Lizsij dih Gaihcij 25:11 - Gij Baujcingq Moq Caeuq Geij Bonj Gij Baujcingq Daeuzdaeuz

¹¹ Yaqbwzlahhanj rai le, Cangqdiq soengq fuk hawj daeglwg de Hijsaj. Hijsaj youq mwnq gaenh Biqwj-Lahhaijlaiz mwnq youq.

Lizsij dih Gaihcij 25:11 ပူးပေါင်းရင်းမြစ်များ

Lizsij dih Gaihcij 22:17

gou bietdingh soengq fuk hawj mwngz, hawj doengh daih gajlaeng mwngz fat lailai hwj, fat lai luj gij ndaundeiq gwnzmbwn, luj anjsa henz haij yienghmwnq lai. Gyoengqde caemh ndaej hoenxhingz dizyinz ciemq aeu aen singz gyoengqde.

Lizsij dih Gaihcij 16:14

Couh vih yienghneix, gij vunz couh heuh aen cingj neix heuh Biqwj-Lahhaijlaiz. (‘Biqwj-Lahhaijlaiz’ dwg ‘yawj caeuq cauqguq gou dih seiqseiz lix dih Cangqdiq dih cingj’ dih iqswh.) Aen cingj neix seizneix cungj lij miz; dwg youq Gyahdihswh caeuq Bahlez hih cungqgyan de.

Lizsij dih Gaihcij 24:62

Mwh goeng guenjgya caeuq Liqbwzgyah okdin ma ranz hih mwhde, Hijsaj dwg youq Biqwj-Lahhaijlaiz youq he. (Biqwj-Lahhaijlaiz dwg youq Gyahnamz dih mwnq gansauq he.) Couh youq mwh goeng guenjgya caeuq Liqbwzgyah mijyaengz ma daengz ranz hih mwhde, Hijsaj gaenq ma daengz ranz daxboh de lo.

Lizsij dih Gaihcij 17:19

Hoeng, Cangqdiq dauq han naeuz: “Mbouj hah! Mehyah mwngz gaengjdingq ndaej seng daeglwg he hawj mwngz; mwngz caemh ij an coh hawj de heuh Hijsaj. Gou caeuq mwngz soj dingh hih, caemh caeuq Hijsaj caeuq doengh daih gajlaeng de yungjyenj dingh roengzbae mbouj bienq.

Lizsij dih Gaihcij 12:2

Gou gaengjdingq hawj mwngz miz lwg, miz lan, miz laenj, fatdad lailai hwj bienqbaenz aen guek hunghung he. Gou caemh ij soengq fuk hawj mwngz, hawj mwngz miz mingz, gij vunz caemh ndaej dajlaeng mwngz ndaej miz fuk.

Lizsij dih Gaihcij 50:24

Yozswz doiq gyoengq vunz ndaw gyahcuz de naeuz: “Gou ijvanh rai lo, hoeng Cangqdiq itdingh daeuj bang faenhsou, daiq faenhsou bae daengz de gaxgonq dapwngq hawj goenggeq hah, daxgoeng hah, caeuq daxboh hah, caeuq faenhsou hah dih gaiq dieg mwnq bae.”

Lizsij dih Gaihcij 12:3

Bouxlawz hoh fuk hawj mwngz hih, gou caemh hoh fuk hawj bouxlawz; bouxlawz mang mwngz hih, gou caemh mang bouxlawz. Lajmbwn sojmiz hih minzcuz cungj dwg dajlaeng mwngz ndaej miz fuk.”

Lizsij dih Gaihcij 26:3

Hijsaj daengz Gihlah'wj le, Yehhozvaz caiq naeuz: “Mwngz camqciz sien youq dineix youq ndaej lo. Hauhnaeuz mwngz dingq gou, youq mwnqneix youq, gou couh caeuq mwngz youq, caiq soengq fuk hawj mwngz. Gou ij hengz gaxgonq gou caeuq daxboh mwngz Yaqbwzlahhanj soj baujcingq hih, couh dwg ij dawz manx dieg neix cungj soengq hawj mwngz caeuq gyoengq lwglwg lanlan laenjlaenj mwngz,

Lizsij dih Gaihcij 24:35

Yehhozvaz soengq fuk hawj bouxcawj gou lai hux lai, sawjhawj de bienqbaenz boux fouqfouq mizmiz he, caemh soengq hawj baenx gyoengq yiengz, baenx gyoengq cwz, lozdoz caeuq lawz, gimngaenz caeuq hoiq vunzsai vunzbaz.

Lizsij dih Gaihcij 26:12

Hijsaj youq mwnq dieg mwnq dajndaem. Aenvih Yehhozvaz soengq fuk hawj de, de bi mwnq funghsouh, sou ndaej beij de ndaem roengzbae hih lai ndaej baenx bak boix.