

Bouxcai neix vanzlij caiq naeuz: “Hawjm'z yawj lux, mwngz seizneix gaenq mizndang lo; baezneix mwngz gaengjdingq seng miz daeglwg he. Mwngz ij an coh hawj de heuh Hijsizmajliq, aenvih Yehhozvaz gaenq dingqri mwngz danq gij haemzhoj mwngz lo.

Lizsij dih Gaihcij 37:29

Doengh daeggo Yozswz dawz de hai hawj buek canghrih mwnq hih mwhde, Lijbenq mbouj youq henz de. Lijbenq ma daengz henz cingj le, cij rox naeuz Yozswz mbouj raen lo. De mbouj raen Yozswz le, couh gikheiq hwj gag mbek diuz buh bonjfaenh,

Lizsij dih Gaihcij 35:22

Hijswzlez vanzlij youq mwnq dieg mwnq hih mwhde, daeglwg daeuz de Lijbenq engqgya bae caeuq Bizlah ninz. Bizlah couh dwg yahnoix Hijswzlez. Gajlaeng ngaiz Hijswzlez rox. Yajgoz itgungh miz cibngeih daeglwg.

Lizsij dih Gaihcij 29:31

Yiengq Yehhozvaz raen Yajgoz mbouj aiq Liqyaq le, couh hawj Liqyaq mizseng, dauqfanj hawj Lahgyez maen.

Lizsij dih Gaihcij 35:23

Liqyaq soj seng dih lwg miz daeglwg daeuz Yajgoz Lijbenq, vanzlij miz Sihmenj, Liqveiq, Youzdaq, Hijcazgyah caeuq Sihbuqlwnz.