Lizsij dih Gaihcij 19:28 - Gij Baujcingq Moq Caeuq Geij Bonj Gij Baujcingq Daeuzdaeuz

²⁸ De yawj roengz Sojdohmaj caeuq Ngozmohlah song mwnq neix, caeuq seiqhenz sojmiz hih dieg bae, yawjraen doengh mwnq neix cungj hoenz loedloed, guemjluemz bae, lujnaeuz oenq yiuz nwih.

Lizsij dih Gaihcij 19:28 ပူးပေါင်းရင်းမြစ်များ

Gihduz Hawj Vunz Rox 18:9

“Doenghheij caeuq de guhyoux hih vuengz ij caenra raen gij oenq ngaiz feiz gyemz dawz de he, caemh daej de.

Gihduz Hawj Vunz Rox 9:2

Gajlaeng aen de couh hoi aen vaengz mij daej mwnq hih mwnq he, yiengq couh miz oenq daj ndaw vaengz ok daeuj; gij oenq de caenh lujnaeuz daj ndaw aen luzfeiz oenq okdaeuj nwih, oenq hwj gyangjngoenz caeuq aen mbwn cungj amq fubfub liux bae.

Gihduz Hawj Vunz Rox 21:8

Hoeng, doenghheij mbeiiq, mbouj sinq, yalw, gaj vunz, guh ndaeng guh ndwet, doeng loengh sae loengh coengqfap, baiq duz you caeuq gangj gyajvah hih vunz, cungj ij ngaiz gveng haeuj mwnq liuzvangz dawz feiz yiegyieg he bae. Gij neix couh dwg daixngeih mbat rai lo.”

Gihduz Hawj Vunz Rox 18:18

gyoengqde ndwn youq gyae'gyae yawj aen singz Bahbijlwnz ngaiz gyemz dawz oenq ngaujngauq, couh hemq naeuz: ‘Miz aen singzlaw ndaej beij aen singz hung neix nej?’

Youzdaq Saw 1:7

Vanzlij miz yiengh haem, faenhsou caemh ijaeu ndaejgeiq, mbouj ndaej lumz, couh dwg Sojdohmaj caeuq Ngozmohlah caeuq doenghheij seiqhenz singz de hih vunz, caemh luj doenghheij bouxcai mwnq, gyoengqde haenj guh gijmaz couh guh gijmaz, guh doenghgij ndaengndwet, yalw he, daengz gajlaeng ngaiz feiz gyemz byaeu liux. Gij neix couh dwg gingjgauq daezsingj gyoengqraeuz.

Gihduz Hawj Vunz Rox 19:3

Vanzlij caiq hemq naeuz: “Hahliqluqyaq! Gyemz lauxgawj geq hih oenq yungjyenj oenq mbouj rox sat.”

Bijdwz Ngeih 2:7

Hoeng, de dauq daj Sojdohmaj Singz gouq Lozdwz boux vunz ndei neix okma, [8]aenvih boux vunz ndei neix de youq ndaw doenghheij vunz vaih mwnq siengzseiz yawjraen, siengzseiz dingqri gyoengqde guh doenghgij doegsieb he; [7b]de siengzseiz vih doenghheij guh doeg guh sieb ndaengndwet yalw he hwj siengsim gikheiq.

Ok Ngaihgiz 19:18

Baenx cenz bya Sihnaiq cungj hoenz ngaujngauq fan foedfoed, luj oenq yiuz nwih, aenvih Yehhozvaz caeuq feiz roengz daeuj gwnz bya, guh hwj baenx aen bya cungj doengh fwenxfwenx bae.