Lizsij dih Gaihcij 26:12 - Gij Baujcingq Moq Caeuq Geij Bonj Gij Baujcingq Daeuzdaeuz

¹² Hijsaj youq mwnq dieg mwnq dajndaem. Aenvih Yehhozvaz soengq fuk hawj de, de bi mwnq funghsouh, sou ndaej beij de ndaem roengzbae hih lai ndaej baenx bak boix.

Lizsij dih Gaihcij 26:12 ပူးပေါင်းရင်းမြစ်များ

Lizsij dih Gaihcij 26:3

Hijsaj daengz Gihlah'wj le, Yehhozvaz caiq naeuz: “Mwngz camqciz sien youq dineix youq ndaej lo. Hauhnaeuz mwngz dingq gou, youq mwnqneix youq, gou couh caeuq mwngz youq, caiq soengq fuk hawj mwngz. Gou ij hengz gaxgonq gou caeuq daxboh mwngz Yaqbwzlahhanj soj baujcingq hih, couh dwg ij dawz manx dieg neix cungj soengq hawj mwngz caeuq gyoengq lwglwg lanlan laenjlaenj mwngz,

Majgoj Saw 4:8

Hoeng doengh ceh doek youq ndaw doem biz he, baex did hwnjdaeuj he couh noengq nwtnwt lo, caemh beij ceh doek mwnq sou ndaej lai baenx samcib boix, roekcib boix, simqciq lai baenx bak boix cungj miz.”

Lizsij dih Gaihcij 24:35

Yehhozvaz soengq fuk hawj bouxcawj gou lai hux lai, sawjhawj de bienqbaenz boux fouqfouq mizmiz he, caemh soengq hawj baenx gyoengq yiengz, baenx gyoengq cwz, lozdoz caeuq lawz, gimngaenz caeuq hoiq vunzsai vunzbaz.

Lizsij dih Gaihcij 24:1

Yaqbwzlahhanj nienzgeij gaenq laux ladlad liux lo; seiqvunz de mboujguenj de guh gijmaz saeh, Yehhozvaz cungj soengq fuk hawj de.

Gohlimzdoh It 3:6

Gyoengqraeuz gak vunz cungj miz bouxcawj raeuz baij hawj raeuz hih hong: gou dwg guh ndaem he, Yaqbohloz dwg guh dwk raemx he, caenhgag Cangqdiq cij dwg ndaej hawj go de hwnj he.

Lizsij dih Gaihcij 30:30

Mwh gou mijyaengz daeuj dineix mwhde, mwngz sojmiz hih cungj gig noix; seizneix nej, cwz hah, yiengz hah, baenx gyoengq baenx gyoengq. Mboujguenj gou bang mwngz guh gijmaz, Cangqdiq cungj soengq fuk hawj mwngz. Nanzdauh gou ij daengz seizlawz bae cij ndaej gag laeb aen gya bonjfaenh gou nex?”

Majdaiq Saw 13:8

Hoeng, doengh ceh doek youq ndaw doem biz he, baex did hwnjdaeuj he couh noengq nwtnwt lo, caemh beij ceh doek mwnq sou ndaej baenx samcib boix cix miz, roekcib boix cix miz, simqciq baenx bak boix cix miz.”

Majdaiq Saw 13:23

Hoeng, doengh ceh doek youq ndaw doem biz mwnq nex, couh dwg gij vunz dingq daengz ndei siuhsiz le, couh rox he. Gij vunz neix ndaej guh gij saeh youq ndaw lwgra Cangqdiq suenq dwg miz yungh he, miz yungh samcib boix cix miz, roekcib boix cix miz, bak boix cix miz.”

Lizsij dih Gaihcij 26:29

baujcingq mwngz mbouj haih gyoengqraeuz, caemh luj raeuz mij haih goq mwngz ityiengh, cungj dwg doiq mwngz ndei, vanzlij hawj mwngz bingzan ok ma. Hawjm'z yawj hux, Yehhozvaz soengq fuk hawj mwngz baenx lai!”

Lizsij dih Gaihcij 25:11

Yaqbwzlahhanj rai le, Cangqdiq soengq fuk hawj daeglwg de Hijsaj. Hijsaj youq mwnq gaenh Biqwj-Lahhaijlaiz mwnq youq.