Lizsij dih Gaihcij 21:2 - Gij Baujcingq Moq Caeuq Geij Bonj Gij Baujcingq Daeuzdaeuz

² Yiengq Sajlah caemh cingqcaen mizndang lo, caemh cingqcaen daengz mwh Cangqdiq naeuz hih mwhde, gannaeuz Yaqbwzlahhanj gaenq laux liux lo, hoeng vanzlij miz daeglwg he hawj de.

Lizsij dih Gaihcij 21:2 ပူးပေါင်းရင်းမြစ်များ

Hihbwzlaiz Saw 11:11

Caemh aenvih sinq, Yaqbwzlahhanj sinq Cangqdiq doiq de baujcingq hih dwg sinq ndaej goq hih, sojhij gannaeuz bonjfaenh de nienzgeij gaenq laux liux lo, mehyah de Sajlah caemh gaenq cauhgoq ndaej mizndang dih nienzgeij lo, hoeng, Cangqdiq vanzlij hawj de ndaej miz lwg, hawj de ndaej guh daxboh.

Gyahlahdaiq Saw 4:22

Ndaw de sij naeuz Yaqbwzlahhanj miz song daeglwg; daeg he dwg dahhoiq de Yaqgyaz seng he, daeg he dwg mehyah de Sajlah seng he.

Geiq Dwzbaijyienz 7:8

“Couh yienghneix, Cangqdiq couh caeuq de doxdingh, dingh hawj de caeuq doengh daih gajlaeng de ndaej suenq dwg gij vunz Cangqdiq, hawj gyoengqde gozlij geiqhauh dwg gij vunz Cangqdiq. Sojhij Yaqbwzlahhanj miz Hijsaj. Youq Hijsaj seng ndaej daixbet ngoenz le, couh gozlij hawj de. Gajlaeng, Hijsaj miz Yajgoz; Yajgoz couh dwg daxboh cibngeih boux cojgoeng gij vunz Hijswzlez he.

Luqgyah Saw 1:36

Bouxcai vanzlij naeuz: “Mwngz ndaejgeiq lwi, boux caencik mwngz Ihliqcahbwz, couh dwg naeuz de dwg maen hih boux mwnq hax? Seizneix de gaenq nienz laux lo, hoeng de ndaej mizseng lo, raek miz daeg lwgmbauq he hwj, gaenq raek ndaej roek ndwen lo.

Lizsij dih Gaihcij 18:14

Nanzdauh faenhsou mbouj rox, gou, Yehhozvaz, nwj miz naeuz miz gij saeh gou guh mbouj daengz he haj? Daengz bimoq hih mwhneix, gou bietdingh daeuj dineix; daengz mwhmwnq, Sajlah baenzbaenz cungj seng miz daeglwg he.”

Lizsij dih Gaihcij 18:10

Yiengq ndaw sam boux mwnq miz boux he naeuz: “Daengz bimoq hih mwhneix, gou gaengjdingq caiq daeuj laeng mwngz dineix. Daengz mwhmwnq, mehyah mwngz gaengjdingq ndaej seng miz daeglwg he.” Mwh boux mwnq gangj gawq vah neix hih mwhde, Sajlah couh ndwn youq baixlaeng boux mwnq hih bakdou cangqbungz, de caemh dingqri gawq vah neix.

Lizsij dih Gaihcij 17:19

Hoeng, Cangqdiq dauq han naeuz: “Mbouj hah! Mehyah mwngz gaengjdingq ndaej seng daeglwg he hawj mwngz; mwngz caemh ij an coh hawj de heuh Hijsaj. Gou caeuq mwngz soj dingh hih, caemh caeuq Hijsaj caeuq doengh daih gajlaeng de yungjyenj dingh roengzbae mbouj bienq.

Lizsij dih Gaihcij 17:21

Hoeng gou naeuz mwngz ni hax, daengz bimoq hih mwhneix, Sajlah gaengjdingq seng Hijsaj hawj mwngz. Gou caeuq mwngz soj dingh hih caemh dwg caeuq Hijsaj dingh hih.”

Lozmaj Saw 9:9

aenvih Cangqdiq doiq Yaqbwzlahhanj baujcingq goq naeuz: Daengz bimoq hih mwhneix, gou vanzlij caiq daeuj dineix; mehyah mwngz Sajlah caemh ij seng miz daeglwg he hawj mwngz. Daeglwg neix couh dwg heuh Hijsaj.