Lizsij dih Gaihcij 26:34 - Gij Baujcingq Moq Caeuq Geij Bonj Gij Baujcingq Daeuzdaeuz

³⁴ Hijsauj ndaej seiqcib bi mwhde, aeu song dah lwgsau Hwz cuz vunz ma guh yah. Song dah neix, dah he dwg dah lwgsau Bijliq, heuh Youzdiz, dah he dwg dah lwgsau Hijlwnz, heuh Bahsizmaz.

Lizsij dih Gaihcij 26:34 ပူးပေါင်းရင်းမြစ်များ

Lizsij dih Gaihcij 36:2

Hijsauj aeu song dah lwgsau dieg Gyahnamz ma guh yah. Meh he dwg Yaqdaq, dwg dah lwgsau Hijlwnz (Hijlwnz dwg Hwz cuz vunz he); meh he dwg Ahhozliqbahmaj, dwg dah lwgsau Yaqnaz, caemh dwg dahlan Giqbenq (Giqbenq dwg Hihveiq cuz vunz).

Ok Ngaihgiz 34:16

Daeglwg faenhsou caemh veiq aeu gij lwgsau gyoengqde ma guh yah. Dahlwg gyoengqde caemh baiq gij you gyoengqde, caemh hawj daeglwg faenhsou gaen gyoengqde baiq.

Lizsij dih Gaihcij 36:13

Gyoengq lwg Liuzwj dwg Nazhah, Seqlah, Cahmaj caeuq Mijsaj. Seiq daeglwg neix couh dwg gij lan Bahsizmaz.

Lizsij dih Gaihcij 36:5

Ahhozliqbahmaj seng Yeh'uhswh, Yajlanz caeuq Gojlah. Doenghheij lwg neix cungj dwg gij lwg Hijsauj, cungj dwg youq Gyahnamz seng he.

Lizsij dih Gaihcij 28:9

couh siengj hawj bohmeh de sim'angq, de youhcaiq linghvaih aeu yah. De bae laeng Hijsizmajliq (couh dwg daeglwg Yaqbwzlahhanj), aeu dah lwgsau de Majhahlah ma guh yah. (Majhahlah couh dwg dahnuengx Nizbaiqyoz.)

Lizsij dih Gaihcij 24:3

Gou ij hawj mwngz yiengq gou baujcingq, baujcingq mbouj hawj daeglwg gou youq dieg neix aeu gij lwgsau vunz Gyahnamz ma guh yah; [4]mwngz ij maj bonjdeih gou aeu gij lwgsau caeuq gou doxcaemh minzcuz he ma hawj daeglwg gou Hijsaj guh yah. [3a]Hoeng hauhnaeuz gij baujcingq neix guh mbouj daengz nex, mwngz caemh gag rox, mwngz couh ij ngaiz Yehhozvaz, couh dwg gwnzmbwn caeuq lajdeih dih Cangqdiq, fad mwngz lo.”

Hihbwzlaiz Saw 12:16

Caemh ijaeu siujsim, mienxndaej miz vunz guh gij ndaengndwet he, cixnaeuz guh gij luj Hijsauj yienghmwnq mbouj yawjnaek Cangqdiq he, vih ij gw donq haeux he hwj daiqlienz gij gienz lwgdaeuz de cungj hai bae he.

Gohlimzdoh It 7:2

Cijmboujgoq, vih mbouj ngaiz famh gij mbouj hab famh hih hwj vanzlij dwg vunzsai wnggai gag miz mehyah bonjfaenh; vunzbaz caemh wnggai gag miz goengjgvan bonjfaenh.

Lizsij dih Gaihcij 27:46

Yiengq, Liqbwzgyah caemh ijsiengj hawj Hijsaj miz ndaek cungj naeuz Yajgoz wnggai bae he; de couh doiq Hijsaj naeuz: “Vih Hijsauj hih song mehyah Hwz cuz vunz neix, guh hwj gou cungj simnyap ij rai bae. Hauhnaeuz Yajgoz caemh aeu gij lwgsau Hwz cuz vunz mwnqneix ma guh yah nex, gou cingxnyienh rai hoh luh; youq lij miz maz iqswh laem!”

Lizsij dih Gaihcij 28:8

De couh rox daengz daxboh de mbouj haenj gij vunzbaz Gyahnamz le,